dekhā nahīñ vo chāñd sā chehrā ka.ī din se

tārīk nazar aatī hai duniyā ka.ī din se

dekha nahin wo chand sa chehra kai din se

tarik nazar aati hai duniya kai din se

vo sādgī meñ bhī hai ajab dilkashī liye

is vāste ham us kī tamannā meñ jī liye

wo sadgi mein bhi hai ajab dilkashi liye

is waste hum us ki tamanna mein ji liye

qatra na ho to bahr na aa.e vajūd meñ

paanī kī ek buuñd samundar se kam nahīñ

qatra na ho to bahr na aae wajud mein

pani ki ek bund samundar se kam nahin

tirī talāsh meñ nikle to itnī duur ga.e

ki ham se tai na hue fāsle judā.ī ke

teri talash mein nikle to itni dur gae

ki hum se tai na hue fasle judai ke

ajab bahār dikhā.ī lahū ke chhīñToñ ne

ḳhizāñ kā rañg bhī rañg-e-bahār jaisā thā

ajab bahaar dikhai lahu ke chhinTon ne

KHizan ka rang bhi rang-e-bahaar jaisa tha