Zindagi Shayari

Life is simply indefinable; it presents itself in many more ways than human beings can comprehend. Similarly, the representations of life in poetry are as varied as are our perceptions with regard to life. This small selection of verses on life is only a few of those approaches to human existence which distinguish life for all its splendor and beauty.

jo guzārī na sakī ham se

ham ne vo zindagī guzārī hai

jo guzari na ja saki hum se

hum ne wo zindagi guzari hai

Jaun Eliya

zindagī ne mujhe qabr se kam hai zamīñ

paañv phailā.ūñ to dīvār meñ sar lagtā hai

zindagi tu ne mujhe qabr se kam di hai zamin

panw phailaun to diwar mein sar lagta hai

Bashir Badr

zindagī zinda-dilī hai naam

murda-dil ḳhaak jiyā karte haiñ

zindagi zinda-dili ka hai nam

murda-dil KHak jiya karte hain

Imam Bakhsh Nasikh

maut bhī ilaaj ho shāyad

zindagī koī ilaaj nahīñ

for death a cure there well may be

but for this life no remedy

maut ka bhi ilaj ho shayad

zindagi ka koi ilaj nahin

for death a cure there well may be

but for this life no remedy

Firaq Gorakhpuri

zindagī shāyad isī naam hai

dūriyāñ majbūriyāñ tanhā.iyāñ

zindagi shayad isi ka nam hai

duriyan majburiyan tanhaiyan

Kaif Bhopali

yuuñ to marne ke liye zahr sabhī piite haiñ

zindagī tere liye zahr piyā hai maiñ ne

yun to marne ke liye zahr sabhi pite hain

zindagi tere liye zahr piya hai main ne

Khalilur Rahman Azmi

umr-e-darāz maañg ke laa.ī thī chaar din

do aarzū meñ kaT ga.e do intizār meñ

a long life, four days in all, I did negotiate

two were spent in hope and two were spent in wait

umr-e-daraaz mang ke lai thi chaar din

do aarzu mein kaT gae do intizar mein

a long life, four days in all, I did negotiate

two were spent in hope and two were spent in wait

Seemab Akbarabadi

dhuup meñ niklo ghaTāoñ meñ nahā kar dekho

zindagī kyā hai kitāboñ ko haTā kar dekho

dhup mein niklo ghaTaon mein naha kar dekho

zindagi kya hai kitabon ko haTa kar dekho

Nida Fazli

zindagī kis tarah basar hogī

dil nahīñ lag rahā mohabbat meñ

zindagi kis tarah basar hogi

dil nahin lag raha mohabbat mein

Jaun Eliya

sair kar duniyā ġhāfil zindagānī phir kahāñ

zindagī gar kuchh rahī to ye javānī phir kahāñ

sair kar duniya ki ghafil zindagani phir kahan

zindagi gar kuchh rahi to ye jawani phir kahan

Khwaja Meer Dard

hosh vāloñ ko ḳhabar kyā be-ḳhudī kyā chiiz hai

ishq kiije phir samajhiye zindagī kyā chiiz hai

hosh walon ko KHabar kya be-KHudi kya chiz hai

ishq kije phir samajhiye zindagi kya chiz hai

Nida Fazli

is tarah zindagī ne diyā hai hamārā saath

jaise koī nibāh rahā ho raqīb se

is tarah zindagi ne diya hai hamara sath

jaise koi nibah raha ho raqib se

Sahir Ludhianvi

ab to ḳhushī ġham hai na ġham ḳhushī mujhe

be-his banā chukī hai bahut zindagī mujhe

ab to KHushi ka gham hai na gham ki KHushi mujhe

be-his bana chuki hai bahut zindagi mujhe

Shakeel Badayuni

zindagī kyā kisī muflis qabā hai jis meñ

har ghaḌī dard ke paivand lage jaate haiñ

zindagi kya kisi muflis ki qaba hai jis mein

har ghaDi dard ke paiwand lage jate hain

Faiz Ahmad Faiz

zindagī kyā hai anāsir meñ zuhūr-e-tartīb

maut kyā hai inhīñ ajzā pareshāñ honā

zindagi kya hai anasir mein zuhur-e-tartib

maut kya hai inhin ajza ka pareshan hona

Chakbast Brij Narayan

har nafas umr-e-guzishta hai mayyat 'fānī'

zindagī naam hai mar mar ke jiye jaane

har nafas umr-e-guzishta ki hai mayyat 'fani'

zindagi nam hai mar mar ke jiye jaane ka

Fani Badayuni

ab mirī koī zindagī nahīñ

ab bhī tum merī zindagī ho kyā

ab meri koi zindagi hi nahin

ab bhi tum meri zindagi ho kya

Jaun Eliya

ġharaz ki kaaT diye zindagī ke din ai dost

vo terī yaad meñ hoñ tujhe bhulāne meñ

gharaz ki kaT diye zindagi ke din ai dost

wo teri yaad mein hon ya tujhe bhulane mein

Firaq Gorakhpuri

kahānī ke parde meñ bhalī lagtī hai

zindagī terī haqīqat nahīñ dekhī jaatī

tu kahani hi ke parde mein bhali lagti hai

zindagi teri haqiqat nahin dekhi jati

Akhtar Saeed Khan

ik muamma hai samajhne na samjhāne

zindagī kaahe ko hai ḳhvāb hai dīvāne

ek muamma hai samajhne ka na samjhane ka

zindagi kahe ko hai KHwab hai diwane ka

Fani Badayuni

dekhā hai zindagī ko kuchh itne qarīb se

chehre tamām lagne lage haiñ ajiib se

dekha hai zindagi ko kuchh itne qarib se

chehre tamam lagne lage hain ajib se

Sahir Ludhianvi

zindagī ek fan hai lamhoñ ko

apne andāz se gañvāne

zindagi ek fan hai lamhon ko

apne andaz se ganwane ka

Jaun Eliya

koī ḳhāmosh zaḳhm lagtī hai

zindagī ek nazm lagtī hai

koi KHamosh zaKHm lagti hai

zindagi ek nazm lagti hai

Gulzar

dard aisā hai ki chāhe hai zinda rahiye

zindagī aisī ki mar jaane ko chāhe hai

dard aisa hai ki ji chahe hai zinda rahiye

zindagi aisi ki mar jaane ko ji chahe hai

Kaleem Aajiz

kuchh is tarah se guzārī hai zindagī jaise

tamām umr kisī dūsre ke ghar meñ rahā

kuchh is tarah se guzari hai zindagi jaise

tamam umr kisi dusre ke ghar mein raha

Ahmad Faraz

tum mohabbat ko khel kahte ho

ham ne barbād zindagī kar

tum mohabbat ko khel kahte ho

hum ne barbaad zindagi kar li

Bashir Badr

le de ke apne paas faqat ik nazar to hai

kyuuñ dekheñ zindagī ko kisī nazar se ham

le de ke apne pas faqat ek nazar to hai

kyun dekhen zindagi ko kisi ki nazar se hum

Sahir Ludhianvi

maiñ zindagī saath nibhātā chalā gayā

har fikr ko dhueñ meñ uḌātā chalā gayā

main zindagi ka sath nibhata chala gaya

har fikr ko dhuen mein uData chala gaya

Sahir Ludhianvi

gañvā.ī kis tamannā meñ zindagī maiñ ne

vo kaun hai jise dekhā nahīñ kabhī maiñ ne

ganwai kis ki tamanna mein zindagi main ne

wo kaun hai jise dekha nahin kabhi main ne

Jaun Eliya

ham ġham-zada haiñ laa.eñ kahāñ se ḳhushī ke giit

deñge vahī jo pā.eñge is zindagī se ham

hum gham-zada hain laen kahan se KHushi ke git

denge wahi jo paenge is zindagi se hum

Sahir Ludhianvi

zindagī kyā hai aaj ise ai dost

soch leñ aur udaas ho jaa.eñ

zindagi kya hai aaj ise ai dost

soch len aur udas ho jaen

Firaq Gorakhpuri

gar zindagī meñ mil ga.e phir ittifāq se

pūchheñge apnā haal tirī bebasī se ham

gar zindagi mein mil gae phir ittifaq se

puchhenge apna haal teri bebasi se hum

Sahir Ludhianvi

baḌā ghāTe saudā hai 'sadā' ye saañs lenā bhī

baḌhe hai umr jyūñ-jyūñ zindagī kam hotī jaatī hai

baDa ghaTe ka sauda hai 'sada' ye sans lena bhi

baDhe hai umr jyun-jyun zindagi kam hoti jati hai

Sada Ambalvi

kam se kam maut se aisī mujhe ummīd nahīñ

zindagī ne to dhoke pe diyā hai dhoka

kam se kam maut se aisi mujhe ummid nahin

zindagi tu ne to dhoke pe diya hai dhoka

Firaq Gorakhpuri

zindagī kyā hai ik kahānī hai

ye kahānī nahīñ sunānī hai

zindagi kya hai ek kahani hai

ye kahani nahin sunani hai

Jaun Eliya

kis tarah jamā kījiye ab apne aap ko

kāġhaz bikhar rahe haiñ purānī kitāb ke

kis tarah jama kijiye ab apne aap ko

kaghaz bikhar rahe hain purani kitab ke

Adil Mansuri

yuuñ zindagī guzār rahā huuñ tire baġhair

jaise koī gunāh kiye rahā huuñ maiñ

yun zindagi guzar raha hun tere baghair

jaise koi gunah kiye ja raha hun main

Jigar Moradabadi

ye maanā zindagī hai chaar din

bahut hote haiñ yaaro chaar din bhī

ye mana zindagi hai chaar din ki

bahut hote hain yaro chaar din bhi

Firaq Gorakhpuri

yahī hai zindagī kuchh ḳhvāb chand ummīdeñ

inhīñ khilaunoñ se tum bhī bahal sako to chalo

yahi hai zindagi kuchh KHwab chand ummiden

inhin khilaunon se tum bhi bahal sako to chalo

Nida Fazli

kuchh din se zindagī mujhe pahchāntī nahīñ

yuuñ dekhtī hai jaise mujhe jāntī nahīñ

kuchh din se zindagi mujhe pahchanti nahin

yun dekhti hai jaise mujhe jaanti nahin

Anjum Rehbar

aa.e Thahre aur ravāna ho ga.e

zindagī kyā hai, safar baat hai

aae Thahre aur rawana ho gae

zindagi kya hai, safar ki baat hai

Haidar Ali Jafri

'mīr' amdan bhī koī martā hai

jaan hai to jahān hai pyāre

'mir' amdan bhi koi marta hai

jaan hai to jahan hai pyare

Meer Taqi Meer

qaid-e-hayāt o band-e-ġham asl meñ donoñ ek haiñ

maut se pahle aadmī ġham se najāt paa.e kyuuñ

prison of life and sorrow's chains in truth are just the same

then relief from pain, ere death,why should man obtain

qaid-e-hayat o band-e-gham asl mein donon ek hain

maut se pahle aadmi gham se najat pae kyun

prison of life and sorrow's chains in truth are just the same

then relief from pain, ere death,why should man obtain

Mirza Ghalib

zindagī kam paḌhe pardesī ḳhat hai 'ibrat'

ye kisī tarah paḌhā jaa.e na samjhā jaa.e

zindagi kam paDhe pardesi ka KHat hai 'ibrat'

ye kisi tarah paDha jae na samjha jae

Ibrat Machlishahri

bahāne aur bhī hote jo zindagī ke liye

ham ek baar tirī aarzū bhī kho dete

bahane aur bhi hote jo zindagi ke liye

hum ek bar teri aarzu bhi kho dete

Majrooh Sultanpuri

mujhe zindagī duā dene vaale

hañsī aa rahī hai tirī sādgī par

mujhe zindagi ki dua dene wale

hansi aa rahi hai teri sadgi par

Gopal Mittal

bahut hasīn sahī sohbateñ guloñ magar

vo zindagī hai jo kāñToñ ke darmiyāñ guzre

bahut hasin sahi sohbaten gulon ki magar

wo zindagi hai jo kanTon ke darmiyan guzre

Jigar Moradabadi

mirī zindagī to guzrī tire hijr ke sahāre

mirī maut ko bhī pyāre koī chāhiye bahāna

meri zindagi to guzri tere hijr ke sahaare

meri maut ko bhi pyare koi chahiye bahana

Jigar Moradabadi

dard baḌh kar davā na ho jaa.e

zindagī be-mazā na ho jaa.e

dard baDh kar dawa na ho jae

zindagi be-maza na ho jae

Aleem Akhtar

tere baġhair bhī to ġhanīmat hai zindagī

ḳhud ko gañvā ke kaun tirī justujū kare

tere baghair bhi to ghanimat hai zindagi

KHud ko ganwa ke kaun teri justuju kare

Ahmad Faraz