تنہائی

آج بہت اندھیرا ہے؛ بارش سے

پہاڑ نظر نہیں آ رہا اکلوتی آواز

بارش کی ہے زندگی کو زیر زمیں لے جاتی ہوئی

اور بارش کے ساتھ سردی آتی ہے

آج کوئی چاند نہیں ہو گا نہ تارے

ہوا رات کو چلی

پوری صبح گندم کے ساتھ الجھتی رہی

دوپہر کو ختم ہو گئی لیکن طوفان جاری رہا

کھیتوں کو بھگوتا اور پھر شرابور کرتا ہوا

دھرتی غائب ہو گئی ہے

دیکھنے کو کچھ نہیں ہے صرف بارش

اندھیری کھڑکیوں کے پیچھے چمکتی ہے

یہ وہ آرام گاہ ہے جہاں کوئی ہلچل نہیں ہوتی

اب ہم اپنے اصل وجود کی اور لوٹتے ہیں

اندھیرے میں رہ رہے جانور

بغیر زبان یا بینائی کے

کچھ ثابت نہیں کرتا کہ میں زندہ ہوں

یہاں صرف بارش ہے بارش بے انت ہے