Khwab Shayari

Dream is not only that which we have during our sleep; they also come to us when we are wide awake and we chase them feverishly. Here is a selection of verses that draw upon the experience of dream, their realisation, and how they represent human concerns. Read them and you will find the reflections of your own dreams here.

ā.īna ā.īna tairtā koī aks

aur har ḳhvāb meñ dūsrā ḳhvāb hai

aaina aaina tairta koi aks

aur har KHwab mein dusra KHwab hai

Atiiqullah

aañkh khulte bastiyāñ tārāj

koī lazzat nahīñ hai ḳhvāboñ meñ

aankh khulte hi bastiyan taraj

koi lazzat nahin hai KHwabon mein

Aashufta Changezi

āñkheñ kholo ḳhvāb sameTo jaago bhī

'alvī' pyāre dekho saalā din niklā

aankhen kholo KHwab sameTo jago bhi

'alwi' pyare dekho sala din nikla

Mohammad Alvi

āñkheñ khulīñ to jaag uThīñ hasrateñ tamām

us ko bhī kho diyā jise paayā thā ḳhvāb meñ

as my eyes did ope my yearnings did rebound

for I lost the person who in my dreams I found

aankhen khulin to jag uThin hasraten tamam

us ko bhi kho diya jise paya tha KHwab mein

as my eyes did ope my yearnings did rebound

for I lost the person who in my dreams I found

Siraj Lakhnavi

āñkhoñ meñ jo bhar loge to kāñToñ se chubheñge

ye ḳhvāb to palkoñ pe sajāne ke liye haiñ

aankhon mein jo bhar loge to kanTon se chubhenge

ye KHwab to palkon pe sajaane ke liye hain

Jaan Nisar Akhtar

āsār-e-ishq āñkhoñ se hone lage ayaañ

bedārī taraqqī huī ḳhvāb kam huā

aasar-e-ishq aankhon se hone lage ayan

bedari ki taraqqi hui KHwab kam hua

Haidar Ali Aatish
  • Share this

āshiq siyah-rozī ījād huī jis din

us roz se ḳhvāboñ ye zulf pareshāñ hai

aashiq ki siyah-rozi ijad hui jis din

us roz se KHwabon ki ye zulf pareshan hai

Ishq Aurangabadi
  • Share this

āshiqī meñ 'mīr' jaise ḳhvāb mat dekhā karo

bāvle ho jāoge mahtāb mat dekhā karo

aashiqi mein 'mir' jaise KHwab mat dekha karo

bawle ho jaoge mahtab mat dekha karo

Ahmad Faraz

āvāz de rahā thā koī mujh ko ḳhvāb meñ

lekin ḳhabar nahīñ ki bulāyā kahāñ gayā

aawaz de raha tha koi mujh ko KHwab mein

lekin KHabar nahin ki bulaya kahan gaya

Faisal Ajmi

ab judā.ī ke safar ko mire āsān karo

tum mujhe ḳhvāb meñ aa kar na pareshān karo

ab judai ke safar ko mere aasan karo

tum mujhe KHwab mein aa kar na pareshan karo

Munawwar Rana
  • Share this

abhī vo aañkh bhī soī nahīñ hai

abhī vo ḳhvāb bhī jaagā huā hai

abhi wo aankh bhi soi nahin hai

abhi wo KHwab bhi jaga hua hai

Naseer Ahmad Nasir

aisā bhī kabhī ho maiñ jise ḳhvāb meñ dekhūñ

jāgūñ to vahī ḳhvāb ta.abīr batā.e

aisa bhi kabhi ho main jise KHwab mein dekhun

jagun to wahi KHwab ki tabir batae

Mustafa Shahab
  • Share this

ajiib ḳhvāb thā ta.abīr kyā huī us

ki ek dariyā havāoñ ke ruḳh pe bahtā thā

ajib KHwab tha tabir kya hui us ki

ki ek dariya hawaon ke ruKH pe bahta tha

Aashufta Changezi

aur to kyā thā bechne ke liye

apnī āñkhoñ ke ḳhvāb beche haiñ

aur to kya tha bechne ke liye

apni aankhon ke KHwab beche hain

Jaun Eliya
  • Share this

baḌī aarzū thī ham ko na.e ḳhvāb dekhne

so ab apnī zindagī meñ na.e ḳhvāb bhar rahe haiñ

baDi aarzu thi hum ko nae KHwab dekhne ki

so ab apni zindagi mein nae KHwab bhar rahe hain

Obaidullah Aleem

bārhā terā intizār kiyā

apne ḳhvāboñ meñ ik dulhan tarah

barha tera intizar kiya

apne KHwabon mein ek dulhan ki tarah

Parveen Shakir
  • Share this

bārūd ke badle hāthoñ meñ aa jaa.e kitāb to achchhā ho

ai kaash hamārī āñkhoñ ikkīsvāñ ḳhvāb to achchhā ho

barud ke badle hathon mein aa jae kitab to achchha ho

ai kash hamari aankhon ka ikkiswan KHwab to achchha ho

Ghulam Mohammad Qasir

bahtī huī āñkhoñ ravānī meñ mare haiñ

kuchh ḳhvāb mire ain-javānī meñ mare haiñ

bahti hui aankhon ki rawani mein mare hain

kuchh KHwab mere ain-jawani mein mare hain

Ejaaz tawakkal
  • Share this

balā-e-jāñ thī jo bazm-e-tamāshā chhoḌ maiñ ne

ḳhushā ai zindagī ḳhvāboñ duniyā chhoḌ maiñ ne

bala-e-jaan thi jo bazm-e-tamasha chhoD di main ne

KHusha ai zindagi KHwabon ki duniya chhoD di main ne

Abu Mohammad Sahar
  • Share this

banā.ūñ kis ko shab-e-ġham anīs-e-tanhā.ī

ki saath hai mirī taqdīr vo bhī ḳhvāb meñ hai

banaun kis ko shab-e-gham anis-e-tanhai

ki sath hai meri taqdir wo bhi KHwab mein hai

Jaleel Manikpuri
  • Share this

bas ek ḳhvāb sūrat kahīñ hai ghar merā

makāñ ke hote hue lā-makāñ ke hote hue

bas ek KHwab ki surat kahin hai ghar mera

makan ke hote hue la-makan ke hote hue

Iftikhar Arif

beTiyāñ baap āñkhoñ meñ chhupe ḳhvāb ko pahchāntī haiñ

aur koī dūsrā is ḳhvāb ko paḌh le to burā māntī haiñ

beTiyan bap ki aankhon mein chhupe KHwab ko pahchanti hain

aur koi dusra is KHwab ko paDh le to bura manti hain

Iftikhar Arif
  • Share this

bhar laa.e haiñ ham aañkh meñ rakhne ko muqābil

ik ḳhvāb-e-tamannā tirī ġhaflat ke barābar

bhar lae hain hum aankh mein rakhne ko muqabil

ek KHwab-e-tamanna teri ghaflat ke barabar

Abrar Ahmad

bharī rahe abhī āñkhoñ meñ us ke naam niind

vo ḳhvāb hai to yūñhī dekhne se guzregā

bhari rahe abhi aankhon mein us ke nam ki nind

wo KHwab hai to yunhi dekhne se guzrega

Zafar Iqbal

bin dekhe us ke jaave rañj o azaab kyuuñ kar

vo ḳhvāb meñ to aave par aave ḳhvāb kyuuñ kar

bin dekhe us ke jawe ranj o azab kyun kar

wo KHwab mein to aawe par aawe KHwab kyun kar

Jurat Qalandar Bakhsh

chauñk paḌtā huuñ ḳhushī se jo vo aa jaate haiñ

ḳhvāb meñ ḳhvāb ta.abīr bigaḌ jaatī hai

chaunk paDta hun KHushi se jo wo aa jate hain

KHwab mein KHwab ki tabir bigaD jati hai

Zaheer Dehlvi

darvāza khaTkhaTā ke sitāre chale ga.e

ḳhvāboñ shaal oḌh ke maiñ ūñghtā rahā

darwaza khaTkhaTa ke sitare chale gae

KHwabon ki shaal oDh ke main unghta raha

Adil Mansuri

dekhī thī ek raat tirī zulf ḳhvāb meñ

phir jab talak jiyā maiñ pareshān rahā

dekhi thi ek raat teri zulf KHwab mein

phir jab talak jiya main pareshan hi raha

Raza Azimabadi
  • Share this

dikhā.ī detā hai jo kuchh kahīñ vo ḳhvāb na ho

jo sun rahī huuñ vo dhokā na ho samā.at

dikhai deta hai jo kuchh kahin wo KHwab na ho

jo sun rahi hun wo dhoka na ho samaat ka

Fatima Hasan

dikhā.ī ḳhvāb meñ thī Tuk ik muñh jhalak ham kuuñ

nahīñ tāqat añkhiyoñ ke kholne ab talak ham kuuñ

dikhai KHwab mein di thi Tuk ek munh ki jhalak hum kun

nahin taqat ankhiyon ke kholne ki ab talak hum kun

Abroo Shah Mubarak
  • Share this

dil kabhī ḳhvāb ke pīchhe kabhī duniyā taraf

ek ne ajr diyā ek ne ujrat nahīñ

dil kabhi KHwab ke pichhe kabhi duniya ki taraf

ek ne ajr diya ek ne ujrat nahin di

Iftikhar Arif

dil mirā ḳhvāb-gāh-e-dilbar hai

bas yahī ek sone ghar hai

dil mera KHwab-gah-e-dilbar hai

bas yahi ek sone ka ghar hai

Lala Madhav Ram Jauhar

haañ kabhī ḳhvāb-e-ishq dekhā thā

ab tak āñkhoñ se ḳhuuñ Tapaktā hai

han kabhi KHwab-e-ishq dekha tha

ab tak aankhon se KHun Tapakta hai

Akhtar Ansari

haath lagāte miTTī Dher hue

kaise kaise rañg bhare the ḳhvāboñ meñ

hath lagate hi miTTi ka Dher hue

kaise kaise rang bhare the KHwabon mein

Khaavar Ejaz

hai bahut kuchh mirī ta.abīr duniyā tujh meñ

phir bhī kuchh hai ki jo ḳhvāboñ ke jahāñ se kam hai

hai bahut kuchh meri tabir ki duniya tujh mein

phir bhi kuchh hai ki jo KHwabon ke jahan se kam hai

Irfan Siddiqi
  • Share this

hai ġhaib-e-ġhaib jis ko samajhte haiñ ham shuhūd

haiñ ḳhvāb meñ hunūz jo jaage haiñ ḳhvāb meñ

hai ghaib-e-ghaib jis ko samajhte hain hum shuhud

hain KHwab mein hunuz jo jage hain KHwab mein

Mirza Ghalib

hai tā-hadd-e-imkāñ koī bastī na bayābāñ

āñkhoñ meñ koī ḳhvāb dikhā.ī nahīñ detā

hai ta-hadd-e-imkan koi basti na bayaban

aankhon mein koi KHwab dikhai nahin deta

Syed Amin Ashraf

haiñ tasavvur meñ us ke āñkheñ band

log jāneñ haiñ ḳhvāb kartā huuñ

hain tasawwur mein us ke aankhen band

log jaanen hain KHwab karta hun

Meer Mohammadi Bedar
  • Share this

hal kar liyā majāz haqīqat ke raaz ko

paa.ī hai maiñ ne ḳhvāb ta.abīr ḳhvāb meñ

hal kar liya majaz haqiqat ke raaz ko

pai hai main ne KHwab ki tabir KHwab mein

Asghar Gondvi
  • Share this

ham bulāte vo tashrīf laate rahe

ḳhvāb meñ ye karāmāt hotī rahī

hum bulate wo tashrif late rahe

KHwab mein ye karamat hoti rahi

Anwar Shuoor

ham kis ko dikhāte shab-e-furqat udāsī

sab ḳhvāb meñ the raat ko bedār hamīñ the

hum kis ko dikhate shab-e-furqat ki udasi

sab KHwab mein the raat ko bedar hamin the

Taashshuq Lakhnavi

ham tire ḳhvāboñ jannat se nikal kar aa ga.e

dekh terā qasr-e-ālī-shān ḳhālī kar diyā

hum tere KHwabon ki jannat se nikal kar aa gae

dekh tera qasr-e-ali-shan KHali kar diya

Etibar Sajid

hamārā ishq ravāñ hai rukāvaToñ meñ 'zafar'

ye ḳhvāb hai kisī dīvār se nahīñ ruktā

hamara ishq rawan hai rukawaTon mein 'zafar'

ye KHwab hai kisi diwar se nahin rukta

Zafar Iqbal

hamāre ḳhvāb chorī ho ga.e haiñ

hameñ rātoñ ko niiñd aatī nahīñ hai

hamare KHwab chori ho gae hain

hamein raaton ko nind aati nahin hai

Bakhsh Layalpuri

hamārī jeb meñ ḳhvāboñ rezgārī hai

so len-den hamārā dukāñ se bāhar hai

hamari jeb mein KHwabon ki rezgari hai

so len-den hamara dukan se bahar hai

Hasan Abbas Raza

har ek aañkh ko kuchh TuuTe ḳhvāb de ke gayā

vo zindagī ko ye kaisā azaab de ke gayā

har ek aankh ko kuchh TuTe KHwab de ke gaya

wo zindagi ko ye kaisa azab de ke gaya

Hakeem Manzoor

har ek raat ko mahtāb dekhne ke liye

maiñ jāgtā huuñ tirā ḳhvāb dekhne ke liye

har ek raat ko mahtab dekhne ke liye

main jagta hun tera KHwab dekhne ke liye

Azhar Inayati

har ik makāñ meñ guzargāh-e-ḳhvāb hai lekin

agar nahīñ to nahīñ ishq ke janāb meñ ḳhvāb

har ek makan mein guzargah-e-KHwab hai lekin

agar nahin to nahin ishq ke janab mein KHwab

Nazeer Akbarabadi

ik ḳhvāb to thā jo farāmosh ho gayā

ik yaad to thī jo bhulā ga.ī to kyā

ek KHwab hi to tha jo faramosh ho gaya

ek yaad hi to thi jo bhula di gai to kya

Iftikhar Arif

ik muamma hai samajhne na samjhāne

zindagī kaahe ko hai ḳhvāb hai dīvāne

ek muamma hai samajhne ka na samjhane ka

zindagi kahe ko hai KHwab hai diwane ka

Fani Badayuni

Added to your favorites

Removed from your favorites