Shaam Shayari

The word ‘dusk’ has diverse metaphorical expressions in Urdu poetry. Urdu poets have explored these diversities to their utmost limits. It does not merely signify the end of a day, but has been used extensively to elaborate various emotions and phenomena of life. Read these couplets to find the deeper meanings of dusk.

shaam tak sub.h nazroñ se utar jaate haiñ

itne samjhautoñ pe jiite haiñ ki mar jaate haiñ

sham tak subh ki nazron se utar jate hain

itne samjhauton pe jite hain ki mar jate hain

Waseem Barelvi

shaam bhī thī dhuāñ dhuāñ husn bhī thā udaas udaas

dil ko ka.ī kahāniyāñ yaad aa ke rah ga.iiñ

sham bhi thi dhuan dhuan husn bhi tha udas udas

dil ko kai kahaniyan yaad si aa ke rah gain

Firaq Gorakhpuri

ab kaun muntazir hai hamāre liye vahāñ

shaam aa ga.ī hai lauT ke ghar jaa.eñ ham to kyā

ab kaun muntazir hai hamare liye wahan

sham aa gai hai lauT ke ghar jaen hum to kya

Muneer Niyazi

yuuñ to har shaam umīdoñ meñ guzar jaatī hai

aaj kuchh baat hai jo shaam pe ronā aayā

Every evening was, by hope, sustained

This evening's desperation makes me weep

yun to har sham umidon mein guzar jati hai

aaj kuchh baat hai jo sham pe rona aaya

Every evening was, by hope, sustained

This evening's desperation makes me weep

Shakeel Badayuni

kabhī to āsmāñ se chāñd utre jaam ho jaa.e

tumhāre naam ik ḳhūb-sūrat shaam ho jaa.e

kabhi to aasman se chand utre jam ho jae

tumhaare nam ki ek KHub-surat sham ho jae

Bashir Badr

tumhāre shahr mausam baḌā suhānā lage

maiñ ek shaam churā luuñ agar burā na lage

tumhaare shahr ka mausam baDa suhana lage

main ek sham chura lun agar bura na lage

Qaisarul Jafri

maiñ tamām din thakā huā tamām shab jagā huā

zarā Thahar isī moḌ par tere saath shaam guzār luuñ

main tamam din ka thaka hua tu tamam shab ka jaga hua

zara Thahar ja isi moD par tere sath sham guzar lun

Bashir Badr

yaad hai ab tak tujh se bichhaḌne vo añdherī shaam mujhe

ḳhāmosh khaḌā thā lekin bāteñ kartā thā kājal

yaad hai ab tak tujh se bichhaDne ki wo andheri sham mujhe

tu KHamosh khaDa tha lekin baaten karta tha kajal

Nasir Kazmi

vo na aa.egā hameñ ma.alūm thā is shaam bhī

intizār us magar kuchh soch kar karte rahe

wo na aaega hamein malum tha is sham bhi

intizar us ka magar kuchh soch kar karte rahe

Parveen Shakir

na udaas ho na malāl kar kisī baat na ḳhayāl kar

ka.ī saal ba.ad mile haiñ ham tere naam aaj shaam hai

na udas ho na malal kar kisi baat ka na KHayal kar

kai sal baad mile hain hum tere nam aaj ki sham hai

Bashir Badr

dostoñ se mulāqāt shaam hai

ye sazā kaaT kar apne ghar jā.ūñgā

doston se mulaqat ki sham hai

ye saza kaT kar apne ghar jaunga

Mazhar Imam

kabhī to shaam Dhale apne ghar ga.e hote

kisī aañkh meñ rah kar sañvar ga.e hote

kabhi to sham Dhale apne ghar gae hote

kisi ki aankh mein rah kar sanwar gae hote

Bashir Badr

ghar vahshat se laraztā huuñ magar jaane kyuuñ

shaam hotī hai to ghar jaane ko chāhtā hai

ghar ki wahshat se larazta hun magar jaane kyun

sham hoti hai to ghar jaane ko ji chahta hai

Iftikhar Arif

tum parindoñ se ziyāda to nahīñ ho āzād

shaam hone ko hai ab ghar taraf lauT chalo

tum parindon se ziyaada to nahin ho aazad

sham hone ko hai ab ghar ki taraf lauT chalo

Irfan Siddiqi

kaun baat na.ī ai dil-e-nākām huī

shaam se sub.h huī sub.h se phir shaam huī

o luckless heart what was new today you tell me pray

day first turned into night, then night turned into day

kaun si baat nai ai dil-e-nakaam hui

sham se subh hui subh se phir sham hui

o luckless heart what was new today you tell me pray

day first turned into night, then night turned into day

Shad Azimabadi

ham bahut duur nikal aa.e haiñ chalte chalte

ab Thahar jaa.eñ kahīñ shaam ke Dhalte Dhalte

hum bahut dur nikal aae hain chalte chalte

ab Thahar jaen kahin sham ke Dhalte Dhalte

Iqbal Azeem

ab udaas phirte ho sardiyoñ shāmoñ meñ

is tarah to hotā hai is tarah ke kāmoñ meñ

ab udas phirte ho sardiyon ki shamon mein

is tarah to hota hai is tarah ke kaamon mein

Shoaib Bin Aziz

ab to chup-chāp shaam aatī hai

pahle chiḌiyoñ ke shor hote the

ab to chup-chap sham aati hai

pahle chiDiyon ke shor hote the

Mohammad Alvi

sāqiyā ek nazar jaam se pahle pahle

ham ko jaanā hai kahīñ shaam se pahle pahle

saqiya ek nazar jam se pahle pahle

hum ko jaana hai kahin sham se pahle pahle

Ahmad Faraz

shāmeñ kisī ko māñgtī haiñ aaj bhī 'firāq'

go zindagī meñ yuuñ mujhe koī kamī nahīñ

shamen kisi ko mangti hain aaj bhi 'firaq'

go zindagi mein yun mujhe koi kami nahin

Firaq Gorakhpuri

us āñkhoñ meñ utar jaane ko chāhtā hai

shaam hotī hai to ghar jaane ko chāhtā hai

us ki aankhon mein utar jaane ko ji chahta hai

sham hoti hai to ghar jaane ko ji chahta hai

Kafeel Aazar Amrohvi

jab shaam utartī hai kyā dil pe guzartī hai

sāhil ne bahut pūchhā ḳhāmosh rahā paanī

jab sham utarti hai kya dil pe guzarti hai

sahil ne bahut puchha KHamosh raha pani

Ahmad Mushtaq

na.ī sub.h par nazar hai magar aah ye bhī Dar hai

ye sahar bhī rafta rafta kahīñ shaam tak na pahuñche

nai subh par nazar hai magar aah ye bhi Dar hai

ye sahar bhi rafta rafta kahin sham tak na pahunche

Shakeel Badayuni

hotī hai shaam aañkh se aañsū ravāñ hue

ye vaqt qaidiyoñ rihā.ī vaqt hai

hoti hai sham aankh se aansu rawan hue

ye waqt qaidiyon ki rihai ka waqt hai

Ahmad Mushtaq

shaam Dhale ye soch ke baiThe ham apnī tasvīr ke paas

saarī ġhazleñ baiThī hoñgī apne apne miir ke paas

sham Dhale ye soch ke baiThe hum apni taswir ke pas

sari ghazlen baiThi hongi apne apne mir ke pas

Saghar Azmi

bas ek shaam har shaam intizār rahā

magar vo shaam kisī shaam bhī nahīñ aa.ī

bas ek sham ka har sham intizar raha

magar wo sham kisi sham bhi nahin aai

Ajmal Siraj

Dhalegī shaam jahāñ kuchh nazar na aa.egā

phir is ke ba.ad bahut yaad ghar aa.egī

Dhalegi sham jahan kuchh nazar na aaega

phir is ke baad bahut yaad ghar ki aaegi

Rajinder Manchanda Bani

shaam se un ke tasavvur nasha thā itnā

niiñd aa.ī hai to āñkhoñ ne burā maanā hai

sham se un ke tasawwur ka nasha tha itna

nind aai hai to aankhon ne bura mana hai

Unknown

shaam hote khulī saḌkoñ yaad aatī hai

sochtā roz huuñ maiñ ghar se nahīñ niklūñgā

sham hote hi khuli saDkon ki yaad aati hai

sochta roz hun main ghar se nahin niklunga

Shahryar

ham duniyā se jab tañg aayā karte haiñ

apne saath ik shaam manāyā karte haiñ

hum duniya se jab tang aaya karte hain

apne sath ek sham manaya karte hain

Taimur Hasan

asr ke vaqt mere paas na baiTh

mujh pe ik sāñvlī saaya hai

asr ke waqt mere pas na baiTh

mujh pe ek sanwli ka saya hai

Ali Zaryoun

kab dhuup chalī shaam Dhalī kis ko ḳhabar hai

ik umr se maiñ apne saa.e meñ khaḌā huuñ

kab dhup chali sham Dhali kis ko KHabar hai

ek umr se main apne hi sae mein khaDa hun

Akhtar Hoshiyarpuri

ham bhī ik shaam bahut uljhe hue the ḳhud meñ

ek shaam us ko bhī hālāt ne mohlat nahīñ

hum bhi ek sham bahut uljhe hue the KHud mein

ek sham us ko bhi haalat ne mohlat nahin di

Iftikhar Arif

hote shaam jalne lagā yaad alaao

aañsū sunāne dukh kahānī nikal paḌe

hote hi sham jalne laga yaad ka alao

aansu sunane dukh ki kahani nikal paDe

Iqbal Sajid

din kisī tarah se kaT jā.egā saḌkoñ pe 'shafaq'

shaam phir aa.egī ham shaam se ghabrā.eñge

din kisi tarah se kaT jaega saDkon pe 'shafaq'

sham phir aaegi hum sham se ghabraenge

Farooq Shafaq

guzar ga.ī hai magar roz yaad aatī hai

vo ek shaam jise bhūlne hasrat hai

guzar gai hai magar roz yaad aati hai

wo ek sham jise bhulne ki hasrat hai

Zeeshan Sahil

shaam paḌte kisī shaḳhs yaad

kūcha-e-jāñ meñ sadā kartī hai

sham paDte hi kisi shaKHs ki yaad

kucha-e-jaan mein sada karti hai

Parveen Shakir

saa.e Dhalne charāg jalne lage

log apne gharoñ ko chalne lage

sae Dhalne charag jalne lage

log apne gharon ko chalne lage

Amjad Islam Amjad

shaam se pahle tirī shaam na hone dūñgā

zindagī maiñ tujhe nākām na hone dūñgā

sham se pahle teri sham na hone dunga

zindagi main tujhe nakaam na hone dunga

Sabir Zafar

ab yaad kabhī aa.e to ā.īne se pūchho

'mahbūb-ḳhizāñ' shaam ko ghar kyuuñ nahīñ jaate

ab yaad kabhi aae to aaine se puchho

'mahbub-KHizan' sham ko ghar kyun nahin jate

Mahboob Khizan

kaun samjhe ham pe kyā guzrī hai 'naqsh'

dil laraz uThtā hai zikr-e-shām se

kaun samjhe hum pe kya guzri hai 'naqsh'

dil laraz uThta hai zikr-e-sham se

Mahesh Chandra Naqsh

shaam hotī hai to lagtā hai koī ruuTh gayā

aur shab us ko manāne meñ guzar jaatī hai

sham hoti hai to lagta hai koi ruTh gaya

aur shab us ko manane mein guzar jati hai

Ashfaq Nasir

āḳhirī baar maiñ kab us se milā yaad nahīñ

bas yahī yaad hai ik shaam bahut bhārī thī

aaKHiri bar main kab us se mila yaad nahin

bas yahi yaad hai ek sham bahut bhaari thi

Hammad Niyazi

dalīl-e-tābish-e-īmāñ hai kufr ehsās

charāġh shaam se pahle jalā nahīñ karte

dalil-e-tabish-e-iman hai kufr ka ehsas

charagh sham se pahle jala nahin karte

Shakeel Badayuni

bhīgī huī ik shaam dahlīz pe baiThe

ham dil ke sulagne sabab soch rahe haiñ

bhigi hui ek sham ki dahliz pe baiThe

hum dil ke sulagne ka sabab soch rahe hain

Shakeb Jalali

shaam ko aaoge tum achchhā abhī hotī hai shaam

gesuoñ ko khol do sūraj chhupāne ke liye

sham ko aaoge tum achchha abhi hoti hai sham

gesuon ko khol do suraj chhupane ke liye

Qamar Jalalvi

shaam se baras rahī hai raat

rañg apne sambhāl kar rakhnā

sham hi se baras rahi hai raat

rang apne sambhaal kar rakhna

Rasa Chughtai

shaam shaam se sargoshī sunī thī ik baar

bas tabhī se tujhe imkān meñ rakkhā huā hai

sham ki sham se sargoshi suni thi ek bar

bas tabhi se tujhe imkan mein rakkha hua hai

Naheed Virk

mujhe har shaam ik sunsān jañgal khīñch letā hai

aur is ke ba.ad phir ḳhūnī balā.eñ raqs kartī haiñ

mujhe har sham ek sunsan jangal khinch leta hai

aur is ke baad phir KHuni balaen raqs karti hain

Shamim Ravish

shaam hone ko hai jalne ko hai sham-e-mahfil

saañs lene bhī fursat nahīñ parvāne ko

sham hone ko hai jalne ko hai sham-e-mahfil

sans lene ki bhi fursat nahin parwane ko

Shahzad Ahmad

Added to your favorites

Removed from your favorites