ilāhī kashti-e-dil bah rahī hai kis samundar meñ

nikal aatī haiñ maujeñ ham jise sāhil samajhte haiñ

ilahi kashti-e-dil bah rahi hai kis samundar mein

nikal aati hain maujen hum jise sahil samajhte hain

jis husn kī hai chashm-e-tamannā ko justujū

vo āftāb meñ hai na hai māhtāb meñ

jis husn ki hai chashm-e-tamanna ko justuju

wo aaftab mein hai na hai mahtab mein

sajde ke daaġh se na huī āshnā jabīñ

begāna-vār guzre har ik āstāñ se ham

sajde ke dagh se na hui aashna jabin

begana-war guzre har ek aastan se hum

tere shabāb ne kiyā mujh ko junūñ se āshnā

mere junūñ ne bhar diye rañg tirī shabāb meñ

tere shabab ne kiya mujh ko junun se aashna

mere junun ne bhar diye rang teri shabab mein

ye husn-e-dil-fareb ye aalam shabāb kā

goyā chhalak rahā hai piyāla sharāb kā

ye husn-e-dil-fareb ye aalam shabab ka

goya chhalak raha hai piyala sharab ka