ye kaisaa nashsha hai mai.n kis ajab KHumaar me.n huu.n tuu aa ke jaa bhii chukaa hai mai.n intizaar me.n huu.n

kisii ko apne amal kaa hisaab kyaa dete savaal saare Galat the javaab kyaa dete

aadat hii banaa lii hai tum ne to 'muniir' apnii jis shahr me.n bhii rahnaa uktaa.e hu.e rahnaa

hastii hii apnii kyaa hai zamaane ke saamne ik KHvaab hai.n jahaa.n me.n bikhar jaa.e.n ham to kyaa

muddat ke baa'd aaj use dekh kar 'muniir' ik baar dil to dha.Dkaa magar phir sambhal gayaa

mohabbat ab nahii.n hogii ye kuchh din baa'd me.n hogii guzar jaa.e.nge jab ye din ye un kii yaad me.n hogii

aa ga.ii yaad shaam Dhalte hii bujh gayaa dil charaaG jalte hii khul ga.e shahr-e-Gam ke darvaaze ik zaraa sii havaa ke chalte hii kaun thaa tuu ki phir na dekhaa tujhe miT gayaa KHvaab aa.nkh malte hii KHauf aataa hai apne hii ghar se maah-e-shab-taab ke nikalte hii tuu bhii jaise badal saa jaataa hai aks-e-diivaar ke badalte hii KHuun saa lag gayaa hai haatho.n me.n cha.Dh gayaa zahr gul masalte hii

be-KHayaalii me.n yuu.nhii bas ik iraada kar liyaa apne dil ke shauq ko had se ziyaada kar liyaa jaante the dono.n ham us ko nibhaa sakte nahii.n us ne va.ada kar liyaa mai.n ne bhii va.ada kar liyaa Gair se nafrat jo paa lii KHarch KHud par ho ga.ii jitne ham the ham ne KHud ko us se aadhaa kar liyaa shaam ke ra.ngo.n me.n rakh kar saaf paanii kaa gilaas aab-e-saada ko hariif-e-ra.ng-e-baada kar liyaa hijrato.n kaa KHauf thaa yaa pur-kashish kohna maqaam kyaa thaa jis ko ham ne KHud diivaar-e-jaada kar liyaa ek aisaa shaKHs bantaa jaa rahaa huu.n mai.n 'muniir' jis ne KHud par band husn o jaam o baada kar liyaa

shaayad ko.ii dekhne vaalaa ho jaa.e hairaan kamre kii diivaaro.n par ko.ii naqsh banaa kar dekh

laakho.n shaklo.n ke mele me.n tanhaa rahnaa meraa kaam bhes badal kar dekhte rahnaa tez havaa.o.n kaa kohraam ek taraf aavaaz kaa suuraj ek taraf ik guu.ngii shaam ek taraf jismo.n kii KHushbuu ek taraf us kaa anjaam ban gayaa qaatil mere liye to apnii hii nazro.n kaa daam sab se ba.Daa hai naam KHudaa kaa us ke baad hai meraa naam