Today's top 5 Urdu Shayari

maiñ hairat o hasrat kā maarā ḳhāmosh khaḌā huuñ sāhil par

dariyā-e-mohabbat kahtā hai aa kuchh bhī nahīñ pāyāb haiñ ham

main hairat o hasrat ka mara KHamosh khaDa hun sahil par

dariya-e-mohabbat kahta hai aa kuchh bhi nahin payab hain hum

ab jo ik hasrat-e-javānī hai

umr-e-rafta kī ye nishānī hai

ab jo ek hasrat-e-jawani hai

umr-e-rafta ki ye nishani hai

kahāñ se lā.ūñ sabr-e-hazrat-e-ayyūb ai saaqī

ḳhum aa.egā surāhī aa.egī tab jaam aa.egā

kahan se laun sabr-e-hazrat-e-ayyub ai saqi

KHum aaega surahi aaegi tab jam aaega

kuchh khaTaktā to hai pahlū meñ mire rah rah kar

ab ḳhudā jaane tirī yaad hai yā dil merā

kuchh khaTakta to hai pahlu mein mere rah rah kar

ab KHuda jaane teri yaad hai ya dil mera

hazār tarah kī mai pī hazār tarah ke zahr

na pyaas hī bujhī apnī na hausla niklā

hazar tarah ki mai pi hazar tarah ke zahr

na pyas hi bujhi apni na hausla nikla