Sher on Samundar

kaun kahtā hai ki maut aa.ī to mar jā.ūñgā

maiñ to dariyā huuñ samundar meñ utar jā.ūñgā

kaun kahta hai ki maut aai to mar jaunga

main to dariya hun samundar mein utar jaunga

girte haiñ samundar meñ baḌe shauq se dariyā

lekin kisī dariyā meñ samundar nahīñ girtā

girte hain samundar mein baDe shauq se dariya

lekin kisi dariya mein samundar nahin girta

nazroñ se nāptā hai samundar kī vus.ateñ

sāhil pe ik shaḳhs akelā khaḌā huā

nazron se napta hai samundar ki wusaten

sahil pe ek shaKHs akela khaDa hua

unheñ Thahre samundar ne Duboyā

jinheñ tūfāñ kā andāzā bahut thā

unhen Thahre samundar ne Duboya

jinhen tufan ka andaza bahut tha

dost ahbāb se lene na sahāre jaanā

dil jo ghabrā.e samundar ke kināre jaanā

dost ahbab se lene na sahaare jaana

dil jo ghabrae samundar ke kinare jaana

chheḌ kar jaise guzar jaatī hai doshīza havā

der se ḳhāmosh hai gahrā samundar aur maiñ

chheD kar jaise guzar jati hai doshiza hawa

der se KHamosh hai gahra samundar aur main

chamak rahā hai ḳhema-e-raushan duur sitāre sā

dil kī kashtī tair rahī hai khule samundar meñ

chamak raha hai KHema-e-raushan dur sitare sa

dil ki kashti tair rahi hai khule samundar mein

kaTī huī hai zamīñ koh se samundar tak

milā hai ghaao ye dariyā ko rāsta de kar

kaTi hui hai zamin koh se samundar tak

mila hai ghao ye dariya ko rasta de kar

band ho jaatā hai kuuze meñ kabhī dariyā bhī

aur kabhī qatra samundar meñ badal jaatā hai

band ho jata hai kuze mein kabhi dariya bhi

aur kabhi qatra samundar mein badal jata hai

samundar adā-fahm thā ruk gayā

ki ham paañv paanī pe dharne ko the

samundar ada-fahm tha ruk gaya

ki hum panw pani pe dharne ko the

rakkhī huī hai donoñ kī buniyād ret par

sahrā-e-be-karāñ ko samundar likheñge ham

rakkhi hui hai donon ki buniyaad ret par

sahra-e-be-karan ko samundar likhenge hum