Sher

Poetry has many forms and genres. It also defines and re-defines itself in each age. Every language has its own kinds of poetry and poetics. Here are some examples that tell you something important about Urdu poetry and poetics.

apne lahje hifāzat kījiye

sher ho jaate haiñ nā-mālūm bhī

apne lahje ki hifazat kijiye

sher ho jate hain na-malum bhi

Nida Fazli

apnī rusvā.ī tire naam charchā dekhūñ

ik zarā sher kahūñ aur maiñ kyā kyā dekhūñ

apni ruswai tere nam ka charcha dekhun

ek zara sher kahun aur main kya kya dekhun

Parveen Shakir

'asġhar' ġhazal meñ chāhiye vo mauj-e-zindagī

jo husn hai butoñ meñ jo mastī sharāb meñ

'asghar' ghazal mein chahiye wo mauj-e-zindagi

jo husn hai buton mein jo masti sharab mein

Asghar Gondvi

ash.ār mire yuuñ to zamāne ke liye haiñ

kuchh sher faqat un ko sunāne ke liye haiñ

ashaar mere yun to zamane ke liye hain

kuchh sher faqat un ko sunane ke liye hain

Jaan Nisar Akhtar

aune-paune ġhazleñ bechīñ nazmoñ bevpār kiyā

dekho ham ne peT ḳhātir kyā kyā kārobār kiyā

aune-paune ghazlen bechin nazmon ka bewpar kiya

dekho hum ne peT ki KHatir kya kya karobar kiya

Mahmood Shaam

bandish-e-alfāz jaḌne se nigūñ ke kam nahīñ

shā.erī bhī kaam hai 'ātish' murassa-sāz

bandish-e-alfaz jaDne se nigun ke kam nahin

shaeri bhi kaam hai 'atish' murassa-saz ka

Haidar Ali Aatish

bhuuk taḳhlīq talent baḌhā detī hai

peT ḳhālī ho to ham sher nayā kahte haiñ

bhuk taKHliq ka talent baDha deti hai

peT KHali ho to hum sher naya kahte hain

Khalid Irfan

chhupī hai an-ginat chiñgāriyāñ lafzoñ ke dāman meñ

zarā paḌhnā ġhazal ye kitāb āhista āhista

chhupi hai an-ginat chingariyan lafzon ke daman mein

zara paDhna ghazal ki ye kitab aahista aahista

Prem Bhandari

Diary meñ saare achchhe sher chun kar likh liye

ek laḌkī ne mirā dīvān ḳhālī kar diyā

Diary mein sare achchhe sher chun kar likh liye

ek laDki ne mera diwan KHali kar diya

Etibar Sajid

duniyā ne tajrabāt o havādis shakl meñ

jo kuchh mujhe diyā hai vo lauTā rahā huuñ maiñ

duniya ne tajrabaat o hawadis ki shakl mein

jo kuchh mujhe diya hai wo lauTa raha hun main

Sahir Ludhianvi

ġhazal sher to hotā hai bas kisī ke liye

magar sitam hai ki sab ko sunānā paḌtā hai

ghazal ka sher to hota hai bas kisi ke liye

magar sitam hai ki sab ko sunana paDta hai

Azhar Inayati

hai mashq-e-suḳhan jaarī chakkī mashaqqat bhī

ik turfa tamāshā hai 'hasrat' tabī.at bhī

hai mashq-e-suKHan jari chakki ki mashaqqat bhi

ek turfa tamasha hai 'hasrat' ki tabiat bhi

Hasrat Mohani

hamāre sher haiñ ab sirf dil-lagī ke 'asad'

khulā ki fā.eda arz-e-hunar meñ ḳhaak nahīñ

hamare sher hain ab sirf dil-lagi ke 'asad'

khula ki faeda arz-e-hunar mein KHak nahin

Mirza Ghalib

hamāre sher ko sun kar sukūt ḳhuub nahīñ

bayān kījiye is meñ jo kuchh ta.ammul ho

hamare sher ko sun kar sukut KHub nahin

bayan kijiye is mein jo kuchh tammul ho

Joshish Azimabadi

harf ko barg-e-navā detā huuñ

yuuñ mire paas hunar kuchh bhī nahīñ

harf ko barg-e-nawa deta hun

yun mere pas hunar kuchh bhi nahin

Khaleel Tanveer

hazāroñ sher mere so ga.e kāġhaz qabroñ meñ

ajab maañ huuñ koī bachcha mirā zinda nahīñ rahtā

hazaron sher mere so gae kaghaz ki qabron mein

ajab man hun koi bachcha mera zinda nahin rahta

Bashir Badr

ham se pūchho ki ġhazal kyā hai ġhazal fan kyā

chand lafzoñ meñ koī aag chhupā jaa.e

hum se puchho ki ghazal kya hai ghazal ka fan kya

chand lafzon mein koi aag chhupa di jae

Jaan Nisar Akhtar

is ko samjho na ḳhatt-e-nafs 'hafīz'

aur kuchh hai shā.erī se ġharaz

is ko samjho na KHatt-e-nafs 'hafiz'

aur hi kuchh hai shaeri se gharaz

Hafeez Jaunpuri

kahīñ kahīñ se kuchh misre ek-ādh ġhazal kuchh sher

is pūñjī par kitnā shor machā saktā thā maiñ

kahin kahin se kuchh misre ek-adh ghazal kuchh sher

is punji par kitna shor macha sakta tha main

Iftikhar Arif

'kaif' yuuñ āġhosh-e-fan meñ zehn ko niiñd aa ga.ī

jaise maañ god meñ bachcha sisak kar so gayā

'kaif' yun aaghosh-e-fan mein zehn ko nind aa gai

jaise man ki god mein bachcha sisak kar so gaya

Kaif Ahmed Siddiqui

khultā kisī pe kyuuñ mire dil mo.āmla

sheroñ ke intiḳhāb ne rusvā kiyā mujhe

khulta kisi pe kyun mere dil ka moamla

sheron ke intiKHab ne ruswa kiya mujhe

Mirza Ghalib

ḳhushk seroñ tan-e-shā.er lahū hotā hai

tab nazar aatī hai ik misra-e-tar sūrat

KHushk seron tan-e-shaer ka lahu hota hai

tab nazar aati hai ek misra-e-tar ki surat

Ameer Minai

log kahte haiñ ki fann-e-shā.irī manhūs hai

sher kahte kahte maiñ deputy collector ho gayā

log kahte hain ki fann-e-shairi manhus hai

sher kahte kahte main deputy collector ho gaya

Aagha Kalb-e-husain Khan Nadir

merā har sher hai ik rāz-e-haqīqat 'beḳhud'

maiñ huuñ urdu 'nazīrī' mujhe kyā samjhā

mera har sher hai ek raaz-e-haqiqat 'beKHud'

main hun urdu ka 'naziri' mujhe tu kya samjha

Bekhud Dehlvi

mujh ko shā.er na kaho 'mīr' ki sāhab maiñ ne

dard o ġham kitne kiye jam.a to dīvān kiyā

call me not a poet, Miir, a million sorrows I

have collected to produce a

mujh ko shaer na kaho 'mir' ki sahab main ne

dard o gham kitne kiye jama to diwan kiya

call me not a poet, Miir, a million sorrows I

have collected to produce a

Meer Taqi Meer

rāh-e-mazmūn-e-tāza band nahīñ

qayāmat khulā hai bāb-e-suḳhan

rah-e-mazmun-e-taza band nahin

ta qayamat khula hai bab-e-suKHan

Wali Mohammad Wali

rahtā suḳhan se naam qayāmat talak hai 'zauq'

aulād se to hai yahī do pusht chaar pusht

rahta suKHan se nam qayamat talak hai 'zauq'

aulad se to hai yahi do pusht chaar pusht

Sheikh Ibrahim Zauq

saadā samjho na inheñ rahne do dīvāñ meñ 'amīr'

yahī ash.ār zabānoñ pe haiñ rahne vaale

sada samjho na inhen rahne do diwan mein 'amir'

yahi ashaar zabanon pe hain rahne wale

Ameer Minai

sau sher ek jalse meñ kahte the ham 'amīr'

jab tak na sher kahne ham ko shu.ūr thā

sau sher ek jalse mein kahte the hum 'amir'

jab tak na sher kahne ka hum ko shuur tha

Ameer Minai

shā.er ko mast kartī hai tārīf-e-sher 'amīr'

sau botaloñ nashsha hai is vaah vaah meñ

shaer ko mast karti hai tarif-e-sher 'amir'

sau botalon ka nashsha hai is wah wah mein

Ameer Minai

shā.irī meñ anfus-o-āfāq mub.ham haiñ abhī

isti.āra haqīqat meñ ḳhudā ḳhvāb hai

shairi mein anfus-o-afaq mubham hain abhi

istiara hi haqiqat mein KHuda sa KHwab hai

Kavish Badri

sher dar-asl haiñ vahī 'hasrat'

sunte dil meñ jo utar jaa.eñ

sher dar-asl hain wahi 'hasrat'

sunte hi dil mein jo utar jaen

Hasrat Mohani

suḳhan meñ sahl nahīñ jaañ nikāl kar rakhnā

ye zindagī hai hamārī sambhāl kar rakhnā

suKHan mein sahl nahin jaan nikal kar rakhna

ye zindagi hai hamari sambhaal kar rakhna

Obaidullah Aleem

us to ek lafz bhī ham ko nahīñ hai yaad

kal raat ek sher kahā thā jo ḳhvāb meñ

us ka to ek lafz bhi hum ko nahin hai yaad

kal raat ek sher kaha tha jo KHwab mein

Kamal Ahmad Siddiqi

vahī rah jaate haiñ zabānoñ par

sher jo intiḳhāb hote haiñ

wahi rah jate hain zabanon par

sher jo intiKHab hote hain

Ameer Minai

ye tire ash.ār terī ma.anavī aulād haiñ

apne bachche bechnā 'iqbāl-sājid' chhoḌ de

ye tere ashaar teri manawi aulad hain

apne bachche bechna 'iqbaal-sajid' chhoD de

Iqbal Sajid

zindagī bhar kamā.ī yahī misre do-chār

is kamā.ī pe to izzat nahīñ milne vaalī

zindagi bhar ki kamai yahi misre do-chaar

is kamai pe to izzat nahin milne wali

Iftikhar Arif

Added to your favorites

Removed from your favorites