Aab Deedah Shayari

maiñ ronā chāhtā huuñ ḳhuub ronā chāhtā huuñ maiñ

phir us ke baad gahrī niind sonā chāhtā huuñ maiñ

main rona chahta hun KHub rona chahta hun main

phir us ke baad gahri nind sona chahta hun main

Farhat Ehsas

ai dost tujh ko rahm na aa.e to kyā karūñ

dushman bhī mere haal pe ab āb-dīda hai

ai dost tujh ko rahm na aae to kya karun

dushman bhi mere haal pe ab aab-dida hai

Lala Madhav Ram Jauhar

tūfāñ uThā rahā hai mire dil meñ sail-e-ashk

vo din ḳhudā na laa.e jo maiñ āb-dīda huuñ

tufan uTha raha hai mere dil mein sail-e-ashk

wo din KHuda na lae jo main aab-dida hun

Nazeer Akbarabadi

udāsī khīñch laa.ī hai yahāñ tak

maiñ aañsū thā samundar meñ paḌā huuñ

udasi khinch lai hai yahan tak

main aansu tha samundar mein paDa hun

Anjum Saleemi

kyuuñ khilaune TūTne par āb-dīda ho ga.e

ab tumheñ ham kyā batā.eñ kyā pareshānī huī

kyun khilaune TuTne par aab-dida ho gae

ab tumhein hum kya bataen kya pareshani hui

Aashufta Changezi

vaqt-e-ruḳhsat āb-dīda aap kyuuñ haiñ

jism se to jaañ hamārī rahī hai

waqt-e-ruKHsat aab-dida aap kyun hain

jism se to jaan hamari ja rahi hai

Azm Shakri

aisī kyā biit ga.ī mujh pe ki jis ke baa.is

āb-dīda haiñ mire hañsne hañsāne vaale

aisi kya bit gai mujh pe ki jis ke bais

aab-dida hain mere hansne hansane wale

Anjum Saleemi

vaañ sajda-e-niyāz miTTī ḳharāb hai

jab tak ki āb-e-dīda se taaza vazū na ho

wan sajda-e-niyaz ki miTTi KHarab hai

jab tak ki aab-e-dida se taza wazu na ho

Ismail Merathi

kapḌe gale ke mere na hoñ āb-dīda kyuuñ

mānind-e-abr dīda-e-tar ab to chhā gayā

kapDe gale ke mere na hon aab-dida kyun

manind-e-abr dida-e-tar ab to chha gaya

Meer Taqi Meer

un yaad meñ bahte aañsū ḳhushk agar ho jā.eñge

saat samundar apnī ḳhālī ā.ankhoñ meñ bhar lā.ūñgā

un ki yaad mein bahte aansu KHushk agar ho jaenge

sat samundar apni KHali aaankhon mein bhar launga

Sadiq

vahāñ ab ḳhvāb-gāheñ ban ga.ī haiñ

uThe the āb-dīda ham jahāñ se

wahan ab KHwab-gahen ban gai hain

uThe the aab-dida hum jahan se

Rasa Chughtai

jhilmilāte rahe vo ḳhvāb jo puure na hue

dard bedār Tapaktā rahā aañsū aañsū

jhilmilate rahe wo KHwab jo pure na hue

dard bedar Tapakta raha aansu aansu

Ahmad Mushtaq

āb-dīda huuñ maiñ ḳhud zaḳhm-e-jigar se apne

terī āñkhoñ meñ chhupā dard kahāñ se dekhūñ

aab-dida hun main KHud zaKHm-e-jigar se apne

teri aankhon mein chhupa dard kahan se dekhun

Mohammad Asadullah

tūfān-e-jahl ne mirā jauhar miTā diyā

maiñ ik kitāb ḳhuub huuñ par āb-dīda huuñ

tufan-e-jahl ne mera jauhar miTa diya

main ek kitab KHub hun par aab-dida hun

Meer Mehdi Majrooh

ham terī tabī.at ko 'ḳhurshīd' nahīñ samjhe

patthar nazar aatā thā royā to bahut royā

hum teri tabiat ko 'KHurshid' nahin samjhe

patthar nazar aata tha roya to bahut roya

Khursheed Rizvi

rone talak to kis ko hai fursat yahāñ sahāb

tūfāñ huā bhī jo Tuk ik āb-dīda huuñ

rone talak to kis ko hai fursat yahan sahab

tufan hua bhi jo Tuk ek aab-dida hun

Shaikh Zahuruddin Hatim

kaun uTh gayā hai paas se mere jo 'mus.hafī'

rotā huuñ zaar zaar paḌā āb-dīda huuñ

kaun uTh gaya hai pas se mere jo 'mushafi'

rota hun zar zar paDa aab-dida hun

Mushafi Ghulam Hamdani

ronā hai agar yahī to 'qā.em'

ik ḳhalq ko ham Dubā rahe haiñ

rona hai agar yahi to 'qaem'

ek KHalq ko hum Duba rahe hain

Qayem Chandpuri

ye āb-dīda Thahar jaa.e jhiil sūrat

ki ek chāñd TukḌā nahānā chāhtā hai

ye aab-dida Thahar jae jhil ki surat

ki ek chand ka TukDa nahana chahta hai

Mustafa Shahab

ham ishq tere haath se kyā kyā na dekhīñ hālateñ

dekh āb-dīda ḳhuuñ na ho ḳhūn-e-jigar paanī na kar

hum ishq tere hath se kya kya na dekhin haalaten

dekh aab-dida KHun na ho KHun-e-jigar pani na kar

Mirza Azfari

sailāb-e-chashm-e-tar se zamāna ḳharāb hai

shikve kahāñ kahāñ haiñ mire āb-dīda ke

sailab-e-chashm-e-tar se zamana KHarab hai

shikwe kahan kahan hain mere aab-dida ke

Naseem Dehlvi

ai sakinān-e-charḳh-e-muallā bacho bacho

tūfāñ huā buland mire āb-dīda

ai sakinan-e-charKH-e-mualla bacho bacho

tufan hua buland mere aab-dida ka

Naseem Dehlvi