ab nahīñ lauT ke aane vaalā

ghar khulā chhoḌ ke jaane vaalā

ab nahin lauT ke aane wala

ghar khula chhoD ke jaane wala

mirī taraf se to TuuTā nahīñ koī rishta

kisī ne toḌ diyā e'tibār TuuT gayā

meri taraf se to TuTa nahin koi rishta

kisi ne toD diya e'tibar TuT gaya

naav kāġhaz kī chhoḌ dī maiñ ne

ab samundar kī zimmedārī hai

naw kaghaz ki chhoD di main ne

ab samundar ki zimmedari hai

vo zahr detā to sab kī nigah meñ aa jaatā

so ye kiyā ki mujhe vaqt pe davā.eñ na diiñ

wo zahr deta to sab ki nigah mein aa jata

so ye kiya ki mujhe waqt pe dawaen na din

aadat se lāchār hai aadat na.ī ajiib

jis din khāyā peT bhar soyā nahīñ ġharīb

aadat se lachaar hai aadat nai ajib

jis din khaya peT bhar soya nahin gharib

bhārī bojh pahāḌ sā kuchh halkā ho jaa.e

jab merī chintā baḌhe maañ sapne meñ aa.e

bhaari bojh pahaD sa kuchh halka ho jae

jab meri chinta baDhe man sapne mein aae

khol diye kuchh soch kar sab pinjroñ ke dvaar

ab koī panchhī nahīñ uḌne ko tayyār

khol diye kuchh soch kar sab pinjron ke dwar

ab koi panchhi nahin uDne ko tayyar

lauTā gehūñ bech kar apne gaañv kisān

biTiyā guḌiyā sī lagī patnī lagī javān

lauTa gehun bech kar apne ganw kisan

biTiya guDiya si lagi patni lagi jawan

nadiyā ne mujh se kahā mat aa mere paas

paanī se bujhtī nahīñ antarman kī pyaas

nadiya ne mujh se kaha mat aa mere pas

pani se bujhti nahin antarman ki pyas