Sher on Kolkata

mahrūm huuñ maiñ ḳhidmat-e-ustād se 'munīr'

kalkatta mujh ko gor se bhī tañg ho gayā

mahrum hun main KHidmat-e-ustad se 'munir'

kalkatta mujh ko gor se bhi tang ho gaya

koī chhīñTā paḌe to 'dāġh' kalkatte chale jaa.eñ

azīmābād meñ ham muntazir sāvan ke baiThe haiñ

koi chhinTa paDe to 'dagh' kalkatte chale jaen

azimabaad mein hum muntazir sawan ke baiThe hain

ḳhvāb aañsū ehtajājī zindagī

pūchhiye mat shahr-e-kalkatta hai kyā

KHwab aansu ehtajaji zindagi

puchhiye mat shahr-e-kalkatta hai kya

sisaktī aarzū kā dard huuñ fōtpath jaisā huuñ

ki mujh meñ chhaTpaTātā shahr-e-kalkatta bhī rahtā hai

sisakti aarzu ka dard hun footpath jaisa hun

ki mujh mein chhaTpaTata shahr-e-kalkatta bhi rahta hai

sū-e-kalkatta jo ham ba-dil-e-dīvāna chale

gungunāte hue ik shoḳh kā afsāna chale

su-e-kalkatta jo hum ba-dil-e-diwana chale

gungunate hue ek shoKH ka afsana chale

kalkatta se bhī kījiye hāsil koī to ilm

sīkheñge sehr-e-sāmrī ham chashm-e-yār se

kalkatta se bhi kijiye hasil koi to ilm

sikhenge sehr-e-samri hum chashm-e-yar se

lā-makāñ hai vāste un kī maqām-e-būd-o-bāsh

go ba-zāhir kahne ko kalkatta aur lahore hai

la-makan hai waste un ki maqam-e-bud-o-bash

go ba-zahir kahne ko kalkatta aur lahore hai

kalkatta meñ har dam hai 'munīr' aap ko vahshat

har koThī meñ har bañgle meñ jañglā nazar aayā

kalkatta mein har dam hai 'munir' aap ko wahshat

har koThi mein har bangle mein jangla nazar aaya

kalkatta meñ har dam hai 'munīr' aap ko vahshat

har koThī meñ har bañgle meñ jañglā nazar aayā

kalkatta mein har dam hai 'munir' aap ko wahshat

har koThi mein har bangle mein jangla nazar aaya

kalkatta jo rahte the

gaañv vaale hañste the

kalkatta jo rahte the

ganw wale hanste the