yuu.n barg-e-gul pe sumbul-e-mushkii.n naqaab kar

yuuñ barg-e-gul pe sumbul-e-mushkīñ naqāb kar

zulfoñ se ruḳh chhupā de jahāñ ko ḳharāb kar

mānind-e-'umr mausam-e-gul bhī guzar na jaa.e

āġhāz-e-daur-e-jām ai saaqī shitāb kar

khol is adā se nargisī āñkheñ vo madh-bharī

nargis ko josh-e-rashk se majbūr-e-ḳhvāb kar

le le mahak banafsha kī aur zulf-e-yār chhū

laala kā rang dekh ke 'azm-e-sharāb kar

‘āshiq-kushī tere liye 'ādat hai rasm hai

pī dushmanoñ ke saath meñ ham par 'itāb kar

misl-e-habāb pesh-e-qadah aañkh khol le

is ghar ko phir qayās misāl-e-habāb kar

'hāfiz' du’ā-e-vasl kā tālib hai ai ḳhudā

is ḳhasta-dil kī ab to du'ā mustajāb kar

yun barg-e-gul pe sumbul-e-mushkin naqab kar

zulfon se ruKH chhupa de jahan ko KHarab kar

manind-e-'umr mausam-e-gul bhi guzar na jae

aaghaz-e-daur-e-jam ai saqi shitab kar

khol is ada se nargisi aankhen wo madh-bhari

nargis ko josh-e-rashk se majbur-e-KHwab kar

le le mahak banafsha ki aur zulf-e-yar chhu

lala ka rang dekh ke 'azm-e-sharab kar

‘ashiq-kushi tere liye 'adat hai rasm hai

pi dushmanon ke sath mein hum par 'itab kar

misl-e-habab pesh-e-qadah aankh khol le

is ghar ko phir qayas misal-e-habab kar

'hafiz' du’a-e-wasl ka talib hai ai KHuda

is KHasta-dil ki ab to du'a mustajab kar