ab mā-hasal hayāt kā bas ye hai ai 'salām'

cigarette jalā.ī sher kahe shādmāñ hue

ab ma-hasal hayat ka bas ye hai ai 'salam'

cigarette jalai sher kahe shadman hue

bujh ga.ī kuchh is tarah sham-e-'salām'

jaise ik bīmār achchhā ho gayā

bujh gai kuchh is tarah sham-e-'salam'

jaise ek bimar achchha ho gaya

kaash tum samajh saktīñ zindagī meñ shā.er kī aise din bhī aate haiñ

jab usī ke parvarda chāñd us pe hañste haiñ phuul muskurāte haiñ

kash tum samajh saktin zindagi mein shaer ki aise din bhi aate hain

jab usi ke parwarda chand us pe hanste hain phul muskuraate hain

merī fikr kī ḳhushbū qaid ho nahīñ saktī

yuuñ to mere hoñToñ par maslahat kā taalā hai

meri fikr ki KHushbu qaid ho nahin sakti

yun to mere honTon par maslahat ka tala hai

merī maut ai saaqī irtiqā hai hastī kā

ik 'salām' jaatā hai ek aane vaalā hai

meri maut ai saqi irtiqa hai hasti ka

ek 'salam' jata hai ek aane wala hai