Justaju Shayari

Curiosity, or will to explore, keeps us going all our lives. This may take any turn and apply to any walk of life. One could be curious about one’s own self, about the world around, or the beloved, even God who stays unreachable in spite of all efforts to reach out to Him. This selection on justujuu would bring certain interesting facets of this experience.

ai shaḳhs maiñ terī justujū se

be-zār nahīñ huuñ thak gayā huuñ

ai shaKHs main teri justuju se

be-zar nahin hun thak gaya hun

Jaun Eliya

dar-ba-dar mārā-phirā maiñ justujū-e-yār meñ

zāhid-e-ka.aba huā rahbān-e-but-ḳhāna huā

dar-ba-dar mara-phira main justuju-e-yar mein

zahid-e-kaba hua rahban-e-but-KHana hua

Hatim Ali Mehr

hai justujū ki ḳhuub se hai ḳhūb-tar kahāñ

ab Thahartī hai dekhiye kar nazar kahāñ

hai justuju ki KHub se hai KHub-tar kahan

ab Thaharti hai dekhiye ja kar nazar kahan

Altaf Hussain Hali

ham ki māyūs nahīñ haiñ unheñ leñge

log kahte haiñ ki DhūñDe se ḳhudā miltā hai

hum ki mayus nahin hain unhen pa hi lenge

log kahte hain ki DhunDe se KHuda milta hai

Arsh Siddiqui

jis husn hai chashm-e-tamannā ko justujū

vo āftāb meñ hai na hai māhtāb meñ

jis husn ki hai chashm-e-tamanna ko justuju

wo aaftab mein hai na hai mahtab mein

Asar Sahbai
  • Share this

jise tum DhūñDtī rahtī ho mujh meñ

vo laḌkā jaane kab mar chukā hai

jise tum DhunDti rahti ho mujh mein

wo laDka jaane kab ka mar chuka hai

Tripurari
  • Share this

judā.iyoñ ke zaḳhm dard-e-zindagī ne bhar diye

tujhe bhī niiñd aa ga.ī mujhe bhī sabr aa gayā

judaiyon ke zaKHm dard-e-zindagi ne bhar diye

tujhe bhi nind aa gai mujhe bhi sabr aa gaya

Nasir Kazmi

justujū jis thī us ko to na paayā ham ne

is bahāne se magar dekh duniyā ham ne

justuju jis ki thi us ko to na paya hum ne

is bahane se magar dekh li duniya hum ne

Shahryar

justujū karnī har ik amr meñ nādānī hai

jo ki peshānī pe likkhī hai vo pesh aanī hai

justuju karni har ek amr mein nadani hai

jo ki peshani pe likkhi hai wo pesh aani hai

Imam Bakhsh Nasikh
  • Share this

justujū kho.e huoñ umr bhar karte rahe

chāñd ke hamrāh ham har shab safar karte rahe

justuju khoe huon ki umr bhar karte rahe

chand ke hamrah hum har shab safar karte rahe

Parveen Shakir

khoyā hai kuchh zarūr jo us talāsh meñ

har chiiz ko idhar se udhar kar rahe haiñ ham

khoya hai kuchh zarur jo us ki talash mein

har chiz ko idhar se udhar kar rahe hain hum

Ahmad Mushtaq

mirī tarah se mah-o-mahr bhī haiñ āvāra

kisī habīb ye bhī haiñ justujū karte

meri tarah se mah-o-mahr bhi hain aawara

kisi habib ki ye bhi hain justuju karte

Haidar Ali Aatish

mohabbat ek tarah nirī samājat hai

maiñ chhoḌūñ huuñ tirī ab justujū huā so huā

mohabbat ek tarah ki niri samajat hai

main chhoDun hun teri ab justuju hua so hua

Hasrat Azimabadi

mujh ko shauq-e-justujū-e-kā.enāt

ḳhaak se 'ādil' ḳhalā tak le gayā

mujh ko shauq-e-justuju-e-kaenat

KHak se 'adil' KHala tak le gaya

Mahfuzur Rahman Adil
  • Share this

nahīñ nigāh meñ manzil to justujū sahī

nahīñ visāl mayassar to aarzū sahī

nahin nigah mein manzil to justuju hi sahi

nahin visal mayassar to aarzu hi sahi

Faiz Ahmad Faiz

nishān-e-manzil-e-jānāñ mile mile na mile

maze chiiz hai ye zauq-e-jushtujū merā

nishan-e-manzil-e-jaanan mile mile na mile

maze ki chiz hai ye zauq-e-jushtuju mera

Wahshat Raza Ali Kalkatvi
  • Share this

sakeñge na umr bhar jis ko

justujū aaj bhī usī hai

pa sakenge na umr bhar jis ko

justuju aaj bhi usi ki hai

Habib Jalib

sab kuchh to hai kyā DhūñDtī rahtī haiñ nigāheñ

kyā baat hai maiñ vaqt pe ghar kyuuñ nahīñ jaatā

sab kuchh to hai kya DhunDti rahti hain nigahen

kya baat hai main waqt pe ghar kyun nahin jata

Nida Fazli

talātum aarzū meñ hai na tūfāñ justujū meñ hai

javānī guzar jaanā hai dariyā utar jaanā

talatum aarzu mein hai na tufan justuju mein hai

jawani ka guzar jaana hai dariya ka utar jaana

Tilok Chand Mahroom

tamām umr ḳhushī talāsh meñ guzrī

tamām umr taraste rahe ḳhushī ke liye

tamam umr KHushi ki talash mein guzri

tamam umr taraste rahe KHushi ke liye

Abul Mujahid Zahid

tere baġhair bhī to ġhanīmat hai zindagī

ḳhud ko gañvā ke kaun tirī justujū kare

tere baghair bhi to ghanimat hai zindagi

KHud ko ganwa ke kaun teri justuju kare

Ahmad Faraz

tirī aarzū tirī justujū meñ bhaTak rahā thā galī galī

mirī dāstāñ tirī zulf hai jo bikhar bikhar ke sañvar ga.ī

teri aarzu teri justuju mein bhaTak raha tha gali gali

meri dastan teri zulf hai jo bikhar bikhar ke sanwar gai

Bashir Badr
  • Share this

tirī talāsh meñ nikle to itnī duur ga.e

ki ham se tai na hue fāsle judā.ī ke

teri talash mein nikle to itni dur gae

ki hum se tai na hue fasle judai ke

Junaid Hazin Lari
  • Share this

tumhārī aarzū meñ maiñ ne apnī aarzū thī

ḳhud apnī justujū aap hāsil ho gayā huuñ maiñ

tumhaari aarzu mein main ne apni aarzu ki thi

KHud apni justuju ka aap hasil ho gaya hun main

Shahzad Ahmad
  • Share this

varna insān mar gayā hotā

koī be-nām justujū hai abhī

warna insan mar gaya hota

koi be-nam justuju hai abhi

Ada Jafarey

ye ḳhud-e-farebi-e-ehsās-e-ārzū to nahīñ

tirī talāsh kahīñ apnī justujū to nahīñ

ye KHud-e-farebi-e-ehsas-e-arzu to nahin

teri talash kahin apni justuju to nahin

Ummeed Fazli

Added to your favorites

Removed from your favorites