Sher on Maut

is vahm se ki niiñd meñ aa.e na kuchh ḳhalal

ahbāb zer-e-ḳhāk sulā kar chale ga.e

is wahm se ki nind mein aae na kuchh KHalal

ahbab zer-e-KHak sula kar chale gae

na gor-e-sikandar na hai qabr-e-dārā

miTe nāmiyoñ ke nishāñ kaise kaise

na gor-e-sikandar na hai qabr-e-dara

miTe namiyon ke nishan kaise kaise

yuuñ terī rahguzar se dīvāna-vār guzre

kāñdhe pe apne rakh ke apnā mazār guzre

yun teri rahguzar se diwana-war guzre

kandhe pe apne rakh ke apna mazar guzre

ik mohabbat bhare cinema meñ

mere marne kā scene mere ḳhvāb

ek mohabbat bhare cinema mein

mere marne ka scene mere KHwab

māñgī thī ek baar duā ham ne maut kī

sharminda aaj tak haiñ miyāñ zindagī se ham

mangi thi ek bar dua hum ne maut ki

sharminda aaj tak hain miyan zindagi se hum

maut se pahle jahāñ meñ chand sāñsoñ kā azaab

zindagī jo qarz terā thā adā kar aa.e haiñ

maut se pahle jahan mein chand sanson ka azab

zindagi jo qarz tera tha ada kar aae hain

chhoḌ ke māl-o-daulat saarī duniyā meñ apnī

ḳhālī haath guzar jaate haiñ kaise kaise log

chhoD ke mal-o-daulat sari duniya mein apni

KHali hath guzar jate hain kaise kaise log

zindagī kī bisāt par 'bāqī'

maut kī ek chaal haiñ ham log

zindagi ki bisat par 'baqi'

maut ki ek chaal hain hum log

niiñd ko log maut kahte haiñ

ḳhvāb kā naam zindagī bhī hai

nind ko log maut kahte hain

KHwab ka nam zindagi bhi hai

zindagī kyā hai anāsir meñ zuhūr-e-tartīb

maut kyā hai inhīñ ajzā kā pareshāñ honā

zindagi kya hai anasir mein zuhur-e-tartib

maut kya hai inhin ajza ka pareshan hona

maut ke saath huī hai mirī shādī so 'zafar'

umr ke āḳhirī lamhāt meñ dūlhā huā maiñ

maut ke sath hui hai meri shadi so 'zafar'

umr ke aaKHiri lamhat mein dulha hua main

zindagī ik savāl hai jis kā javāb maut hai

maut bhī ik savāl hai jis kā javāb kuchh nahīñ

zindagi ek sawal hai jis ka jawab maut hai

maut bhi ek sawal hai jis ka jawab kuchh nahin

log achchhe haiñ bahut dil meñ utar jaate haiñ

ik burā.ī hai to bas ye hai ki mar jaate haiñ

log achchhe hain bahut dil mein utar jate hain

ek burai hai to bas ye hai ki mar jate hain

maut hī insān kī dushman nahīñ

zindagī bhī jaan le kar jā.egī

maut hi insan ki dushman nahin

zindagi bhi jaan le kar jaegi

putliyāñ tak bhī to phir jaatī haiñ dekho dam-e-naz.a

vaqt paḌtā hai to sab aañkh churā jaate haiñ

putliyan tak bhi to phir jati hain dekho dam-e-naza

waqt paDta hai to sab aankh chura jate hain

mirī na.ash ke sirhāne vo khaḌe ye kah rahe haiñ

ise niiñd yuuñ na aatī agar intizār hotā

meri nash ke sirhane wo khaDe ye kah rahe hain

ise nind yun na aati agar intizar hota

ai hijr vaqt Tal nahīñ saktā hai maut kā

lekin ye dekhnā hai ki miTTī kahāñ kī hai

ai hijr waqt Tal nahin sakta hai maut ka

lekin ye dekhna hai ki miTTi kahan ki hai

ye hijrateñ haiñ zamīn o zamāñ se aage kī

jo jā chukā hai use lauT kar nahīñ aanā

ye hijraten hain zamin o zaman se aage ki

jo ja chuka hai use lauT kar nahin aana

miTTī kā badan kar diyā miTTī ke havāle

miTTī ko kahīñ tāj-mahal meñ nahīñ rakkhā

miTTi ka badan kar diya miTTi ke hawale

miTTi ko kahin taj-mahal mein nahin rakkha

bahr-e-ġham se paar hone ke liye

maut ko sāhil banāyā jā.egā

bahr-e-gham se par hone ke liye

maut ko sahil banaya jaega

hamārī zindagī to muḳhtasar sī ik kahānī thī

bhalā ho maut kā jis ne banā rakkhā hai afsāna

hamari zindagi to muKHtasar si ek kahani thi

bhala ho maut ka jis ne bana rakkha hai afsana

rahne ko sadā dahr meñ aatā nahīñ koī

tum jaise ga.e aise bhī jaatā nahīñ koī

rahne ko sada dahr mein aata nahin koi

tum jaise gae aise bhi jata nahin koi

zindagī firdaus-e-gum-gashta ko pā saktī nahīñ

maut hī aatī hai ye manzil dikhāne ke liye

zindagi firdaus-e-gum-gashta ko pa sakti nahin

maut hi aati hai ye manzil dikhane ke liye

rone vāloñ ne uThā rakkhā thā ghar sar par magar

umr bhar kā jāgne vaalā paḌā sotā rahā

rone walon ne uTha rakkha tha ghar sar par magar

umr bhar ka jagne wala paDa sota raha

zindagī hai apne qabze meñ na apne bas meñ maut

aadmī majbūr hai aur kis qadar majbūr hai

zindagi hai apne qabze mein na apne bas mein maut

aadmi majbur hai aur kis qadar majbur hai

maut bhī duur bahut duur kahīñ phirtī hai

kaun ab aa ke asīroñ ko rihā.ī degā

maut bhi dur bahut dur kahin phirti hai

kaun ab aa ke asiron ko rihai dega

na sikandar hai na daarā hai na qaisar hai na jam

be-mahal ḳhaak meñ haiñ qasr banāne vaale

na sikandar hai na dara hai na qaisar hai na jam

be-mahal KHak mein hain qasr banane wale

maut kā ek din muayyan hai

niind kyuuñ raat bhar nahīñ aatī

maut ka ek din muayyan hai

nind kyun raat bhar nahin aati

maut kahte haiñ jis ko ai 'sāġhar'

zindagī kī koī kaḌī hogī

maut kahte hain jis ko ai 'saghar'

zindagi ki koi kaDi hogi

aa.ī hogī kisī ko hijr meñ maut

mujh ko to niiñd bhī nahīñ aatī

aai hogi kisi ko hijr mein maut

mujh ko to nind bhi nahin aati

kahānī hai to itnī hai fareb-e-ḳhvāb-e-hastī kī

ki āñkheñ band huuñ aur aadmī afsāna ho jaa.e

kahani hai to itni hai fareb-e-KHwab-e-hasti ki

ki aankhen band hun aur aadmi afsana ho jae

bichhḌā kuchh is adā se ki rut hī badal ga.ī

ik shaḳhs saare shahr ko vīrān kar gayā

bichhDa kuchh is ada se ki rut hi badal gai

ek shaKHs sare shahr ko viran kar gaya

maut kā bhī ilaaj ho shāyad

zindagī kā koī ilaaj nahīñ

maut ka bhi ilaj ho shayad

zindagi ka koi ilaj nahin

duniyā merī balā jaane mahñgī hai yā sastī hai

maut mile to muft na luuñ hastī kī kyā hastī hai

duniya meri bala jaane mahngi hai ya sasti hai

maut mile to muft na lun hasti ki kya hasti hai

kal us key aañkh ne kyā zinda guftugū key thī

gumān tak na huā vo bichhaḌne vaalā hai

kal us key aankh ne kya zinda guftugu key thi

guman tak na hua wo bichhaDne wala hai

bandhan sā ik bañdhā thā rag-o-pai se jism meñ

marne ke ba.ad haath se motī bikhar ga.e

bandhan sa ek bandha tha rag-o-pai se jism mein

marne ke baad hath se moti bikhar gae

maut se kis ko rustagārī hai

aaj vo kal hamārī baarī hai

maut se kis ko rustagari hai

aaj wo kal hamari bari hai

mirī zindagī to guzrī tire hijr ke sahāre

mirī maut ko bhī pyāre koī chāhiye bahāna

meri zindagi to guzri tere hijr ke sahaare

meri maut ko bhi pyare koi chahiye bahana

kam se kam maut se aisī mujhe ummīd nahīñ

zindagī tū ne to dhoke pe diyā hai dhoka

kam se kam maut se aisi mujhe ummid nahin

zindagi tu ne to dhoke pe diya hai dhoka

apne kāñdhoñ pe liye phirtā huuñ apnī hī salīb

ḳhud mirī maut kā mātam hai mire jiine meñ

apne kandhon pe liye phirta hun apni hi salib

KHud meri maut ka matam hai mere jine mein

abad ke dosh pe sū-e-azal chale haiñ ki ham

nayā hī naqsh koī dahr kā banāte haiñ

abad ke dosh pe su-e-azal chale hain ki hum

naya hi naqsh koi dahr ka banate hain

jaane kyuuñ ik ḳhayāl sā aayā

maiñ na hūñgā to kyā kamī hogī

jaane kyun ek KHayal sa aaya

main na hunga to kya kami hogi

sambhālā hosh to marne lage hasīnoñ par

hameñ to maut hī aa.ī shabāb ke badle

sambhaala hosh to marne lage hasinon par

hamein to maut hi aai shabab ke badle

jo unheñ vafā kī sūjhī to na ziist ne vafā kī

abhī aa ke vo na baiThe ki ham uTh ga.e jahāñ se

jo unhen wafa ki sujhi to na zist ne wafa ki

abhi aa ke wo na baiThe ki hum uTh gae jahan se

zamāna baḌe shauq se sun rahā thā

hamīñ so ga.e dāstāñ kahte kahte

zamana baDe shauq se sun raha tha

hamin so gae dastan kahte kahte

maut kā intizār baaqī hai

aap kā intizār thā na rahā

maut ka intizar baqi hai

aap ka intizar tha na raha

ghasīTte hue ḳhud ko phiroge 'zeb' kahāñ

chalo ki ḳhaak ko de aa.eñ ye badan us kā

ghasiTte hue KHud ko phiroge 'zeb' kahan

chalo ki KHak ko de aaen ye badan us ka

vo jin ke zikr se ragoñ meñ dauḌtī thiiñ bijliyāñ

unhīñ kā haath ham ne chhū ke dekhā kitnā sard hai

wo jin ke zikr se ragon mein dauDti thin bijliyan

unhin ka hath hum ne chhu ke dekha kitna sard hai

dil ka.ī saal se marghaT kī tarah suunā hai

ham ka.ī saal se raushan haiñ chitāoñ kī tarah

dil kai sal se marghaT ki tarah suna hai

hum kai sal se raushan hain chitaon ki tarah

maiñ nāhaq din kaaT rahā huuñ

kaun yahāñ sau saal jiyā hai

main nahaq din kaT raha hun

kaun yahan sau sal jiya hai