aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Duniya

We all have developed

our own perspectives on the world we live in. In this act of belonging to this world, there is much that is entirely our own. Yet, there is much that has been left behind. Reading these verses on the world, you would come across certain realities that only the creative minds can explore. These verses create a larger context for you to look at this phenomenon called the world.

duniyā meñ huuñ duniyā talabgār nahīñ huuñ

bāzār se guzrā huuñ ḳharīdār nahīñ huuñ

I live in this world tho for life I do not vie

I pass through the market but I do not wish to buy

duniya mein hun duniya ka talabgar nahin hun

bazar se guzra hun KHaridar nahin hun

I live in this world tho for life I do not vie

I pass through the market but I do not wish to buy

Akbar Allahabadi

yahāñ libās qīmat hai aadmī nahīñ

mujhe gilās baḌe de sharāb kam kar de

yahan libas ki qimat hai aadmi ki nahin

mujhe gilas baDe de sharab kam kar de

Bashir Badr

dekhā hai zindagī ko kuchh itne qarīb se

chehre tamām lagne lage haiñ ajiib se

dekha hai zindagi ko kuchh itne qarib se

chehre tamam lagne lage hain ajib se

Sahir Ludhianvi

tum zamāne raah se aa.e

varna sīdhā thā rāsta dil

tum zamane ki rah se aae

warna sidha tha rasta dil ka

Baqi Siddiqui

duniyā mahfiloñ se uktā gayā huuñ rab

kyā lutf anjuman jab dil bujh gayā ho

duniya ki mahfilon se ukta gaya hun ya rab

kya lutf anjuman ka jab dil hi bujh gaya ho

Allama Iqbal

duniyā jise kahte haiñ jaadū khilaunā hai

mil jaa.e to miTTī hai kho jaa.e to sonā hai

duniya jise kahte hain jadu ka khilauna hai

mil jae to miTTi hai kho jae to sona hai

Nida Fazli

bāzīcha-e-atfāl hai duniyā mire aage

hotā hai shab-o-roz tamāshā mire aage

just like a child's playground this world appears to me

every single night and day, this spectacle I see

bazicha-e-atfal hai duniya mere aage

hota hai shab-o-roz tamasha mere aage

just like a child's playground this world appears to me

every single night and day, this spectacle I see

Mirza Ghalib

nahīñ duniyā ko jab parvā hamārī

to phir duniyā parvā kyuuñ kareñ ham

nahin duniya ko jab parwa hamari

to phir duniya ki parwa kyun karen hum

Jaun Eliya

justujū jis thī us ko to na paayā ham ne

is bahāne se magar dekh duniyā ham ne

justuju jis ki thi us ko to na paya hum ne

is bahane se magar dekh li duniya hum ne

Shahryar

chale to paañv ke nīche kuchal ga.ī koī shai

nashe jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai

Shahab Jafri

bhuul shāyad bahut baḌī kar

dil ne duniyā se dostī kar

bhul shayad bahut baDi kar li

dil ne duniya se dosti kar li

Bashir Badr

ghar ke bāhar DhūñDhtā rahtā huuñ duniyā

ghar ke andar duniyā-dārī rahtī hai

ghar ke bahar DhunDhta rahta hun duniya

ghar ke andar duniya-dari rahti hai

Rahat Indori

daa.em ābād rahegī duniyā

ham na hoñge koī ham hogā

daem aabaad rahegi duniya

hum na honge koi hum sa hoga

Nasir Kazmi

ġham-e-duniyā bhī ġham-e-yār meñ shāmil kar lo

nashsha baḌhtā hai sharābeñ jo sharāboñ meñ mileñ

let love's longing with the ache of existence compound

when spirits intermingle the euphoria is profound

gham-e-duniya bhi gham-e-yar mein shamil kar lo

nashsha baDhta hai sharaben jo sharabon mein milen

let love's longing with the ache of existence compound

when spirits intermingle the euphoria is profound

Ahmad Faraz

duniyā to chāhtī hai yūñhī fāsle raheñ

duniyā ke mashvaroñ pe na us galī meñ chal

duniya to chahti hai yunhi fasle rahen

duniya ke mashwaron pe na ja us gali mein chal

Habib Jalib

duniyā ne tajrabāt o havādis shakl meñ

jo kuchh mujhe diyā hai vo lauTā rahā huuñ maiñ

duniya ne tajrabaat o hawadis ki shakl mein

jo kuchh mujhe diya hai wo lauTa raha hun main

Sahir Ludhianvi

bahut mushkil hai duniyā sañvarnā

tirī zulfoñ pech-o-ḳham nahīñ hai

bahut mushkil hai duniya ka sanwarna

teri zulfon ka pech-o-KHam nahin hai

Asrarul Haq Majaz

thoḌī aql laa.e the ham bhī magar 'adam'

duniyā ke hādsāt ne dīvāna kar diyā

thoDi si aql lae the hum bhi magar 'adam'

duniya ke hadsat ne diwana kar diya

Abdul Hamid Adam

ġham-e-zamāna ne majbūr kar diyā varna

ye aarzū thī ki bas terī aarzū karte

gham-e-zamana ne majbur kar diya warna

ye aarzu thi ki bas teri aarzu karte

Akhtar Shirani

tamannāoñ meñ uljhāyā gayā huuñ

khilaune de ke bahlāyā gayā huuñ

tamannaon mein uljhaya gaya hun

khilaune de ke bahlaya gaya hun

Shad Azimabadi

jitnī burī kahī jaatī hai utnī burī nahīñ hai duniyā

bachchoñ ke schōl meñ shāyad tum se milī nahīñ hai duniyā

jitni buri kahi jati hai utni buri nahin hai duniya

bachchon ke school mein shayad tum se mili nahin hai duniya

Nida Fazli

haath duniyā bhī hai dil ḳharābī meñ bahut

phir bhī ai dost tirī ek nazar se kam hai

hath duniya ka bhi hai dil ki KHarabi mein bahut

phir bhi ai dost teri ek nazar se kam hai

Idris Babar

ik nazar fasāna hai duniyā

sau kahānī hai ik kahānī se

ek nazar ka fasana hai duniya

sau kahani hai ek kahani se

Nushur Wahidi

raas aane lagī duniyā to kahā dil ne ki

ab tujhe dard daulat nahīñ milne vaalī

ras aane lagi duniya to kaha dil ne ki ja

ab tujhe dard ki daulat nahin milne wali

Iftikhar Arif

bhiiḌ tanhā.iyoñ melā hai

aadmī aadmī akelā hai

bhiD tanhaiyon ka mela hai

aadmi aadmi akela hai

Saba Akbarabadi

lamhe udaas udaas fazā.eñ ghuTī ghuTī

duniyā agar yahī hai to duniyā se bach ke chal

lamhe udas udas fazaen ghuTi ghuTi

duniya agar yahi hai to duniya se bach ke chal

Shakeel Badayuni

behtar to hai yahī ki na duniyā se dil lage

par kyā kareñ jo kaam na be-dil-lagī chale

behtar to hai yahi ki na duniya se dil lage

par kya karen jo kaam na be-dil-lagi chale

Shaikh Ibrahim Zauq

dil kabhī ḳhvāb ke pīchhe kabhī duniyā taraf

ek ne ajr diyā ek ne ujrat nahīñ

dil kabhi KHwab ke pichhe kabhi duniya ki taraf

ek ne ajr diya ek ne ujrat nahin di

Iftikhar Arif

gaañv aañkh se bastī nazar se dekhā

ek rañg hai duniyā ko jidhar se dekhā

ganw ki aankh se basti ki nazar se dekha

ek hi rang hai duniya ko jidhar se dekha

Asad Badayuni

duniyā bahut ḳharāb hai jā-e-guzar nahīñ

bistar uThāo rahne ke qābil ye ghar nahīñ

duniya bahut KHarab hai ja-e-guzar nahin

bistar uThao rahne ke qabil ye ghar nahin

Lala Madhav Ram Jauhar

ham duniyā se jab tañg aayā karte haiñ

apne saath ik shaam manāyā karte haiñ

hum duniya se jab tang aaya karte hain

apne sath ek sham manaya karte hain

Taimur Hasan

duniyā bas is se aur ziyāda nahīñ hai kuchh

kuchh roz haiñ guzārne aur kuchh guzar ga.e

duniya bas is se aur ziyaada nahin hai kuchh

kuchh roz hain guzarne aur kuchh guzar gae

Hakim Mohammad Ajmal Khan Shaida

phir se ḳhudā banā.egā koī nayā jahāñ

duniyā ko yuuñ miTā.egī ikkīsvīñ sadī

phir se KHuda banaega koi naya jahan

duniya ko yun miTaegi ikkiswin sadi

Bashir Badr

duniyā pasand aane lagī dil ko ab bahut

samjho ki ab ye baaġh bhī murjhāne vaalā hai

duniya pasand aane lagi dil ko ab bahut

samjho ki ab ye bagh bhi murjhane wala hai

Jamal Ehsani

dekho duniyā hai dil hai

apnī apnī manzil hai

dekho duniya hai dil hai

apni apni manzil hai

Mahboob Khizan

maiñ chāhtā huuñ yahīñ saare faisle ho jaa.eñ

ki is ke ba.ad ye duniyā kahāñ se lā.ūñgā maiñ

main chahta hun yahin sare faisle ho jaen

ki is ke baad ye duniya kahan se launga main

Irfan Siddiqi

maz.hab ḳharābī hai na aḳhlāq pastī

duniyā ke masā.ib sabab aur kuchh hai

mazhab ki KHarabi hai na aKHlaq ki pasti

duniya ke masaib ka sabab aur hi kuchh hai

Firaq Gorakhpuri

kaise aa saktī hai aisī dil-nashīñ duniyā ko maut

kaun kahtā hai ki ye sab kuchh fanā ho jā.egā

kaise aa sakti hai aisi dil-nashin duniya ko maut

kaun kahta hai ki ye sab kuchh fana ho jaega

Ahmad Mushtaq

umīd-o-bīm ke mehvar se haT ke dekhte haiñ

zarā der ko duniyā se kaT ke dekhte haiñ

umid-o-bim ke mehwar se haT ke dekhte hain

zara si der ko duniya se kaT ke dekhte hain

Iftikhar Arif

duniyā to hai duniyā ki vo dushman hai sadā

sau baar tire ishq meñ ham ḳhud se laḌe haiñ

duniya to hai duniya ki wo dushman hai sada ki

sau bar tere ishq mein hum KHud se laDe hain

Jaleel 'Aali'

duniyā mire paḌos meñ ābād hai magar

merī duā-salām nahīñ us zalīl se

duniya mere paDos mein aabaad hai magar

meri dua-salam nahin us zalil se

Ahmad Javaid

māshūqoñ se ummīd-e-vafā rakhte ho 'nāsiḳh'

nādāñ koī duniyā meñ nahīñ tum se ziyāda

mashuqon se ummid-e-wafa rakhte ho 'nasiKH'

nadan koi duniya mein nahin tum se ziyaada

Imam Bakhsh Nasikh

jis havas ke vāste duniyā huī aziiz

vāpas hue to us mohabbat ḳhafā milī

jis ki hawas ke waste duniya hui aziz

wapas hue to us ki mohabbat KHafa mili

Saqi Faruqi

badal rahe haiñ zamāne ke rañg kyā kyā dekh

nazar uThā ki ye duniyā hai dekhne ke liye

badal rahe hain zamane ke rang kya kya dekh

nazar uTha ki ye duniya hai dekhne ke liye

Aftab Hussain

ai ġham-e-duniyā tujhe kyā ilm tere vāste

kin bahānoñ se tabī.at raah par laa.ī ga.ī

ai gham-e-duniya tujhe kya ilm tere waste

kin bahanon se tabiat rah par lai gai

Sahir Ludhianvi

duniyā badal rahī hai zamāne ke saath saath

ab roz roz dekhne vaalā kahāñ se laa.eñ

duniya badal rahi hai zamane ke sath sath

ab roz roz dekhne wala kahan se laen

Iftikhar Arif

ik dard-e-mohabbat hai ki jaatā nahīñ varna

jis dard DhūñDe koī duniyā meñ davā hai

ek dard-e-mohabbat hai ki jata nahin warna

jis dard ki DhunDe koi duniya mein dawa hai

Mushafi Ghulam Hamdani

duniyā ne kis rāh-e-fanā meñ diyā hai saath

tum bhī chale chalo yūñhī jab tak chalī chale

duniya ne kis ka rah-e-fana mein diya hai sath

tum bhi chale chalo yunhi jab tak chali chale

Shaikh Ibrahim Zauq

ye kā.enāt mire sāmne hai misl-e-bisāt

kahīñ junūñ meñ ulaT duuñ na is jahān ko maiñ

ye kaenat mere samne hai misl-e-bisat

kahin junun mein ulaT dun na is jahan ko main

Akhtar Usman

ye duniyā ġham to detī hai sharīk-e-ġham nahīñ hotī

kisī ke duur jaane se mohabbat kam nahīñ hotī

ye duniya gham to deti hai sharik-e-gham nahin hoti

kisi ke dur jaane se mohabbat kam nahin hoti

Unknown

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now