Sher on Gaon
Village holds a special
place in the imagination of those who live in cities. They relish a nostalgic fervor for the village and crave for its simplicity and innocence. Many of us have passed through these conditions and have re-configured a village in our imagination in our own ways. You may like to consider some of the reconstructions of village and see in what way possibly they help you relate with this space.
merā bachpan bhī saath le aayā
gaañv se jab bhī aa gayā koī
mera bachpan bhi sath le aaya
ganw se jab bhi aa gaya koi
-
Tag : Bachpan
batā ai abr musāvāt kyuuñ nahīñ kartā
hamāre gaañv meñ barsāt kyuuñ nahīñ kartā
bata ai abr musawat kyun nahin karta
hamare ganw mein barsat kyun nahin karta
jo mere gaañv ke khetoñ meñ bhuuk ugne lagī
mire kisānoñ ne shahroñ meñ naukrī kar lī
jo mere ganw ke kheton mein bhuk ugne lagi
mere kisanon ne shahron mein naukri kar li
-
Tags : Muflisiand 1 more
shahr kī is bhiiḌ meñ chal to rahā huuñ
zehn meñ par gaañv kā naqsha rakhā hai
shahr ki is bhiD mein chal to raha hun
zehn mein par ganw ka naqsha rakha hai
gaañv kī aañkh se bastī kī nazar se dekhā
ek hī rañg hai duniyā ko jidhar se dekhā
ganw ki aankh se basti ki nazar se dekha
ek hi rang hai duniya ko jidhar se dekha
-
Tag : Duniya
ḳhol chehroñ pe chaḌhāne nahīñ aate ham ko
gaañv ke log haiñ ham shahr meñ kam aate haiñ
KHol chehron pe chaDhane nahin aate hum ko
ganw ke log hain hum shahr mein kam aate hain
-
Tag : Naqab
ik aur khet pakkī saḌak ne nigal liyā
ik aur gaañv shahar kī vus.at meñ kho gayā
ek aur khet pakki saDak ne nigal liya
ek aur ganw shahar ki wusat mein kho gaya
-
Tag : Shahr
manzaroñ kī bhiiḌ aisī to kabhī dekhī na thī
gaañv achchhā thā magar us meñ koī laḌkī na thī
manzaron ki bhiD aisi to kabhi dekhi na thi
ganw achchha tha magar us mein koi laDki na thi
aḳhroT khā.eñ tāpeñ añgeThī pe aag aa
raste tamām gaañv ke kohre se aT ga.e
aKHroT khaen tapen angeThi pe aag aa
raste tamam ganw ke kohre se aT gae
pariyoñ aisā ruup hai jis kā laḌkoñ aisā naañv
saare dhande chhoḌ-chhāḌ ke chaliye us ke gaañv
pariyon aisa rup hai jis ka laDkon aisa nanw
sare dhande chhoD-chhaD ke chaliye us ke ganw
nazar na aa.ī kabhī phir vo gaañv kī gorī
agarche mil ga.e dehāt aa ke shahroñ se
nazar na aai kabhi phir wo ganw ki gori
agarche mil gae dehat aa ke shahron se
sharīfe ke daraḳhtoñ meñ chhupā ghar dekh letā huuñ
maiñ āñkheñ band kar ke ghar ke andar dekh letā huuñ
sharife ke daraKHton mein chhupa ghar dekh leta hun
main aankhen band kar ke ghar ke andar dekh leta hun
-
Tags : Darakhtand 1 more
kaisā hangāma bapā hai ki mire shahr ke log
ḳhāmushī DhūñDhne ġhāroñ kī taraf jaate hue
kaisa hangama bapa hai ki mere shahr ke log
KHamushi DhunDhne ghaaron ki taraf jate hue
-
Tag : Shahr
