بے_شک ہے رات

بے شک ہے رات ایک گھٹی ہوئی رات

اور مٹی کے چہرے کا رنگ اڑا ہوا

ہوا گھٹاؤں کی نوجوان بیٹی پہاڑ سے اتر کر

مجھ پر دوڑی چلی آ رہی ہے

بے شک رات کسی سوجے ہوئے بدن کے مانند اور ہوا گرم رکی ہوئی

اسی لیے کوئی بھولا ہوا مسافر اپنا راستہ نہیں پا سکتا

یہ طویل بیابان جس کا بدن پھنک رہا ہے

اپنی تنک قبر میں پڑے ہوئے مردے کے مانند ہے

یا جیسے میرا ہی دل جھلسا ہوا دل

میرے ہی تھکے ہوئے جسم میں جو بخار کی شدت سے جل رہا ہے

بے شک رات ہے بے شک