Sher on Kitab

kamre meñ maze kī raushnī ho

achchhī sī koī kitāb dekhūñ

kamre mein maze ki raushni ho

achchhi si koi kitab dekhun

kitāb-e-husn hai tū mil khulī kitāb kī tarah

yahī kitāb to mar mar ke maiñ ne azbar kī

kitab-e-husn hai tu mil khuli kitab ki tarah

yahi kitab to mar mar ke main ne azbar ki

kis tarah jamā kījiye ab apne aap ko

kāġhaz bikhar rahe haiñ purānī kitāb ke

kis tarah jama kijiye ab apne aap ko

kaghaz bikhar rahe hain purani kitab ke

kitābeñ bhī bilkul merī tarah haiñ

alfāz se bharpūr magar ḳhāmosh

kitaben bhi bilkul meri tarah hain

alfaz se bharpur magar KHamosh

khulī kitāb thī phūloñ-bharī zamīñ merī

kitāb merī thī rañg-e-kitāb us kā thā

khuli kitab thi phulon-bhari zamin meri

kitab meri thi rang-e-kitab us ka tha

kidhar se barq chamaktī hai dekheñ ai vaa.iz

maiñ apnā jaam uThātā huuñ tū kitāb uThā

kidhar se barq chamakti hai dekhen ai waiz

main apna jam uThata hun tu kitab uTha

chehra khulī kitāb hai unvān jo bhī do

jis ruḳh se bhī paḌhoge mujhe jaan jāoge

chehra khuli kitab hai unwan jo bhi do

jis ruKH se bhi paDhoge mujhe jaan jaoge

mazmūn sūjhte haiñ hazāroñ na.e na.e

qāsid ye ḳhat nahīñ mire ġham kī kitāb hai

mazmun sujhte hain hazaron nae nae

qasid ye KHat nahin mere gham ki kitab hai

har ik qayās haqīqat se dūr-tar niklā

kitāb kā na koī dars mo'tabar niklā

har ek qayas haqiqat se dur-tar nikla

kitab ka na koi dars mo'tabar nikla

kāġhaz meñ dab ke mar ga.e kiiḌe kitāb ke

dīvāna be-paḌhe-likhe mash.hūr ho gayā

kaghaz mein dab ke mar gae kiDe kitab ke

diwana be-paDhe-likhe mashhur ho gaya

khaḌā huuñ aaj bhī roTī ke chaar harf liye

savāl ye hai kitāboñ ne kyā diyā mujh ko

khaDa hun aaj bhi roTi ke chaar harf liye

sawal ye hai kitabon ne kya diya mujh ko

rakh dī hai us ne khol ke ḳhud jism kī kitāb

saada varaq pe le koī manzar utaar de

rakh di hai us ne khol ke KHud jism ki kitab

sada waraq pe le koi manzar utar de

rahtā thā sāmne tirā chehra khulā huā

paḌhtā thā maiñ kitāb yahī har class meñ

rahta tha samne tera chehra khula hua

paDhta tha main kitab yahi har class mein

maiñ us ke badan kī muqaddas kitāb

nihāyat aqīdat se paḌhtā rahā

main us ke badan ki muqaddas kitab

nihayat aqidat se paDhta raha

bhale hī laakh havāloñ ke saath kahte haiñ

magar vo sirf kitāboñ kī baat kahte haiñ

bhale hi lakh hawalon ke sath kahte hain

magar wo sirf kitabon ki baat kahte hain

sab kitāboñ ke khul ga.e ma.anī

jab se dekhī 'nazīr' dil kī kitāb

sab kitabon ke khul gae mani

jab se dekhi 'nazir' dil ki kitab

kabhī āñkheñ kitāb meñ gum haiñ

kabhī gum hai kitāb āñkhoñ meñ

kabhi aankhen kitab mein gum hain

kabhi gum hai kitab aankhon mein

tujhe kitāb se mumkin nahīñ farāġh ki tū

kitāb-ḳhvāñ hai magar sāhib-e-kitāb nahīñ

tujhe kitab se mumkin nahin faragh ki tu

kitab-KHwan hai magar sahib-e-kitab nahin

jise paḌhte to yaad aatā thā terā phuul sā chehra

hamārī sab kitāboñ meñ ik aisā baab rahtā thā

jise paDhte to yaad aata tha tera phul sa chehra

hamari sab kitabon mein ek aisa bab rahta tha

ulaT rahī thiiñ havā.eñ varaq varaq us kā

likhī ga.ī thī jo miTTī pe vo kitāb thā vo

ulaT rahi thin hawaen waraq waraq us ka

likhi gai thi jo miTTi pe wo kitab tha wo

dhuup meñ niklo ghaTāoñ meñ nahā kar dekho

zindagī kyā hai kitāboñ ko haTā kar dekho

dhup mein niklo ghaTaon mein naha kar dekho

zindagi kya hai kitabon ko haTa kar dekho

kitāb khol ke dekhūñ to aañkh rotī hai

varaq varaq tirā chehrā dikhā.ī detā hai

kitab khol ke dekhun to aankh roti hai

waraq waraq tera chehra dikhai deta hai

bhulā diiñ ham ne kitābeñ ki us parī-rū ke

kitābī chehre ke aage kitāb hai kyā chiiz

bhula din hum ne kitaben ki us pari-ru ke

kitabi chehre ke aage kitab hai kya chiz

jism to ḳhaak hai aur ḳhaak meñ mil jā.egā

maiñ bahar-hāl kitāboñ meñ milūñgā tum ko

jism to KHak hai aur KHak mein mil jaega

main bahar-haal kitabon mein milunga tum ko

chhupī hai an-ginat chiñgāriyāñ lafzoñ ke dāman meñ

zarā paḌhnā ġhazal kī ye kitāb āhista āhista

chhupi hai an-ginat chingariyan lafzon ke daman mein

zara paDhna ghazal ki ye kitab aahista aahista

surḳhiyoñ meñ 'aib saare hāshiye meñ nekiyāñ

kyā kitāb-e-zindagī hai zindagī kī aaḌ meñ

surKHiyon mein 'aib sare hashiye mein nekiyan

kya kitab-e-zindagi hai zindagi ki aaD mein

bārūd ke badle hāthoñ meñ aa jaa.e kitāb to achchhā ho

ai kaash hamārī āñkhoñ kā ikkīsvāñ ḳhvāb to achchhā ho

barud ke badle hathon mein aa jae kitab to achchha ho

ai kash hamari aankhon ka ikkiswan KHwab to achchha ho

ye ilm kā saudā ye risāle ye kitābeñ

ik shaḳhs kī yādoñ ko bhulāne ke liye haiñ

ye ilm ka sauda ye risale ye kitaben

ek shaKHs ki yaadon ko bhulane ke liye hain

kuchh aur sabaq ham ko zamāne ne sikhā.e

kuchh aur sabaq ham ne kitāboñ meñ paḌhe the

kuchh aur sabaq hum ko zamane ne sikhae

kuchh aur sabaq hum ne kitabon mein paDhe the

ye shā.irī ye kitābeñ ye āyateñ dil kī

nishāniyāñ ye sabhī tujh pe vārnā hoñgī

ye shairi ye kitaben ye aayaten dil ki

nishaniyan ye sabhi tujh pe warna hongi

falsafe saare kitāboñ meñ ulajh kar rah ga.e

dars-gāhoñ meñ nisāboñ kī thakan baaqī rahī

falsafe sare kitabon mein ulajh kar rah gae

dars-gahon mein nisabon ki thakan baqi rahi

vafā nazar nahīñ aatī kahīñ zamāne meñ

vafā kā zikr kitāboñ meñ dekh lete haiñ

wafa nazar nahin aati kahin zamane mein

wafa ka zikr kitabon mein dekh lete hain

vahī firāq kī bāteñ vahī hikāyat-e-vasl

na.ī kitāb kā ek ik varaq purānā thā

wahi firaq ki baaten wahi hikayat-e-wasl

nai kitab ka ek ek waraq purana tha

chuum luuñ maiñ varaq varaq us kā

tere chehre se jo kitāb mile

chum lun main waraq waraq us ka

tere chehre se jo kitab mile

jo paḌhā hai use jiinā hī nahīñ hai mumkin

zindagī ko maiñ kitāboñ se alag rakhtā huuñ

jo paDha hai use jina hi nahin hai mumkin

zindagi ko main kitabon se alag rakhta hun

qabroñ meñ nahīñ ham ko kitāboñ meñ utāro

ham log mohabbat kī kahānī meñ mareñ haiñ

qabron mein nahin hum ko kitabon mein utaro

hum log mohabbat ki kahani mein maren hain

ek charāġh aur ek kitāb aur ek ummīd asāsa

us ke ba.ad to jo kuchh hai vo sab afsāna hai

ek charagh aur ek kitab aur ek ummid asasa

us ke baad to jo kuchh hai wo sab afsana hai