Jawani Shayari

Youth is life’s prime time but it is a passing season. As long as it stays, it keeps us spirited and full of zest. Poets in all languages have composed their verses on this subject. Some examples from Urdu are brought together here. Read and enjoy these reconstructions of youth.

aa.ina dekh ke farmāte haiñ

kis ġhazab hai javānī merī

aaina dekh ke farmate hain

kis ghazab ki hai jawani meri

Imdad Imam Asar

aayā thā saath le ke mohabbat āfateñ

jā.egā jaan le ke zamāna shabāb

aaya tha sath le ke mohabbat ki aafaten

jaega jaan le ke zamana shabab ka

Jigar Biswani
  • Share this

ab jo ik hasrat-e-javānī hai

umr-e-rafta ye nishānī hai

ab jo ek hasrat-e-jawani hai

umr-e-rafta ki ye nishani hai

Mir Taqi Mir

adā aa.ī jafā aa.ī ġhurūr aayā hijāb aayā

hazāroñ āfateñ le kar hasīnoñ par shabāb aayā

ada aai jafa aai ghurur aaya hijab aaya

hazaron aafaten le kar hasinon par shabab aaya

Nooh Narvi
  • Share this

ai ham-nafas na pūchh javānī mājrā

mauj-e-nasīm thī idhar aa.ī udhar ga.ī

ai ham-nafas na puchh jawani ka majra

mauj-e-nasim thi idhar aai udhar gai

Tilok Chand Mahroom

ajiib haal thā ahd-e-shabāb meñ dil

mujhe gunāh bhī kār-e-savāb lagtā thā

strange was the condition of my heart in youth

when even sinful deeds seemed piety forsooth

ajib haal tha ahd-e-shabab mein dil ka

mujhe gunah bhi kar-e-sawab lagta tha

strange was the condition of my heart in youth

when even sinful deeds seemed piety forsooth

Hira Nand Soz

apnī ujḌī huī duniyā kahānī huuñ maiñ

ek bigḌī huī tasvīr-e-javānī huuñ maiñ

apni ujDi hui duniya ki kahani hun main

ek bigDi hui taswir-e-jawani hun main

Akhtar Ansari

bach jaa.e javānī meñ jo duniyā havā se

hotā hai farishta koī insāñ nahīñ hotā

bach jae jawani mein jo duniya ki hawa se

hota hai farishta koi insan nahin hota

Riyaz Khairabadi
  • Share this

balā hai qahr hai aafat hai fitna hai qayāmat hai

hasīnoñ javānī ko javānī kaun kahtā hai

bala hai qahr hai aafat hai fitna hai qayamat hai

hasinon ki jawani ko jawani kaun kahta hai

Arsh Malsiyani
  • Share this

gudāz-e-ishq nahīñ kam jo maiñ javāñ na rahā

vahī hai aag magar aag meñ dhuāñ na rahā

no longer am I young, love's passion still remains

the fire as yet burns, no smoke tho it contains

gudaz-e-ishq nahin kam jo main jawan na raha

wahi hai aag magar aag mein dhuan na raha

no longer am I young, love's passion still remains

the fire as yet burns, no smoke tho it contains

Jigar Moradabadi

haa.e 'sīmāb' us majbūrī

jis ne ho shabāb meñ tauba

hae 'simab' us ki majburi

jis ne ki ho shabab mein tauba

Seemab Akbarabadi
  • Share this

hai javānī ḳhud javānī siñgār

sādgī gahna hai is sin ke liye

youthfullness is itself an ornament forsooth

innocence is the only jewel needed in ones youth

hai jawani KHud jawani ka singar

sadgi gahna hai is sin ke liye

youthfullness is itself an ornament forsooth

innocence is the only jewel needed in ones youth

Ameer Minai

hai qayāmat tire shabāb rañg

rañg badlegā phir zamāne

hai qayamat tere shabab ka rang

rang badlega phir zamane ka

Akhtar Shirani

hayā nahīñ hai zamāne aañkh meñ baaqī

ḳhudā kare ki javānī tirī rahe be-dāġh

haya nahin hai zamane ki aankh mein baqi

KHuda kare ki jawani teri rahe be-dagh

Allama Iqbal
  • Share this

hijr ko hausla aur vasl ko fursat darkār

ik mohabbat ke liye ek javānī kam hai

hijr ko hausla aur wasl ko fursat darkar

ek mohabbat ke liye ek jawani kam hai

Abbas Tabish
  • Share this

ik adā mastāna sar se paañv tak chhā.ī huī

uf tirī kāfir javānī josh par aa.ī huī

ek ada mastana sar se panw tak chhai hui

uf teri kafir jawani josh par aai hui

Dagh Dehlvi
  • Share this

jab milā koī hasīñ jaan par aafat aa.ī

sau jagah ahd-e-javānī meñ tabī.at aa.ī

jab mila koi hasin jaan par aafat aai

sau jagah ahd-e-jawani mein tabiat aai

Hafeez Jaunpuri
  • Share this

'jalāl' ahd-e-javānī hai doge dil sau baar

abhī tauba nahīñ e'tibār ke qābil

'jalal' ahd-e-jawani hai doge dil sau bar

abhi ki tauba nahin e'tibar ke qabil

Jalal Lakhnavi
  • Share this

javāñ hone lage jab vo to ham se kar liyā parda

hayā yak-laḳht aa.ī aur shabāb āhista āhista

as she came of age she started to be veiled from me

shyness came to her at once, beauty then slowly

jawan hone lage jab wo to hum se kar liya parda

haya yak-laKHt aai aur shabab aahista aahista

as she came of age she started to be veiled from me

shyness came to her at once, beauty then slowly

Ameer Minai

javāñ hote le uḌā husn tum ko

parī ho ga.e tum to insān ho kar

jawan hote hi le uDa husn tum ko

pari ho gae tum to insan ho kar

Jaleel Manikpuri

javānī duā laḌkoñ ko nā-haq log dete haiñ

yahī laḌke miTāte haiñ javānī ko javāñ ho kar

jawani ki dua laDkon ko na-haq log dete hain

yahi laDke miTate hain jawani ko jawan ho kar

Akbar Allahabadi
  • Share this

javānī ko bachā sakte to haiñ har daaġh se vaa.iz

magar aisī javānī ko javānī kaun kahtā hai

jawani ko bacha sakte to hain har dagh se waiz

magar aisi jawani ko jawani kaun kahta hai

Fani Badayuni
  • Share this

javānī se ziyāda vaqt-e-pīrī josh hotā hai

bhaḌaktā hai charāġh-e-sub.h jab ḳhāmosh hotā hai

passion runneth stronger in dotage than in youth

the flame flickers burning brighter ere it dies forsooth

jawani se ziyaada waqt-e-piri josh hota hai

bhaDakta hai charagh-e-subh jab KHamosh hota hai

passion runneth stronger in dotage than in youth

the flame flickers burning brighter ere it dies forsooth

Shad Lakhnavi

jhuuT hai sab tārīḳh hamesha apne ko dohrātī hai

achchhā merā ḳhvāb-e-javānī thoḌā dohrā.e to

that history doth repeat itself has no shred of truth

if it does so let it then return to me my youth

jhuT hai sab tariKH hamesha apne ko dohraati hai

achchha mera KHwab-e-jawani thoDa sa dohrae to

that history doth repeat itself has no shred of truth

if it does so let it then return to me my youth

Andaleeb Shadani

kahte haiñ umr-e-rafta kabhī lauTtī nahīñ

mai-kade se merī javānī uThā ke

tis said this fleeting life once gone never returns

go to the tavern and bring back my youth again

kahte hain umr-e-rafta kabhi lauTti nahin

ja mai-kade se meri jawani uTha ke la

tis said this fleeting life once gone never returns

go to the tavern and bring back my youth again

Abdul Hamid Adam

kam-sinī meñ to hasīñ ahd-e-vafā karte haiñ

bhuul jaate haiñ magar sab jo shabāb aatā hai

kam-sini mein to hasin ahd-e-wafa karte hain

bhul jate hain magar sab jo shabab aata hai

Anu raz Mumbai
  • Share this

ḳhāmosh ho ga.iiñ jo umañgeñ shabāb

phir jur.at-e-gunāh na ham bhī chup rahe

KHamosh ho gain jo umangen shabab ki

phir jurat-e-gunah na ki hum bhi chup rahe

Hafeez Jalandhari

kis tarah javānī meñ chalūñ raah pe nāseh

ye umr aisī hai sujhā.ī nahīñ detā

kis tarah jawani mein chalun rah pe naseh

ye umr hi aisi hai sujhai nahin deta

Agha Shayar Qazalbash
  • Share this

kisī ahd-e-javānī meñ pārsā honā

qasam ḳhudā ye tauhīn hai javānī

kisi ka ahd-e-jawani mein parsa hona

qasam KHuda ki ye tauhin hai jawani ki

Josh Malihabadi
  • Share this

kyā yaad kar ke ro.uuñ ki kaisā shabāb thā

kuchh bhī na thā havā thī kahānī thī ḳhvāb thā

kya yaad kar ke roun ki kaisa shabab tha

kuchh bhi na tha hawa thi kahani thi KHwab tha

Lala Madhav Ram Jauhar

kyuuñ javānī mujhe yaad aa.ī

maiñ ne ik ḳhvāb dekhā kyā thā

kyun jawani ki mujhe yaad aai

main ne ek KHwab sa dekha kya tha

Asrar-ul-Haq Majaz

log kahte haiñ ki bad-nāmī se bachnā chāhiye

kah do be is ke javānī mazā miltā nahīñ

log kahte hain ki bad-nami se bachna chahiye

kah do be is ke jawani ka maza milta nahin

Akbar Allahabadi

mazā hai ahd-e-javānī meñ sar paTakne

lahū meñ phir ye ravānī rahe rahe na rahe

maza hai ahd-e-jawani mein sar paTakne ka

lahu mein phir ye rawani rahe rahe na rahe

Chakbast Brij Narayan
  • Share this

mujh tak us mahfil meñ phir jām-e-sharāb aane ko hai

umr-e-rafta palTī aatī hai shabāb aane ko hai

mujh tak us mahfil mein phir jam-e-sharab aane ko hai

umr-e-rafta palTi aati hai shabab aane ko hai

Fani Badayuni

nāsehā āshiqī meñ rakh ma.azūr

kyā karūñ ālam-e-javānī hai

naseha aashiqi mein rakh mazur

kya karun aalam-e-jawani hai

Goya Faqir Mohammad
  • Share this

naujavānī meñ pārsā honā

kaisā kār-e-zabūn hai pyāre

naujawani mein parsa hona

kaisa kar-e-zabun hai pyare

Abdul Hamid Adam
  • Share this

piirī meñ valvale vo kahāñ haiñ shabāb ke

ik dhuup thī ki saath ga.ī āftāb ke

piri mein walwale wo kahan hain shabab ke

ek dhup thi ki sath gai aaftab ke

Munshi Khushwaqt Ali Khursheed
  • Share this

qayāmat hai tirī uThtī javānī

ġhazab Dhāne lagīñ nīchī nigāheñ

qayamat hai teri uThti jawani

ghazab Dhane lagin nichi nigahen

Bekhud Dehlvi
  • Share this

raat bhī niiñd bhī kahānī bhī

haa.e kyā chiiz hai javānī bhī

raat bhi nind bhi kahani bhi

hae kya chiz hai jawani bhi

Firaq Gorakhpuri

ragoñ meñ dauḌtī haiñ bijliyāñ lahū ke evaz

shabāb kahte haiñ jis chiiz ko qayāmat hai

ragon mein dauDti hain bijliyan lahu ke ewaz

shabab kahte hain jis chiz ko qayamat hai

Akhtar Ansari

safar pīchhe jānib hai qadam aage hai merā

maiñ būḌhā hotā jaatā huuñ javāñ hone ḳhātir

safar pichhe ki jaanib hai qadam aage hai mera

main buDha hota jata hun jawan hone ki KHatir

Zafar Iqbal
  • Share this

sair kar duniyā ġhāfil zindagānī phir kahāñ

zindagī gar kuchh rahī to ye javānī phir kahāñ

sair kar duniya ki ghafil zindagani phir kahan

zindagi gar kuchh rahi to ye jawani phir kahan

Khwaja Meer 'Dard'
  • Share this

sambhālā hosh to marne lage hasīnoñ par

hameñ to maut aa.ī shabāb ke badle

sambhaala hosh to marne lage hasinon par

hamein to maut hi aai shabab ke badle

Fakhruddin Sukhan
  • Share this

shabāb naam hai us jāñ-navāz lamhe

jab aadmī ko ye mahsūs ho javāñ huuñ maiñ

shabab nam hai us jaan-nawaz lamhe ka

jab aadmi ko ye mahsus ho jawan hun main

Akhtar Ansari

shirkat gunāh meñ bhī rahe kuchh savāb

tauba ke saath toḌiye botal sharāb

shirkat gunah mein bhi rahe kuchh sawab ki

tauba ke sath toDiye botal sharab ki

Zaheer Dehlvi
  • Share this

talāq de to rahe ho itāb-o-qahr ke saath

mirā shabāb bhī lauTā do merī mahr ke saath

talaq de to rahe ho itab-o-qahr ke sath

mera shabab bhi lauTa do meri mahr ke sath

Sajid Sajni
  • Share this

talātum aarzū meñ hai na tūfāñ justujū meñ hai

javānī guzar jaanā hai dariyā utar jaanā

talatum aarzu mein hai na tufan justuju mein hai

jawani ka guzar jaana hai dariya ka utar jaana

Tilok Chand Mahroom

tasavvur meñ bhī ab vo be-naqāb aate nahīñ mujh tak

qayāmat aa chukī hai log kahte haiñ shabāb aayā

tasawwur mein bhi ab wo be-naqab aate nahin mujh tak

qayamat aa chuki hai log kahte hain shabab aaya

Hafeez Jalandhari
  • Share this

tauba tauba ye balā-ḳhez javānī tauba

dekh kar us but-e-kāfir ko ḳhudā yaad aayā

tauba tauba ye bala-KHez jawani tauba

dekh kar us but-e-kafir ko KHuda yaad aaya

Arsh Malsiyani
  • Share this

tere shabāb ne kiyā mujh ko junūñ se āshnā

mere junūñ ne bhar diye rañg tirī shabāb meñ

tere shabab ne kiya mujh ko junun se aashna

mere junun ne bhar diye rang teri shabab mein

Asar Sahbai

Favorite added successfully

Favorite removed successfully