virsa

āḳhir-kār meñDhā numūdār huā

ibrāhīm ko pata na thā ye farāham kiyā gayā

us bachche ke savāl ke javāb meñ

jaise jaise din guzre vo un kī tāqat banā

unhoñ ne apnī būḌhī nazreñ āsmān kī jānib kiiñ

jānte the unhoñ ne ḳhvāb meñ koī ḳhvāb nahīñ dekhā

ek farishta pahlū meñ khaḌā thā haath se un ke chāqū phisal paḌā

apne iqrār se najāt milī

bachche ne dekhā baap ruḳh phere khaḌe haiñ

is.hāq qurbān nahīñ hue hameñ mā'lūm hai

vo ka.ī baras shādmāñ ba-hayāt rahe

jab tak un kī bīnā.ī kho na ga.ī

lekin un kī zindagī kī vahī ek sā'at

un kī har nasl kā virsa hai

un kī āñkhoñ tale

ek ḳhanjar lahrātā hai

jab se vo paidā hue

aaKHir-kar meinDha numudar hua

ibrahim ko pata na tha ye faraham kiya gaya

us bachche ke sawal ke jawab mein

jaise jaise din guzre wo un ki taqat bana

unhon ne apni buDhi nazren aasman ki jaanib kin

jaante the unhon ne KHwab mein koi KHwab nahin dekha

ek farishta pahlu mein khaDa tha hath se un ke chaqu phisal paDa

apne iqrar se najat mili

bachche ne dekha bap ruKH phere khaDe hain

ishaq qurban nahin hue hamein ma'lum hai

wo kai baras shadman ba-hayat rahe

jab tak un ki binai kho na gai

lekin un ki zindagi ki wahi ek sa'at

un ki har nasl ka wirsa hai

un ki aankhon tale

ek KHanjar lahraata hai

jab se wo paida hue