ai mere aabaa-o-ajdaad

ai mere aabā ajdād

mar mar kar jiine vaalo

kyā zarūrī hai bhalā

hameñ is chhalnī meñ chhānñā

ki hamārī hañsī chhan kar dozaḳh kī aag meñ gir jā.egī

aur uupar kuchh aañsū rah jā.eñge

ai beTo naujavāno

tapte khapte

zarūrī hai daraḳhtoñ kā is darvāze se guzarnā

jahāñ se guzarte hue

vo peḌ na raheñ

aur ban jaa.eñ tābūt mez aur kursiyāñ

ban jaa.eñ darvāze

ai mere ābā-o-ajdād

mar mar kar jiine vaalo

kyā zarūrī hai bhalā

tumhārā mar mar kar jiinā

diloñ meñ bas kar hamārā surḳh lahū piinā

beTo naujavāno

tapte khapte

ham to muddatoñ barsoñ se mar chuke haiñ

ham to apnī chitāoñ meñ jalne se pahle hī

sard ho ga.e

ham zinda nahīñ haiñ

ye to tumhāre zehnoñ meñ hamārī koī yaad hai

ham nahīñ bolte

aise hī koī yaad kī tarang se

lahu meñ tumhāre shūktī phirtī hai

ai mere aaba ajdad

mar mar kar jine walo

kya zaruri hai bhala

hamein is chhalni mein chhanna

ki hamari hansi chhan kar dozaKH ki aag mein gir jaegi

aur upar kuchh aansu rah jaenge

ai beTo naujawano

tapte khapte

zaruri hai daraKHton ka is darwaze se guzarna

jahan se guzarte hue

wo peD na rahen

aur ban jaen tabut mez aur kursiyan

ban jaen darwaze

ai mere aaba-o-ajdad

mar mar kar jine walo

kya zaruri hai bhala

tumhaara mar mar kar jina

dilon mein bas kar hamara surKH lahu pina

beTo naujawano

tapte khapte

hum to muddaton barson se mar chuke hain

hum to apni chitaon mein jalne se pahle hi

sard ho gae

hum zinda nahin hain

ye to tumhaare zehnon mein hamari koi yaad hai

hum nahin bolte

aise hi koi yaad ki tarang se

lahu mein tumhaare shukti phirti hai