Sher on Bahana

justujū jis kī thī us ko to na paayā ham ne

is bahāne se magar dekh lī duniyā ham ne

justuju jis ki thi us ko to na paya hum ne

is bahane se magar dekh li duniya hum ne

jis taraf tū hai udhar hoñgī sabhī kī nazreñ

iid ke chāñd kā dīdār bahāna hī sahī

jis taraf tu hai udhar hongi sabhi ki nazren

id ke chand ka didar bahana hi sahi

bahāne aur bhī hote jo zindagī ke liye

ham ek baar tirī aarzū bhī kho dete

bahane aur bhi hote jo zindagi ke liye

hum ek bar teri aarzu bhi kho dete

mirī zindagī to guzrī tire hijr ke sahāre

mirī maut ko bhī pyāre koī chāhiye bahāna

meri zindagi to guzri tere hijr ke sahaare

meri maut ko bhi pyare koi chahiye bahana

vo pūchhtā thā mirī aañkh bhīgne kā sabab

mujhe bahāna banānā bhī to nahīñ aayā

wo puchhta tha meri aankh bhigne ka sabab

mujhe bahana banana bhi to nahin aaya

yūñhī dil ne chāhā thā ronā-rulānā

tirī yaad to ban ga.ī ik bahānā

yunhi dil ne chaha tha rona-rulana

teri yaad to ban gai ek bahana

hameñ to ḳhair bikharnā hī thā kabhī na kabhī

havā-e-tāza kā jhoñkā bahāna ho gayā hai

hamein to KHair bikharna hi tha kabhi na kabhi

hawa-e-taza ka jhonka bahana ho gaya hai

bahāna DhūñDte rahte haiñ koī rone kā

hameñ ye shauq hai kyā āstīñ bhigone kā

bahana DhunDte rahte hain koi rone ka

hamein ye shauq hai kya aastin bhigone ka

tamāshā-e-dair-o-haram dekhte haiñ

tujhe har bahāne se ham dekhte haiñ

tamasha-e-dair-o-haram dekhte hain

tujhe har bahane se hum dekhte hain

talāsh ek bahāna thā ḳhaak uḌāne kā

pata chalā ki hameñ justujū-e-yār na thī

talash ek bahana tha KHak uDane ka

pata chala ki hamein justuju-e-yar na thi

shā.irī jhuuT sahī ishq fasāna hī sahī

zinda rahne ke liye koī bahāna hī sahī

shairi jhuT sahi ishq fasana hi sahi

zinda rahne ke liye koi bahana hi sahi

satāyā aaj munāsib jagah pe bārish ne

isī bahāne Thahar jaa.eñ us kā ghar hai yahāñ

sataya aaj munasib jagah pe barish ne

isi bahane Thahar jaen us ka ghar hai yahan

kisī ke ek ishāre meñ kis ko kyā na milā

bashar ko ziist milī maut ko bahāna milā

kisi ke ek ishaare mein kis ko kya na mila

bashar ko zist mili maut ko bahana mila

pas-e-ġhubār bhī uḌtā ġhubār apnā thā

tire bahāne hameñ intizār apnā thā

pas-e-ghubar bhi uDta ghubar apna tha

tere bahane hamein intizar apna tha

sach to ye hai phuul kā dil bhī chhalnī hai

hañstā chehra ek bahānā lagtā hai

sach to ye hai phul ka dil bhi chhalni hai

hansta chehra ek bahana lagta hai

kabhī kabhī arz-e-ġham kī ḳhātir ham ik bahānā bhī chāhte haiñ

jab āñsuoñ se bharī hoñ āñkheñ to muskurānā bhī chāhte haiñ

kabhi kabhi arz-e-gham ki KHatir hum ek bahana bhi chahte hain

jab aansuon se bhari hon aankhen to muskurana bhi chahte hain

junūñ kā koī fasāna to haath aane do

maiñ ro paḌūñgā bahāna to haath aane do

junun ka koi fasana to hath aane do

main ro paDunga bahana to hath aane do

ḳhamoshī merī lai meñ gungunānā chāhtī hai

kisī se baat karne kā bahānā chāhtī hai

KHamoshi meri lai mein gungunana chahti hai

kisi se baat karne ka bahana chahti hai

kisī ke jaur-o-sitam kā to ik bahānā thā

hamāre dil ko bahar-hāl TuuT jaanā thā

kisi ke jaur-o-sitam ka to ek bahana tha

hamare dil ko bahar-haal TuT jaana tha

bahāna mil na jaa.e bijliyoñ ko TuuT paḌne kā

kaleja kāñptā hai āshiyāñ ko āshiyāñ kahte

bahana mil na jae bijliyon ko TuT paDne ka

kaleja kanpta hai aashiyan ko aashiyan kahte

uThāyā us ne biiḌā qatl kā kuchh dil meñ Thānā hai

chabānā paan kā bhī ḳhuuñ bahāne kā bahāna hai

uThaya us ne biDa qatl ka kuchh dil mein Thana hai

chabana pan ka bhi KHun bahane ka bahana hai

vo be-ḳhudī thī mohabbat kī be-ruḳhī to na thī

pe us ko tark-e-ta.alluq ko ik bahāna huā

wo be-KHudi thi mohabbat ki be-ruKHi to na thi

pe us ko tark-e-talluq ko ek bahana hua

ik-ādh baar to jaañ vārnī hī paḌtī hai

mohabbateñ hoñ to bantā nahīñ bahāna koī

ik-adh bar to jaan warni hi paDti hai

mohabbaten hon to banta nahin bahana koi

koī sadā koī āvāza-e-jaras hī sahī

koī bahāna ki ham jaañ nisār karte raheñ

koi sada koi aawaza-e-jaras hi sahi

koi bahana ki hum jaan nisar karte rahen

qāsid ko us ne jaate hī ruḳhsat kiyā thā lek

bad-zāt māñdgī ke bahāne se rah gayā

qasid ko us ne jate hi ruKHsat kiya tha lek

bad-zat mandgi ke bahane se rah gaya