Judai Shayari

Some excellent judai shayari in urdu shayari are enlisted to serve as your ally in the difficult times. The pain or inevitability of separation weighs heavy even on the strongest minds.

aa ki tujh bin is tarah ai dost ghabrātā huuñ maiñ

jaise har shai meñ kisī shai kamī paatā huuñ maiñ

aa ki tujh bin is tarah ai dost ghabraata hun main

jaise har shai mein kisi shai ki kami pata hun main

Jigar Moradabadi

aa.ī hogī kisī ko hijr meñ maut

mujh ko to niiñd bhī nahīñ aatī

aai hogi kisi ko hijr mein maut

mujh ko to nind bhi nahin aati

Akbar Allahabadi
  • Share this

ābād mujh meñ tere sivā aur kaun hai?

tujh se bichhaḌ rahā huuñ tujhe kho nahīñ rahā

aabaad mujh mein tere siwa aur kaun hai?

tujh se bichhaD raha hun tujhe kho nahin raha

Irfan Sattar

zindagī naam hai judā.ī

aap aa.e to mujh ko yaad aayā

I was reminded when you came

that life and parting are the same

zindagi nam hai judai ka

aap aae to mujh ko yaad aaya

I was reminded when you came

that life and parting are the same

Naresh Kumar Shad

aap ke ba.ad har ghaḌī ham ne

aap ke saath guzārī hai

aap ke baad har ghaDi hum ne

aap ke sath hi guzari hai

Gulzar

ab judā.ī ke safar ko mire āsān karo

tum mujhe ḳhvāb meñ aa kar na pareshān karo

ab judai ke safar ko mere aasan karo

tum mujhe KHwab mein aa kar na pareshan karo

Munawwar Rana
  • Share this

ab ke ham bichhḌe to shāyad kabhī ḳhvāboñ meñ mileñ

jis tarah sūkhe hue phuul kitāboñ meñ mileñ

should we now be parted, in dreams we might be found

like dried flowers found in books, fragile, fraying browned

ab ke hum bichhDe to shayad kabhi KHwabon mein milen

jis tarah sukhe hue phul kitabon mein milen

should we now be parted, in dreams we might be found

like dried flowers found in books, fragile, fraying browned

Ahmad Faraz

ab nahīñ lauT ke aane vaalā

ghar khulā chhoḌ ke jaane vaalā

ab nahin lauT ke aane wala

ghar khula chhoD ke jaane wala

Akhtar Nazmi

badan meñ jaise lahū tāziyāna ho gayā hai

use gale se lagā.e zamāna ho gayā hai

badan mein jaise lahu taziyana ho gaya hai

use gale se lagae zamana ho gaya hai

Irfan Siddiqi

bas ek ḳhauf thā zinda tirī judā.ī

mirā vo āḳhirī dushman bhī aaj maarā gayā

bas ek KHauf tha zinda teri judai ka

mera wo aaKHiri dushman bhi aaj mara gaya

KHalid Malik 'Sahil'

ba-zāhir ek shab hai firāq-e-yār magar

koī guzārne baiThe to umr saarī lage

ba-zahir ek hi shab hai firaq-e-yar magar

koi guzarne baiThe to umr sari lage

Ahmad Faraz

chamakte chāñd se chehroñ ke manzar se nikal aa.e

ḳhudā hāfiz kahā bosa liyā ghar se nikal aa.e

chamakte chand se chehron ke manzar se nikal aae

KHuda hafiz kaha bosa liya ghar se nikal aae

Fuzail Jafri

chuuñ sham-e-sozāñ chuuñ zarra hairāñ ze mehr-e-āñ-mah bagashtam āḳhir

na niiñd naināñ na añg chaināñ na aap aave na bheje patiyāñ

chun sham-e-sozan chun zarra hairan ze mehr-e-an-mah bagashtam aaKHir

na nind nainan na ang chainan na aap aawe na bheje patiyan

Ameer Khusrau

dam-e-ruḳhsat vo chup rahe 'ābid'

aañkh meñ phailtā gayā kājal

dam-e-ruKHsat wo chup rahe 'abid'

aankh mein phailta gaya kajal

Syed Aabid Ali Aabid
  • Share this

daulat-e-ġham bhī ḳhas-o-ḳhāk-e-zamān meñ ga.ī

tum ga.e ho to mah o saal kahāñ Thahre haiñ

daulat-e-gham bhi KHas-o-KHak-e-zaman mein gai

tum gae ho to mah o sal kahan Thahre hain

Mahmood Ayaz

do ghaḌī us se raho duur to yuuñ lagtā hai

jis tarah sāya-e-dīvār se dīvār judā

do ghaDi us se raho dur to yun lagta hai

jis tarah saya-e-diwar se diwar juda

Ahmad Faraz

firāq-e-yār ne bechain mujh ko raat bhar rakkhā

kabhī takiya idhar rakkhā kabhī takiya udhar rakkhā

firaq-e-yar ne bechain mujh ko raat bhar rakkha

kabhi takiya idhar rakkha kabhi takiya udhar rakkha

Ameer Minai

furqat-e-yār meñ insān huuñ maiñ ki sahāb

har baras aa ke rulā jaatī hai barsāt mujhe

furqat-e-yar mein insan hun main ya ki sahab

har baras aa ke rula jati hai barsat mujhe

Imam Bakhsh Nasikh
  • Share this

ġham azīzoñ hasīnoñ judā.ī dekhī

dekheñ dikhlā.e abhī gardish-e-daurāñ kyā kyā

gham azizon ka hasinon ki judai dekhi

dekhen dikhlae abhi gardish-e-dauran kya kya

Akhtar Shirani

ġham de gayā nashāt-e-shanāsā.ī le gayā

vo apne saath apnī masīhā.ī le gayā

gham de gaya nashat-e-shanasai le gaya

wo apne sath apni masihai le gaya

Junaid Hazin Lari
  • Share this

guzar to jā.egī tere baġhair bhī lekin

bahut udaas bahut be-qarār guzregī

guzar to jaegi tere baghair bhi lekin

bahut udas bahut be-qarar guzregi

Unknown
  • Share this

hālāt ne kisī se judā kar diyā mujhe

ab zindagī se zindagī mahrūm ho ga.ī

haalat ne kisi se juda kar diya mujhe

ab zindagi se zindagi mahrum ho gai

Asad Bhopali

ham se tanhā.ī ke maare nahīñ dekhe jaate

bin tire chāñd sitāre nahīñ dekhe jaate

hum se tanhai ke mare nahin dekhe jate

bin tere chand sitare nahin dekhe jate

Farhat Shahzad

hamesha ke liye mujh se bichhaḌ

ye manzar bār-hā dekhā na jaa.e

hamesha ke liye mujh se bichhaD ja

ye manzar bar-ha dekha na jae

Ahmad Faraz

har ishq ke manzar meñ thā ik hijr manzar

ik vasl manzar kisī manzar meñ nahīñ thā

har ishq ke manzar mein tha ek hijr ka manzar

ek wasl ka manzar kisi manzar mein nahin tha

Aqeel Abbas Jafri

har mulāqāt anjām judā.ī kyuuñ hai

ab to har vaqt yahī baat satātī hai hameñ

har mulaqat ka anjam judai kyun hai

ab to har waqt yahi baat satati hai hamein

Shahryar

ho ga.e din jinheñ bhulā.e hue

aaj kal haiñ vo yaad aa.e hue

ho gae din jinhen bhulae hue

aaj kal hain wo yaad aae hue

Anwar Shuoor

huā hai tujh se bichhaḌne ke ba.ad ye ma.alūm

ki nahīñ thā tire saath ek duniyā thī

hua hai tujh se bichhaDne ke baad ye malum

ki tu nahin tha tere sath ek duniya thi

Ahmad Faraz
  • Share this

ik raushnī dil meñ thī vo bhī nahīñ rahī

vo kyā ga.e charāġh-e-tamannā bujhā ga.e

ek raushni si dil mein thi wo bhi nahin rahi

wo kya gae charagh-e-tamanna bujha gae

Arsh Malsiyani

ik shakl hameñ phir bhaa.ī hai ik sūrat dil meñ samā.ī hai

ham aaj bahut sarshār sahī par aglā moḌ judā.ī hai

ek shakl hamein phir bhai hai ek surat dil mein samai hai

hum aaj bahut sarshaar sahi par agla moD judai hai

Athar Nafees
  • Share this

is judā.ī meñ tum andar se bikhar jāoge

kisī ma.azūr ko dekhoge to yaad ā.ūñgā

is judai mein tum andar se bikhar jaoge

kisi mazur ko dekhoge to yaad aaunga

Wasi Shah

is mehrbāñ nazar ināyat shukriyā

tohfa diyā hai iid pe ham ko jaddā.ī

is mehrban nazar ki inayat ka shukriya

tohfa diya hai id pe hum ko jaddai ka

Unknown
  • Share this

is qadar musalsal thiiñ shiddateñ judā.ī

aaj pahlī baar us se maiñ ne bevafā.ī

is qadar musalsal thin shiddaten judai ki

aaj pahli bar us se main ne bewafai ki

Ahmad Faraz

itnā be-tāb na ho mujh se bichhaḌne ke liye

tujh ko ā.ankhoñ se nahīñ dil se judā karnā hai

itna be-tab na ho mujh se bichhaDne ke liye

tujh ko aaankhon se nahin dil se juda karna hai

Anjum Saleemi
  • Share this

jis āñkhoñ meñ kaTī thiiñ sadiyāñ

us ne sadiyoñ judā.ī hai

jis ki aankhon mein kaTi thin sadiyan

us ne sadiyon ki judai di hai

Gulzar

judā kisī se kisī ġharaz habīb na ho

ye daaġh vo hai ki dushman ko bhī nasīb na ho

from their beloved separated none should be

such a fate should not befall even my enemy

juda kisi se kisi ka gharaz habib na ho

ye dagh wo hai ki dushman ko bhi nasib na ho

from their beloved separated none should be

such a fate should not befall even my enemy

Nazeer Akbarabadi

judā the ham to mayassar thiiñ qurbateñ kitnī

baham hue to paḌī haiñ judā.iyāñ kyā kyā

juda the hum to mayassar thin qurbaten kitni

baham hue to paDi hain judaiyan kya kya

Faiz Ahmad Faiz

judā.ī rutoñ meñ sūrateñ dhuñdlāne lagtī haiñ

so aise mausamoñ meñ aa.ina dekhā nahīñ karte

judai ki ruton mein suraten dhundlane lagti hain

so aise mausamon mein aaina dekha nahin karte

Hasan Abbas Raza

judā.iyoñ ke zaḳhm dard-e-zindagī ne bhar diye

tujhe bhī niiñd aa ga.ī mujhe bhī sabr aa gayā

judaiyon ke zaKHm dard-e-zindagi ne bhar diye

tujhe bhi nind aa gai mujhe bhi sabr aa gaya

Nasir Kazmi

kaḌā hai din baḌī hai raat jab se tum nahīñ aa.e

digar-gūñ haiñ mire hālāt jab se tum nahīñ aa.e

kaDa hai din baDi hai raat jab se tum nahin aae

digar-gun hain mere haalat jab se tum nahin aae

Anwar Shuoor

kaav kāv-e-saḳht-jānī hā.e-tanhā.ī na pūchh

sub.h karnā shaam laanā hai jū-e-shīr

What constant pain this loneliness you may not believe

Like from mountains drawing milk, is passing morn to eve

kaw kaw-e-saKHt-jaani hae-tanhai na puchh

subh karna sham ka lana hai ju-e-shir ka

What constant pain this loneliness you may not believe

Like from mountains drawing milk, is passing morn to eve

Mirza Ghalib

kabhī kabhī to ye dil meñ savāl uThtā hai

ki is judā.ī meñ kyā us ne liyā hogā

kabhi kabhi to ye dil mein sawal uThta hai

ki is judai mein kya us ne pa liya hoga

Anwar Anjum

kaise mumkin hai ki ham donoñ bichhaḌ jā.eñge

itnī gahrā.ī se har baat ko sochā na karo

kaise mumkin hai ki hum donon bichhaD jaenge

itni gahrai se har baat ko socha na karo

Aziz Warsi

ḳhalal-pazīr huā rabt-e-mehr-o-māh meñ vaqt

batā ye tujh se judā.ī vaqt hai ki nahīñ

KHalal-pazir hua rabt-e-mehr-o-mah mein waqt

bata ye tujh se judai ka waqt hai ki nahin

Aziz Hamid Madni

ḳhud chale aao bulā bhejo

raat akele basar nahīñ hotī

KHud chale aao ya bula bhejo

raat akele basar nahin hoti

Aziz Lakhnavi
  • Share this

ḳhushk ḳhushk palkeñ aur suukh jaatī haiñ

maiñ tirī judā.ī meñ is tarah bhī rotā huuñ

KHushk KHushk si palken aur sukh jati hain

main teri judai mein is tarah bhi rota hun

Ahmad Rahi
  • Share this

tark-e-mohabbat to liyā dard-e-jigar mol

parhez se dil aur bhī bīmār paḌā hai

ki tark-e-mohabbat to liya dard-e-jigar mol

parhez se dil aur bhi bimar paDa hai

Lala Madhav Ram Jauhar

kis kis ko batā.eñge judā.ī sabab ham

mujh se ḳhafā hai to zamāne ke liye aa

kis kis ko bataenge judai ka sabab hum

tu mujh se KHafa hai to zamane ke liye aa

Ahmad Faraz

kisī ke hijr meñ jiinā muhāl ho gayā hai

kise batā.eñ hamārā jo haal ho gayā hai

kisi ke hijr mein jina muhaal ho gaya hai

kise bataen hamara jo haal ho gaya hai

Ajmal Siraj

kisū se dil nahīñ miltā hai rab

huā thā kis ghaḌī un se judā maiñ

kisu se dil nahin milta hai ya rab

hua tha kis ghaDi un se juda main

Mir Taqi Mir
  • Share this

Added to your favorites

Removed from your favorites