Aansoo Shayari

Tears have a language; they express a condition of being. All of us shed tears for different reasons on different occasions. While tears are generally an expression of sorrow, they also express a rare pleasure on certain occasions. Lovers too shed tears but those tears probably tell more than what we generally know about. Here are some verses that reveal the meaning of tears.

vaise to ik aañsū bahā kar mujhe le jaa.e

aise koī tūfān hilā bhī nahīñ saktā

waise to ek aansu hi baha kar mujhe le jae

aise koi tufan hila bhi nahin sakta

Waseem Barelvi

rone vaale tujhe rone salīqa nahīñ

ashk piine ke liye haiñ ki bahāne ke liye

rone wale tujhe rone ka saliqa hi nahin

ashk pine ke liye hain ki bahane ke liye

Anand Narayan Mulla

ek aañsū ne Duboyā mujh ko un bazm meñ

buuñd bhar paanī se saarī aabrū paanī huī

a single tear caused my fall in her company

just a drop of water drowned my dignity

ek aansu ne Duboya mujh ko un ki bazm mein

bund bhar pani se sari aabru pani hui

a single tear caused my fall in her company

just a drop of water drowned my dignity

Sheikh Ibrahim Zauq

ek aañsū bhī hukūmat ke liye ḳhatra hai

tum ne dekhā nahīñ ā.ankhoñ samundar honā

ek aansu bhi hukumat ke liye KHatra hai

tum ne dekha nahin aaankhon ka samundar hona

Munawwar Rana

muddat ke ba.ad us ne jo lutf nigāh

ḳhush to ho gayā magar aañsū nikal paḌe

muddat ke baad us ne jo ki lutf ki nigah

ji KHush to ho gaya magar aansu nikal paDe

Kaifi Azmi

un ke ruḳhsār pe Dhalke hue aañsū tauba

maiñ ne shabnam ko bhī sho.aloñ pe machalte dekhā

un ke ruKHsar pe Dhalke hue aansu tauba

main ne shabnam ko bhi shoalon pe machalte dekha

Sahir Ludhianvi

shabnam ke aañsū phuul par ye to vahī qissa huā

āñkheñ mirī bhīgī huī chehra tirā utrā huā

shabnam ke aansu phul par ye to wahi qissa hua

aankhen meri bhigi hui chehra tera utra hua

Bashir Badr

thame aañsū to phir tum shauq se ghar ko chale jaanā

kahāñ jaate ho is tūfān meñ paanī zarā Thahre

thame aansu to phir tum shauq se ghar ko chale jaana

kahan jate ho is tufan mein pani zara Thahre

Lala Madhav Ram Jauhar

aarzū hasrat aur ummīd shikāyat aañsū

ik tirā zikr thā aur biich meñ kyā kyā niklā

aarzu hasrat aur ummid shikayat aansu

ek tera zikr tha aur bich mein kya kya nikla

Sarwar Alam Raz

phir mirī aañkh ho ga.ī namnāk

phir kisī ne mizāj pūchhā hai

phir meri aankh ho gai namnak

phir kisi ne mizaj puchha hai

Asrarul Haq Majaz

hasīñ terī āñhkeñ hasīñ tere aañsū

yahīñ Duub jaane ko chāhtā hai

hasin teri aanhken hasin tere aansu

yahin Dub jaane ko ji chahta hai

Jigar Moradabadi

is qadar royā huuñ terī yaad meñ

ā.īne āñkhoñ ke dhundle ho ga.e

is qadar roya hun teri yaad mein

aaine aankhon ke dhundle ho gae

Nasir Kazmi

aañkh kam-baḳht se us bazm meñ aañsū na rukā

ek qatre ne Duboyā mujhe dariyā ho kar

aankh kam-baKHt se us bazm mein aansu na ruka

ek qatre ne Duboya mujhe dariya ho kar

Hafeez Jalandhari

palkoñ had ko toḌ ke dāman pe aa girā

ik ashk mere sabr tauhīn kar gayā

palkon ki had ko toD ke daman pe aa gira

ek ashk mere sabr ki tauhin kar gaya

Unknown

udaas āñkhoñ se aañsū nahīñ nikalte haiñ

ye motiyoñ tarah sīpiyoñ meñ palte haiñ

udas aankhon se aansu nahin nikalte hain

ye motiyon ki tarah sipiyon mein palte hain

Bashir Badr

āñkhoñ se āñsuoñ ke marāsim purāne haiñ

mehmāñ ye ghar meñ aa.eñ to chubhtā nahīñ dhuāñ

aankhon se aansuon ke marasim purane hain

mehman ye ghar mein aaen to chubhta nahin dhuan

Gulzar

bahtā aañsū ek jhalak meñ kitne ruup dikhā.egā

aañkh se ho kar gaal bhigo kar miTTī meñ mil jā.egā

bahta aansu ek jhalak mein kitne rup dikhaega

aankh se ho kar gal bhigo kar miTTi mein mil jaega

Ahmad Mushtaq

mire ashk bhī haiñ is meñ ye sharāb ubal na jaa.e

mirā jaam chhūne vaale tirā haath jal na jaa.e

my tears too this does contain,this wine may start to boil

be careful for my goblet burns with rare intensity

mere ashk bhi hain is mein ye sharab ubal na jae

mera jam chhune wale tera hath jal na jae

my tears too this does contain,this wine may start to boil

be careful for my goblet burns with rare intensity

Anwar Mirzapuri

vo aks ban ke mirī chashm-e-tar meñ rahtā hai

ajiib shaḳhs hai paanī ke ghar meñ rahtā hai

wo aks ban ke meri chashm-e-tar mein rahta hai

ajib shaKHs hai pani ke ghar mein rahta hai

Bismil Sabri

mirī ruuh haqīqat mire āñsuoñ se pūchho

mirā majlisī tabassum mirā tarjumāñ nahīñ hai

meri ruh ki haqiqat mere aansuon se puchho

mera majlisi tabassum mera tarjuman nahin hai

Mustafa Zaidi

maiñ jis aañkh aañsū thā us ne qadr na

bikhar gayā huuñ to ab ret se uThā.e mujhe

main jis ki aankh ka aansu tha us ne qadr na ki

bikhar gaya hun to ab ret se uThae mujhe

Bashir Badr

roz achchhe nahīñ lagte aañsū

ḳhaas mauqoñ pe mazā dete haiñ

roz achchhe nahin lagte aansu

KHas mauqon pe maza dete hain

Mohammad Alvi

dil meñ ik dard uThā āñkhoñ meñ aañsū bhar aa.e

baiThe baiThe hameñ kyā jāniye kyā yaad aayā

dil mein ek dard uTha aankhon mein aansu bhar aae

baiThe baiThe hamein kya jaaniye kya yaad aaya

Wazir Ali Saba Lakhnavi

jo aag lagā.ī thī tum ne us ko to bujhāyā ashkoñ ne

jo ashkoñ ne bhaḌkā.ī hai us aag ko ThanDā kaun kare

jo aag lagai thi tum ne us ko to bujhaya ashkon ne

jo ashkon ne bhaDkai hai us aag ko ThanDa kaun kare

Moin Ahsan Jazbi

lagī rahtī hai ashkoñ jhaḌī garmī ho sardī ho

nahīñ ruktī kabhī barsāt jab se tum nahīñ aa.e

lagi rahti hai ashkon ki jhaDi garmi ho sardi ho

nahin rukti kabhi barsat jab se tum nahin aae

Anwar Shuoor

mohabbat meñ ik aisā vaqt bhī dil par guzartā hai

ki aañsū ḳhushk ho jaate haiñ tuġhyānī nahīñ jaatī

mohabbat mein ek aisa waqt bhi dil par guzarta hai

ki aansu KHushk ho jate hain tughyani nahin jati

Jigar Moradabadi

āñkhoñ tak aa sakī na kabhī āñsuoñ lahr

ye qāfila bhī naql-e-makānī meñ kho gayā

aankhon tak aa saki na kabhi aansuon ki lahr

ye qafila bhi naql-e-makani mein kho gaya

Abbas Tabish

ab apne chehre par do patthar se sajā.e phirtā huuñ

aañsū le kar bech diyā hai āñkhoñ bīnā.ī ko

ab apne chehre par do patthar se sajae phirta hun

aansu le kar bech diya hai aankhon ki binai ko

Shahzad Ahmad

bichhī thiiñ har taraf āñkheñ āñkheñ

koī aañsū girā thā yaad hogā

bichhi thin har taraf aankhen hi aankhen

koi aansu gira tha yaad hoga

Bashir Badr

maiñ ne chāhā thā ki ashkoñ tamāshā dekhūñ

aur āñkhoñ ḳhazāna thā ki ḳhālī niklā

main ne chaha tha ki ashkon ka tamasha dekhun

aur aankhon ka KHazana tha ki KHali nikla

Saqi Faruqi

aasrā de ke mere ashk na chhīn

yahī le de ke bachā hai mujh meñ

aasra de ke mere ashk na chhin

yahi le de ke bacha hai mujh mein

Unknown

samajhtā huuñ sabab kāfir tire aañsū nikalne

dhuāñ lagtā hai āñkhoñ meñ kisī ke dil ke jalne

samajhta hun sabab kafir tere aansu nikalne ka

dhuan lagta hai aankhon mein kisi ke dil ke jalne ka

Ameer Minai

kyā kahūñ kis tarah se jiitā huuñ

ġham ko khātā huuñ aañsū piitā huuñ

kya kahun kis tarah se jita hun

gham ko khata hun aansu pita hun

Meer Asar

maiñ jo royā un āñkhoñ meñ bhī aañsū aa ga.e

husn fitrat meñ shāmil hai mohabbat mizāj

main jo roya un ki aankhon mein bhi aansu aa gae

husn ki fitrat mein shamil hai mohabbat ka mizaj

Anwar Sabri

aa dekh ki mere āñsuoñ meñ

ye kis jamāl aa gayā hai

aa dekh ki mere aansuon mein

ye kis ka jamal aa gaya hai

Ada Jafarey

koī bādal ho to tham jaa.e magar ashk mire

ek raftār se din raat barābar barse

koi baadal ho to tham jae magar ashk mere

ek raftar se din raat barabar barse

Bashir Badr

Duub jaate haiñ umīdoñ ke safīne is meñ

maiñ na mānūñgā ki aañsū hai zarā paanī

when hope and aspirations drown in them so easily

that tears are just some water, how can I agree

Dub jate hain umidon ke safine is mein

main na manunga ki aansu hai zara sa pani

when hope and aspirations drown in them so easily

that tears are just some water, how can I agree

Josh Malsiani

ashk-e-ġham dīda-e-pur-nam se sambhāle na ga.e

ye vo bachche haiñ jo maañ baap se paale na ga.e

ashk-e-gham dida-e-pur-nam se sambhaale na gae

ye wo bachche hain jo man bap se pale na gae

Meer Anees

vo maazī jo hai ik majmua ashkoñ aur aahoñ

na jaane mujh ko is maazī se kyuuñ itnī mohabbat hai

wo mazi jo hai ek majmua ashkon aur aahon ka

na jaane mujh ko is mazi se kyun itni mohabbat hai

Akhtar Ansari

ye aañsū be-sabab jaarī nahīñ hai

mujhe rone bīmārī nahīñ hai

ye aansu be-sabab jari nahin hai

mujhe rone ki bimari nahin hai

Kaleem Aajiz

kitnī fariyādeñ laboñ par ruk ga.iiñ

kitne ashk aahoñ meñ Dhal kar rah ga.e

kitni fariyaaden labon par ruk gain

kitne ashk aahon mein Dhal kar rah gae

Sufi Tabassum

aañsū hamāre gir ga.e un nigāh se

in motiyoñ ab koī qīmat nahīñ rahī

aansu hamare gir gae un ki nigah se

in motiyon ki ab koi qimat nahin rahi

Jaleel Manikpuri

dam-e-ruḳhsat vo chup rahe 'ābid'

aañkh meñ phailtā gayā kājal

dam-e-ruKHsat wo chup rahe 'abid'

aankh mein phailta gaya kajal

Syed Aabid Ali Aabid

rakh na aañsū se vasl ummīd

khāre paanī se daal galtī nahīñ

rakh na aansu se wasl ki ummid

khaare pani se dal galti nahin

Shaikh Qudratullah Qudrat

ārizoñ par ye Dhalakte hue aañsū tauba

ham ne sho.aloñ pe machaltī huī shabnam dekhī

lord forbid that tears on your cheeks do flow

like dewdrops agonizing on embers all aglow

aarizon par ye Dhalakte hue aansu tauba

hum ne shoalon pe machalti hui shabnam dekhi

lord forbid that tears on your cheeks do flow

like dewdrops agonizing on embers all aglow

Josh Malsiani

dil bhī ai 'dard' qatra-e-ḳhūñ thā

āñsuoñ meñ kahīñ girā hogā

dil bhi ai 'dard' qatra-e-KHun tha

aansuon mein kahin gira hoga

Khwaja Meer Dard

aaj aañsū tum ne poñchhe bhī to kyā

ye to apnā umr bhar kaam hai

aaj aansu tum ne ponchhe bhi to kya

ye to apna umr bhar ka kaam hai

Jaleel Manikpuri

pahle nahā.ī os meñ phir āñsuoñ meñ raat

yuuñ buuñd buuñd utrī hamāre gharoñ meñ raat

pahle nahai os mein phir aansuon mein raat

yun bund bund utri hamare gharon mein raat

Shahryar

thamte thamte thameñge aañsū

ronā hai kuchh hañsī nahīñ hai

thamte thamte thamenge aansu

rona hai kuchh hansi nahin hai

Budh Singh Qalandar

ye be-sabab nahīñ aa.e haiñ aañkh meñ aañsū

ḳhushī lamha koī yaad aa gayā hogā

ye be-sabab nahin aae hain aankh mein aansu

KHushi ka lamha koi yaad aa gaya hoga

Akhtar Saeed Khan

Added to your favorites

Removed from your favorites