حلقہ

ایک لڑکی نے یہ پوچھا ہنس کر

راز اس حلقۂ زریں کا ہے کیا

جس نے انگلی کو مری

اس قدر سخت دبا رکھا ہے

جس کی پیشانی پر

اس قدر تابش و رخشندگی ہے

مرد حیران ہوا اور بولا

حلقۂ خوش بختی

حلقۂ زندگی ہے

وقت گزرا

اور اک دن زن افسردہ نے

حلقۂ زر پہ نظر پھر ڈالی

اور دیکھے وہ شب و روز جو بے سود گئے

صرف امید وفائے شوہر

روئی عورت کے دریغ

حلقۂ زر میں ہنوز

وہی تابش وہی رخشندگی ہے

یہ غلامی کا ہے حلقہ سمجھی

حلقۂ بردگی و بندگی ہے