ajal bhī Tal ga.ī dekhī ga.ī hālat na āñkhoñ se

shab-e-ġham meñ musībat sī musībat ham ne jhelī hai

ajal bhi Tal gai dekhi gai haalat na aankhon se

shab-e-gham mein musibat si musibat hum ne jheli hai

bhare hoñ aañkh meñ aañsū ḳhamīda gardan ho

to ḳhāmushī ko bhī iz.hār-e-mudda.ā kahiye

bhare hon aankh mein aansu KHamida gardan ho

to KHamushi ko bhi izhaar-e-muddaa kahiye

dil-e-muztar se pūchh ai raunaq-e-bazm

maiñ ḳhud aayā nahīñ laayā gayā huuñ

dil-e-muztar se puchh ai raunaq-e-bazm

main KHud aaya nahin laya gaya hun

jiite jī ham to ġham-e-fardā kī dhun meñ mar ga.e

kuchh vahī achchhe haiñ jo vāqif nahīñ anjām se

jite ji hum to gham-e-farda ki dhun mein mar gae

kuchh wahi achchhe hain jo waqif nahin anjam se

tere bīmār-e-mohabbat kī ye hālat pahuñchī

ki haTāyā gayā takiya bhī sirhāne vaalā

tere bimar-e-mohabbat ki ye haalat pahunchi

ki haTaya gaya takiya bhi sirhane wala