Today's top 5 Urdu Shayari

kyuuñ parakhte ho savāloñ se javāboñ ko 'adīm'

hoñT achchhe hoñ to samjho ki savāl achchhā hai

kyun parakhte ho sawalon se jawabon ko 'adim'

honT achchhe hon to samjho ki sawal achchha hai

mire har amal ko sarāh kar ye aziyyateñ na diyā karo

mirī jaan tum bhī ajiib ho tumheñ rūThnā bhī to chāhiye

mere har amal ko sarah kar ye aziyyaten na diya karo

meri jaan tum bhi ajib ho tumhein ruThna bhi to chahiye

tark-e-ta.alluqāt pe royā na tū na maiñ

lekin ye kyā ki chain se soyā na tū na maiñ

tark-e-talluqat pe roya na tu na main

lekin ye kya ki chain se soya na tu na main

ham jis ke ho ga.e vo hamārā na ho sakā

yuuñ bhī huā hisāb barābar kabhī kabhī

hum jis ke ho gae wo hamara na ho saka

yun bhi hua hisab barabar kabhi kabhi

kahānī likhte hue dāstāñ sunāte hue

vo so gayā hai mujhe ḳhvāb se jagāte hue

kahani likhte hue dastan sunate hue

wo so gaya hai mujhe KHwab se jagate hue