aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Teacher

A teacher is not just

the one who imparts knowledge; he also symbolises an institution. Along with the taught, the teacher creates a complex of meaning which makes life and living meaningful. Some verses on teacher will bring you close to a variety of ideas that define life and the purpose of our living.

maañ baap aur ustād sab haiñ ḳhudā rahmat

hai rok-Tok un haq meñ tumhāre ne.amat

man bap aur ustad sab hain KHuda ki rahmat

hai rok-Tok un ki haq mein tumhaare neamat

Altaf Hussain Hali

jin ke kirdār se aatī ho sadāqat mahak

un tadrīs se patthar bhī pighal sakte haiñ

jin ke kirdar se aati ho sadaqat ki mahak

un ki tadris se patthar bhi pighal sakte hain

Unknown

shāgird haiñ ham 'mīr' se ustād ke 'rāsiḳh'

ustādoñ ustād hai ustād hamārā

shagird hain hum 'mir' se ustad ke 'rasiKH'

ustadon ka ustad hai ustad hamara

Rasikh Azimabadi

adab ta.alīm jauhar hai zevar hai javānī

vahī shāgird haiñ jo ḳhidmat-e-ustād karte haiñ

adab talim ka jauhar hai zewar hai jawani ka

wahi shagird hain jo KHidmat-e-ustad karte hain

Chakbast Brij Narayan

dekhā na kohkan koī farhād ke baġhair

aatā nahīñ hai fan koī ustād ke baġhair

dekha na kohkan koi farhad ke baghair

aata nahin hai fan koi ustad ke baghair

Unknown

vahī shāgird phir ho jaate haiñ ustād ai 'jauhar'

jo apne jān-o-dil se ḳhidmat-e-ustād karte haiñ

wahi shagird phir ho jate hain ustad ai 'jauhar'

jo apne jaan-o-dil se KHidmat-e-ustad karte hain

Lala Madhav Ram Jauhar

rahbar bhī ye hamdam bhī ye ġham-ḳhvār hamāre

ustād ye qaumoñ ke haiñ me.amār hamāre

rahbar bhi ye hamdam bhi ye gham-KHwar hamare

ustad ye qaumon ke hain meamar hamare

Unknown

ab mujhe māneñ na māneñ ai 'hafīz'

mānte haiñ sab mire ustād ko

ab mujhe manen na manen ai 'hafiz'

mante hain sab mere ustad ko

Hafeez Jaunpuri

ustād ke ehsān kar shukr 'munīr' aaj

ahl-e-suḳhan ne tirī tārīf baḌī baat

ustad ke ehsan ka kar shukr 'munir' aaj

ki ahl-e-suKHan ne teri tarif baDi baat

Muneer Shikohabadi

madrasa merā merī zaat meñ hai

ḳhud moallim huuñ ḳhud kitāb huuñ maiñ

madrasa mera meri zat mein hai

KHud moallim hun KHud kitab hun main

Saqi Amrohvi

mahrūm huuñ maiñ ḳhidmat-e-ustād se 'munīr'

kalkatta mujh ko gor se bhī tañg ho gayā

mahrum hun main KHidmat-e-ustad se 'munir'

kalkatta mujh ko gor se bhi tang ho gaya

Muneer Shikohabadi

kis tarah 'amānat' na rahūñ ġham se maiñ dil-gīr

āñkhoñ meñ phirā kartī hai ustād sūrat

kis tarah 'amanat' na rahun gham se main dil-gir

aankhon mein phira karti hai ustad ki surat

Amanat Lakhnavi

falsafe saare kitāboñ meñ ulajh kar rah ga.e

dars-gāhoñ meñ nisāboñ thakan baaqī rahī

falsafe sare kitabon mein ulajh kar rah gae

dars-gahon mein nisabon ki thakan baqi rahi

Naseer Ahmad Nasir

mujh se jo chāhiye vo dars-e-basīrat liije

maiñ ḳhud āvāz huuñ merī koī āvāz nahīñ

mujh se jo chahiye wo dars-e-basirat lije

main KHud aawaz hun meri koi aawaz nahin

Asghar Gondvi

ye fann-e-ishq hai aave use tīnat meñ jis ho

zāhid pīr-e-nā-bāliġh hai be-tah tujh ko kyā aave

ye fann-e-ishq hai aawe use tinat mein jis ki ho

tu zahid pir-e-na-baaligh hai be-tah tujh ko kya aawe

Meer Taqi Meer

ahl-e-bīnash ko hai tūfān-e-havādis maktab

lutma-e-mauj kam az saili-e-ustād nahīñ

ahl-e-binash ko hai tufan-e-hawadis maktab

lutma-e-mauj kam az saili-e-ustad nahin

Mirza Ghalib

sach ye hai ham mohabbat sabaq paḌh na sake

varna an-paḌh to na the ham ko paḌhāne vaale

sach ye hai hum hi mohabbat ka sabaq paDh na sake

warna an-paDh to na the hum ko paDhane wale

Anwar Jamal Anwar

paḌhne vaalā bhī to kartā hai kisī se mansūb

sabhī kirdār kahānī ke nahīñ hote haiñ

paDhne wala bhi to karta hai kisi se mansub

sabhi kirdar kahani ke nahin hote hain

Nazir Wahid

asātiza ne mirā haath thaam rakkhā hai

isī liye to maiñ pahuñchā huuñ apnī manzil par

asatiza ne mera hath tham rakkha hai

isi liye to main pahuncha hun apni manzil par

Ishaq Virdag

shāgird tarz-e-ḳhanda-zanī meñ hai gul tirā

ustād-e-andalīb haiñ soz-o-fuġhāñ meñ ham

shagird tarz-e-KHanda-zani mein hai gul tera

ustad-e-andalib hain soz-o-fughan mein hum

Haidar Ali Aatish

hai aur ilm o adab maktab-e-mohabbat meñ

ki hai vahāñ moallim judā adiib judā

hai aur ilm o adab maktab-e-mohabbat mein

ki hai wahan ka moallim juda adib juda

Shaikh Ibrahim Zauq

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now