yaad rakhnā hī mohabbat meñ nahīñ hai sab kuchh

bhuul jaanā bhī baḌī baat huā kartī hai

yaad rakhna hi mohabbat mein nahin hai sab kuchh

bhul jaana bhi baDi baat hua karti hai

us ne bārish meñ bhī khiḌkī khol ke dekhā nahīñ

bhīgne vāloñ ko kal kyā kyā pareshānī huī

us ne barish mein bhi khiDki khol ke dekha nahin

bhigne walon ko kal kya kya pareshani hui

tamām raat nahāyā thā shahr bārish meñ

vo rang utar hī ga.e jo utarne vaale the

tamam raat nahaya tha shahr barish mein

wo rang utar hi gae jo utarne wale the

qarār dil ko sadā jis ke naam se aayā

vo aayā bhī to kisī aur kaam se aayā

qarar dil ko sada jis ke nam se aaya

wo aaya bhi to kisi aur kaam se aaya

usī maqām pe kal mujh ko dekh kar tanhā

bahut udaas hue phuul bechne vaale

usi maqam pe kal mujh ko dekh kar tanha

bahut udas hue phul bechne wale