Sher on Alam

hausla hai to safīnoñ ke alam lahrāo

bahte dariyā to chaleñge isī raftār ke saath

hausla hai to safinon ke alam lahrao

bahte dariya to chalenge isi raftar ke sath

shajar ne pūchhā ki tujh meñ ye kis kī ḳhushbū hai

havā-e-shām-e-alam ne kahā udāsī kī

shajar ne puchha ki tujh mein ye kis ki KHushbu hai

hawa-e-sham-e-alam ne kaha udasi ki

himmat hai to buland kar āvāz kā alam

chup baiThne se hal nahīñ hone kā mas.ala

himmat hai to buland kar aawaz ka alam

chup baiThne se hal nahin hone ka masala

ham haiñ tahzīb ke alam-bardār

ham ko urdu zabān aatī hai

hum hain tahzib ke alam-bardar

hum ko urdu zaban aati hai

vo hindī naujavāñ ya.anī alam-bardār-e-āzādī

vatan kī pāsbāñ vo teġh-e-jauhar-dār-e-āzādī

wo hindi naujawan yani alam-bardar-e-azadi

watan ki pasban wo tegh-e-jauhar-dar-e-azadi

hamārī fat.h ke andāz duniyā se nirāle haiñ

ki parcham kī jagah neze pe apnā sar nikaltā hai

hamari fath ke andaz duniya se nirale hain

ki parcham ki jagah neze pe apna sar nikalta hai

in dinoñ apnī bhī vahshat kā ajab aalam hai

ghar meñ ham dasht-o-bayābān uThā laa.e haiñ

in dinon apni bhi wahshat ka ajab aalam hai

ghar mein hum dasht-o-bayaban uTha lae hain

vo ġham ho yā alam ho dard ho yā ālam-e-vahshat

use apnā samajh ai zindagī jo tere kaam aa.e

wo gham ho ya alam ho dard ho ya aalam-e-wahshat

use apna samajh ai zindagi jo tere kaam aae