paas se dekhā to jaanā kis qadar maġhmūm haiñ

an-ginat chehre ki jin ko shādmāñ samjhā thā maiñ

pas se dekha to jaana kis qadar maghmum hain

an-ginat chehre ki jin ko shadman samjha tha main

sochtā huuñ to aur baḌhtī hai

zindagī hai ki pyaas hai koī

sochta hun to aur baDhti hai

zindagi hai ki pyas hai koi

kyā usī kā naam hai ra.anā.ī-e-bazm-e-hayāt

tañg kamra sard bistar aur tanhā aadmī

kya usi ka nam hai ranai-e-bazm-e-hayat

tang kamra sard bistar aur tanha aadmi

nazar meñ shoḳh shabīheñ liye hue hai sahar

abhī na koī idhar se dhuāñ dhuāñ guzre

nazar mein shoKH shabihen liye hue hai sahar

abhi na koi idhar se dhuan dhuan guzre

shahr meñ jurm-o-havādis is qadar haiñ āj-kal

ab to ghar meñ baiTh kar bhī log ghabrāne lage

shahr mein jurm-o-hawadis is qadar hain aaj-kal

ab to ghar mein baiTh kar bhi log ghabrane lage