ehsaas
Interesting Fact
(جان کیٹس کی نظم HAPPY INSENSIBILITY کا ترجمہ)
1
sardiyo.n kii is a.ndherii raat me.n
ai KHush-o-KHurram daraKHt
terii shaaKHo.n ko nahii.n ehsaas kuchh
'ahd-e-rafta kii bahaare.n kyaa hu.ii.n
mausam-e-sarmaa kii tez-o-tar havaa
teraa kuchh nuqsaan kar saktii nahii.n
barf-o-baaraa.n kar nahii.n sakte tujhe Gam se niDhaal
dhuup chhaa.nv se tujhe hotaa nahii.n hargiz malaal
2
sardiyo.n kii is a.ndherii raat me.n
mast-e-raahat juu.ebaar
tere paanii ko nahii.n ehsaas kuchh
'ahd-e-rafta kii ravaanii kyaa hu.ii
bhuul jaate hai.n tujhe maazii ke din
tere dil ko aah kuchh hotaa nahii.n
shab kii taariikii me.n terii ruuh ghabraatii nahii.n
tujh ko rah rah kar kisii kii yaad ta.Dpaatii nahii.n
3
zindagii kii is a.ndherii raat me.n
kaash insaa.n ko bhii mil jaataa qaraar
aah ham ne aaj tak ko.ii bashar dekhaa nahii.n
jis kaa siina ranj-o-Gam se ho na jaa.e daaGdaar
zindagii kii dhuup-chhaa.nv me.n jo yaksaa.n rah sake
ranj-o-Gam dard-o-alam ko jo KHushii se sah sake
jis kaa dil qaabuu me.n ho begaana-e-ehsaas ho
hasrato.n se be-KHabar naa-aashnaa-e-yaas ho
1
sardiyo.n kii is a.ndherii raat me.n
ai KHush-o-KHurram daraKHt
terii shaaKHo.n ko nahii.n ehsaas kuchh
'ahd-e-rafta kii bahaare.n kyaa hu.ii.n
mausam-e-sarmaa kii tez-o-tar havaa
teraa kuchh nuqsaan kar saktii nahii.n
barf-o-baaraa.n kar nahii.n sakte tujhe Gam se niDhaal
dhuup chhaa.nv se tujhe hotaa nahii.n hargiz malaal
2
sardiyo.n kii is a.ndherii raat me.n
mast-e-raahat juu.ebaar
tere paanii ko nahii.n ehsaas kuchh
'ahd-e-rafta kii ravaanii kyaa hu.ii
bhuul jaate hai.n tujhe maazii ke din
tere dil ko aah kuchh hotaa nahii.n
shab kii taariikii me.n terii ruuh ghabraatii nahii.n
tujh ko rah rah kar kisii kii yaad ta.Dpaatii nahii.n
3
zindagii kii is a.ndherii raat me.n
kaash insaa.n ko bhii mil jaataa qaraar
aah ham ne aaj tak ko.ii bashar dekhaa nahii.n
jis kaa siina ranj-o-Gam se ho na jaa.e daaGdaar
zindagii kii dhuup-chhaa.nv me.n jo yaksaa.n rah sake
ranj-o-Gam dard-o-alam ko jo KHushii se sah sake
jis kaa dil qaabuu me.n ho begaana-e-ehsaas ho
hasrato.n se be-KHabar naa-aashnaa-e-yaas ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
