meraa bachcha

raat merā bachcha chale aayā thā

vahī jo abhī nā-maulūd hai

mere paas aa kar merī āñkheñ taktā rahā

aur pūchh baiThā us kā baap kahāñ hai

mere beTe us kī āñkheñ bilkul tere jaisī thiiñ

us ke abrū kī lakīr hū-ba-hū tere aur mere jaisī hī thī

lekin vo baar baar vahī ek savāl kartā rahā

merā baap kahāñ hai

mere beTe tere baap ko pahāḌoñ kī āñdhī le uḌī

mere beTe tujhe vo chhoḌ kar chalā gayā

terā baap kisī nā-mā'lūm des meñ hai

kisī se koī ġhalatī sarzad huī

mere nanhe laal ab tū kabhī paidā na hogā

merā baap kahāñ hai vo pūchhtā rahā

jo na kabhī jaan sakā jaan kyā hotī hai

merā beTā kahāñ gayā maiñ ne istifsār kiyā

jo kabhī zamīn par aayā hī nahīñ

maiñ kahāñ huuñ baap ne savāl kiyā

jo kohsāroñ ke pīchhe kahīñ kho gayā

raat mera bachcha chale aaya tha

wahi jo abhi na-maulud hai

mere pas aa kar meri aankhen takta raha

aur puchh baiTha us ka bap kahan hai

mere beTe us ki aankhen bilkul tere jaisi thin

us ke abru ki lakir hu-ba-hu tere aur mere jaisi hi thi

lekin wo bar bar wahi ek sawal karta raha

mera bap kahan hai

mere beTe tere bap ko pahaDon ki aandhi le uDi

mere beTe tujhe wo chhoD kar chala gaya

tera bap kisi na-ma'lum des mein hai

kisi se koi ghalati sarzad hui

mere nanhe lal ab tu kabhi paida na hoga

mera bap kahan hai wo puchhta raha

jo na kabhi jaan saka jaan kya hoti hai

mera beTa kahan gaya main ne istifsar kiya

jo kabhi zamin par aaya hi nahin

main kahan hun bap ne sawal kiya

jo kohsaron ke pichhe kahin kho gaya