aa.e the ha.nste khelte mai-KHaane me.n 'firaaq' jab pii chuke sharaab to sanjiida ho ga.e

shaam bhii thii dhu.aa.n dhu.aa.n husn bhii thaa udaas udaas dil ko ka.ii kahaaniyaa.n yaad sii aa ke rah ga.ii.n

tum muKHaatib bhii ho qariib bhii ho tum ko dekhe.n ki tum se baat kare.n

bahut dino.n me.n mohabbat ko ye hu.aa ma.aluum jo tere hijr me.n guzrii vo raat raat hu.ii

ko.ii samjhe to ek baat kahuu.n ishq taufiiq hai gunaah nahii.n

bahut dino.n me.n mohabbat ko ye hu.aa ma.aluum jo tere hijr me.n guzrii vo raat raat hu.ii

ko.ii samjhe to ek baat kahuu.n ishq taufiiq hai gunaah nahii.n

tumhe.n kyuu.nkar bataa.e.n zindagii ko kyaa samajhte hai.n samajh lo saa.ns lenaa KHud-kushii karnaa samajhte hai.n kisii badmast ko raaz-aashnaa sab kaa samajhte hai.n nigaah-e-yaar tujh ko kyaa bataa.e.n kyaa samajhte hai.n bas itne par hame.n sab log diivaana samajhte hai.n ki is duniyaa ko ham ik duusrii duniyaa samajhte hai.n kahaa.n kaa vasl tanhaa.ii ne shaayad bhes badlaa hai tire dam bhar ke mil jaane ko ham bhii kyaa samajhte hai.n umiido.n me.n bhii un kii ek shaan-e-be-niyaazii hai har aasaanii ko jo dushvaar ho jaanaa samajhte hai.n yahii zid hai to KHair aa.nkhe.n uThaate hai.n ham us jaanib magar ai dil ham is me.n jaan kaa khaTkaa samajhte hai.n kahii.n ho.n tere diivaane Thahar jaa.e.n to zindaa.n hai jidhar ko mu.nh uThaa kar chal pa.De sahraa samajhte hai.n jahaa.n kii fitrat-e-begaana me.n jo kaif-e-Gam bhar de.n vahii jiinaa samajhte hai.n vahii marnaa samajhte hai.n hamaaraa zikr kyaa ham ko to hosh aayaa mohabbat me.n magar ham qais kaa diivaana ho jaanaa samajhte hai.n na shoKHii shoKH hai itnii na purkaar itnii purkaarii na jaane log terii saadgii ko kyaa samajhte hai.n bhulaa dii.n ek muddat kii jafaa.e.n us ne ye kah kar tujhe apnaa samajhte the tujhe apnaa samajhte hai.n ye kah kar aabla-paa rau.ndte jaate hai.n kaa.nTo.n ko jise talvo.n me.n kar le.n jazb use sahraa samajhte hai.n ye hastii niistii sab mauj-KHezii hai mohabbat kii na ham qatra samajhte hai.n na ham dariyaa samajhte hai.n 'firaaq' is gardish-e-ayyaam se kab kaam niklaa hai sahar hone ko bhii ham raat kaT jaanaa samajhte hai.n

kho diyaa tum ko to ham puuchhte phirte hai.n yahii jis kii taqdiir biga.D jaa.e vo kartaa kyaa hai

ye maanaa zindagii hai chaar din kii bahut hote hai.n yaaro chaar din bhii