بیوفا شاعری

کچھ تو مجبوریاں رہی ہوں گی

یوں کوئی بے وفا نہیں ہوتا

پھر اسی بے وفا پہ مرتے ہیں

پھر وہی زندگی ہماری ہے

کسی بے وفا کی خاطر یہ جنوں فرازؔ کب تک

جو تمہیں بھلا چکا ہے اسے تم بھی بھول جاؤ

لو پھر ترے لبوں پہ اسی بے وفا کا ذکر

احمد فرازؔ تجھ سے کہا نہ بہت ہوا

آشنا بے وفا نہیں ہوتا

بے وفا آشنا نہیں ہوتا

جو ملا اس نے بے وفائی کی

کچھ عجب رنگ ہے زمانے کا

بے مروت ہو بے وفا ہو تم

اپنے مطلب کے آشنا ہو تم

پھر کسی بے وفا کی یاد آئی

پھر کسی نے لیا وفا کا نام

ابھی سے کیسے کہوں تم کو بے وفا صاحب

ابھی تو اپنے سفر کی ہے ابتدا صاحب

ہم نے عالم سے بے وفائی کی

ایک معشوق بے وفا کے لیے