Sher on Neend

niiñd to dard ke bistar pe bhī aa saktī hai

un kī āġhosh meñ sar ho ye zarūrī to nahīñ

nind to dard ke bistar pe bhi aa sakti hai

un ki aaghosh mein sar ho ye zaruri to nahin

niiñd aañkh meñ bharī hai kahāñ raat bhar rahe

kis ke nasīb tum ne jagā.e kidhar rahe

nind aankh mein bhari hai kahan raat bhar rahe

kis ke nasib tum ne jagae kidhar rahe

kal vasl meñ bhī niiñd na aa.ī tamām shab

ek ek baat par thī laḌā.ī tamām shab

kal wasl mein bhi nind na aai tamam shab

ek ek baat par thi laDai tamam shab

maut kā ek din muayyan hai

niind kyuuñ raat bhar nahīñ aatī

maut ka ek din muayyan hai

nind kyun raat bhar nahin aati

aa.ī hogī kisī ko hijr meñ maut

mujh ko to niiñd bhī nahīñ aatī

aai hogi kisi ko hijr mein maut

mujh ko to nind bhi nahin aati

aaj phir niiñd ko āñkhoñ se bichhaḌte dekhā

aaj phir yaad koī choT purānī aa.ī

aaj phir nind ko aankhon se bichhaDte dekha

aaj phir yaad koi choT purani aai

uTho ye manzar-e-shab-tāb dekhne ke liye

ki niiñd shart nahīñ ḳhvāb dekhne ke liye

uTho ye manzar-e-shab-tab dekhne ke liye

ki nind shart nahin KHwab dekhne ke liye

tāroñ kā go shumār meñ aanā muhāl hai

lekin kisī ko niiñd na aa.e to kyā kare

taron ka go shumar mein aana muhaal hai

lekin kisi ko nind na aae to kya kare

kabhī dikhā de vo manzar jo maiñ ne dekhe nahīñ

kabhī to niind meñ ai ḳhvāb ke farishte aa

kabhi dikha de wo manzar jo main ne dekhe nahin

kabhi to nind mein ai KHwab ke farishte aa

kaash koī ham se bhī pūchhe

raat ga.e tak kyuuñ jaage ho

kash koi hum se bhi puchhe

raat gae tak kyun jage ho

kaisā jaadū hai samajh aatā nahīñ

niiñd merī ḳhvāb saare aap ke

kaisa jadu hai samajh aata nahin

nind meri KHwab sare aap ke

tere pahlū meñ zarā der ko sustā lūñgā

tujh tak aa pahuñchā agar niiñd meñ chaltā huā maiñ

tere pahlu mein zara der ko susta lunga

tujh tak aa pahuncha agar nind mein chalta hua main

jin ko nīñdoñ kī na ho chādar nasīb

un se ḳhvāboñ kā hasīñ bistar na maañg

jin ko nindon ki na ho chadar nasib

un se KHwabon ka hasin bistar na mang

hameñ bhī niiñd aa jā.egī ham bhī so hī jā.eñge

abhī kuchh be-qarārī hai sitāro tum to so jaao

hamein bhi nind aa jaegi hum bhi so hi jaenge

abhi kuchh be-qarari hai sitaro tum to so jao

niiñd aatī hai agar jaltī huī āñkhoñ meñ

koī dīvāne kī zanjīr hilā detā hai

nind aati hai agar jalti hui aankhon mein

koi diwane ki zanjir hila deta hai

sukūn de na sakīñ rāhateñ zamāne kī

jo niiñd aa.ī tire ġham kī chhāñv meñ aa.ī

sukun de na sakin rahaten zamane ki

jo nind aai tere gham ki chhanw mein aai

tā phir na intizār meñ niiñd aa.e umr bhar

aane kā ahd kar ga.e aa.e jo ḳhvāb meñ

ta phir na intizar mein nind aae umr bhar

aane ka ahd kar gae aae jo KHwab mein

kal raat jagātī rahī ik ḳhvāb kī duurī

aur niiñd bichhātī rahī bistar mire aage

kal raat jagati rahi ek KHwab ki duri

aur nind bichhati rahi bistar mere aage

vasl ho yā firāq ho 'akbar'

jāgnā raat bhar musībat hai

wasl ho ya firaq ho 'akbar'

jagna raat bhar musibat hai

tanhā.ī se aatī nahīñ din raat mujhe niiñd

yā-rab mirā ham-ḳhvāb o ham-āġhosh kahāñ hai

tanhai se aati nahin din raat mujhe nind

ya-rab mera ham-KHwab o ham-aghosh kahan hai

ab aao mil ke so raheñ takrār ho chukī

āñkhoñ meñ niiñd bhī hai bahut raat kam bhī hai

ab aao mil ke so rahen takrar ho chuki

aankhon mein nind bhi hai bahut raat kam bhi hai

is safar meñ niiñd aisī kho ga.ī

ham na so.e raat thak kar so ga.ī

is safar mein nind aisi kho gai

hum na soe raat thak kar so gai

nīndoñ meñ phir rahā huuñ use DhūñDhtā huā

shāmil jo ek ḳhvāb mire rat-jage meñ thā

nindon mein phir raha hun use DhunDhta hua

shamil jo ek KHwab mere rat-jage mein tha

bin tumhāre kabhī nahīñ aa.ī

kyā mirī niiñd bhī tumhārī hai

bin tumhaare kabhi nahin aai

kya meri nind bhi tumhaari hai

niiñd TuuTī hai to ehsās-e-ziyāñ bhī jaagā

dhuup dīvār se āñgan meñ utar aa.ī hai

nind TuTi hai to ehsas-e-ziyan bhi jaga

dhup diwar se aangan mein utar aai hai

ye zarūrī hai ki āñkhoñ kā bharam qaa.em rahe

niiñd rakkho yā na rakkho ḳhvāb meyārī rakho

ye zaruri hai ki aankhon ka bharam qaem rahe

nind rakkho ya na rakkho KHwab meyari rakho

maut bar-haq hai ek din lekin

niiñd rātoñ ko ḳhuub aatī hai

maut bar-haq hai ek din lekin

nind raaton ko KHub aati hai

baḌī tavīl hai 'mahshar' kisī ke hijr kī baat

koī ġhazal hī sunāo ki niiñd aa jaa.e

baDi tawil hai 'mahshar' kisi ke hijr ki baat

koi ghazal hi sunao ki nind aa jae

bharī rahe abhī āñkhoñ meñ us ke naam kī niind

vo ḳhvāb hai to yūñhī dekhne se guzregā

bhari rahe abhi aankhon mein us ke nam ki nind

wo KHwab hai to yunhi dekhne se guzrega

bahut kuchh tum se kahnā thā magar maiñ kah na paayā

lo merī Diary rakh lo mujhe niiñd aa rahī hai

bahut kuchh tum se kahna tha magar main kah na paya

lo meri Diary rakh lo mujhe nind aa rahi hai

kū-e-jānāñ se jo uThtā huuñ to so jaate haiñ paañv

daf.atan āñkhoñ se paañv meñ utar aatī hai niiñd

ku-e-jaanan se jo uThta hun to so jate hain panw

dafatan aankhon se panw mein utar aati hai nind

ai shab-e-ḳhvāb ye hangām-e-tahayyur kyā hai

ḳhud ko gar niiñd se bedār kiyā hai maiñ ne

ai shab-e-KHwab ye hangam-e-tahayyur kya hai

KHud ko gar nind se bedar kiya hai main ne

TūTtī rahtī hai kachche dhāge sī niiñd

āñkhoñ ko ThanDak ḳhvāboñ ko girānī de

TuTti rahti hai kachche dhage si nind

aankhon ko ThanDak KHwabon ko girani de

muddat se ḳhvāb meñ bhī nahīñ niiñd kā ḳhayāl

hairat meñ huuñ ye kis kā mujhe intizār hai

muddat se KHwab mein bhi nahin nind ka KHayal

hairat mein hun ye kis ka mujhe intizar hai

chuuñ sham-e-sozāñ chuuñ zarra hairāñ ze mehr-e-āñ-mah bagashtam āḳhir

na niiñd naināñ na añg chaināñ na aap aave na bheje patiyāñ

chun sham-e-sozan chun zarra hairan ze mehr-e-an-mah bagashtam aaKHir

na nind nainan na ang chainan na aap aawe na bheje patiyan

tumhārī aañkh meñ kaifiyyat-e-ḳhumār to hai

sharāb kā na sahī niiñd kā asar hī sahī

tumhaari aankh mein kaifiyyat-e-KHumar to hai

sharab ka na sahi nind ka asar hi sahi

ma.alūm thiiñ mujhe tirī majbūriyāñ magar

tere baġhair niiñd na aa.ī tamām raat

malum thin mujhe teri majburiyan magar

tere baghair nind na aai tamam raat

maiñ apnī añgusht kāTtā thā ki biich meñ niiñd aa na jaa.e

agarche sab ḳhvāb kā safar thā magar haqīqat meñ aa basā huuñ

main apni angusht kaTta tha ki bich mein nind aa na jae

agarche sab KHwab ka safar tha magar haqiqat mein aa basa hun

niiñd kā kaam garche aanā hai

merī āñkhoñ meñ par nahīñ aatī

nind ka kaam garche aana hai

meri aankhon mein par nahin aati

shaam se un ke tasavvur kā nasha thā itnā

niiñd aa.ī hai to āñkhoñ ne burā maanā hai

sham se un ke tasawwur ka nasha tha itna

nind aai hai to aankhon ne bura mana hai

chor hai dil meñ kuchh na kuchh yaaro

niind phir raat bhar na aa.ī aaj

chor hai dil mein kuchh na kuchh yaro

nind phir raat bhar na aai aaj

niiñd ko log maut kahte haiñ

ḳhvāb kā naam zindagī bhī hai

nind ko log maut kahte hain

KHwab ka nam zindagi bhi hai

niind bhī jāgtī rahī puure hue na ḳhvāb bhī

sub.h huī zamīn par raat Dhalī mazār meñ

nind bhi jagti rahi pure hue na KHwab bhi

subh hui zamin par raat Dhali mazar mein

dene vaale tū mujhe niiñd na de ḳhvāb to de

mujh ko mahtāb se aage bhī kahīñ jaanā hai

dene wale tu mujhe nind na de KHwab to de

mujh ko mahtab se aage bhi kahin jaana hai

thī vasl meñ bhī fikr-e-judā.ī tamām shab

vo aa.e to bhī niiñd na aa.ī tamām shab

thi wasl mein bhi fikr-e-judai tamam shab

wo aae to bhi nind na aai tamam shab

momin maiñ apne nāloñ ke sadqe ki kahte haiñ

us ko bhī aaj niiñd na aa.ī tamām shab

momin main apne nalon ke sadqe ki kahte hain

us ko bhi aaj nind na aai tamam shab

kaho to kis tarah aave vahāñ niiñd

jahāñ ḳhurshīd-rū ho aa ke ham-ḳhvāb

kaho to kis tarah aawe wahan nind

jahan KHurshid-ru ho aa ke ham-KHwab

hamāre ḳhvāb chorī ho ga.e haiñ

hameñ rātoñ ko niiñd aatī nahīñ hai

hamare KHwab chori ho gae hain

hamein raaton ko nind aati nahin hai