Raasta Shayari
Path, journey, and destination are all inter-related and together they create a complex of meaning. Related with the experience of journey, they unravel the hidden meaning of human existence as human life is itself a journey into the unknown, as much as into the known. You may like to read these verses to discover the pleasures of wayfaring as perceived by Urdu poets.
yahāñ kisī ko koī rāsta nahīñ detā
mujhe girā ke agar tum sambhal sako to chalo
yahan kisi ko koi rasta nahin deta
mujhe gira ke agar tum sambhal sako to chalo
kyuuñ chalte chalte ruk ga.e vīrān rāsto
tanhā huuñ aaj maiñ zarā ghar tak to saath do
kyun chalte chalte ruk gae viran rasto
tanha hun aaj main zara ghar tak to sath do
vo kyā manzil jahāñ se rāste aage nikal jaa.eñ
so ab phir ik safar kā silsila karnā paḌegā
wo kya manzil jahan se raste aage nikal jaen
so ab phir ek safar ka silsila karna paDega
-
Tag: Manzil
safar kā ek nayā silsila banānā hai
ab āsmān talak rāsta banānā hai
safar ka ek naya silsila banana hai
ab aasman talak rasta banana hai
kaTī huī hai zamīñ koh se samundar tak
milā hai ghaao ye dariyā ko rāsta de kar
kaTi hui hai zamin koh se samundar tak
mila hai ghao ye dariya ko rasta de kar
-
Tags: Dariyaand 1 more
ham aap ko dekhte the pahle
ab aap kī raah dekhte haiñ
hum aap ko dekhte the pahle
ab aap ki rah dekhte hain
tū kabhī is shahr se ho kar guzar
rāstoñ ke jaal meñ uljhā huuñ maiñ
tu kabhi is shahr se ho kar guzar
raston ke jal mein uljha hun main
koī rasta kahīñ jaa.e to jāneñ
badalne ke liye raste bahut haiñ
koi rasta kahin jae to jaanen
badalne ke liye raste bahut hain
'faiz' thī raah sar-ba-sar manzil
ham jahāñ pahuñche kāmyāb aa.e
'faiz' thi rah sar-ba-sar manzil
hum jahan pahunche kaamyab aae
-
Tags: Faatehand 1 more
dilchasp ho ga.ī tire chalne se rahguzar
uTh uTh ke gard-e-rāh lipaTtī hai raah se
dilchasp ho gai tere chalne se rahguzar
uTh uTh ke gard-e-rah lipaTti hai rah se
jahāñ tak paañv mere jā sake haiñ
vahīñ tak rāsta Thahrā huā hai
jahan tak panw mere ja sake hain
wahin tak rasta Thahra hua hai
jo rukāvaT thī hamārī raah kī
rāsta niklā usī dīvār se
jo rukawaT thi hamari rah ki
rasta nikla usi diwar se
yaqīnan rahbar-e-manzil kahīñ par rāstā bhūlā
vagarna qāfile ke qāfile gum ho nahīñ sakte
yaqinan rahbar-e-manzil kahin par rasta bhula
wagarna qafile ke qafile gum ho nahin sakte
maiñ ḳhud hī apne ta.āqub meñ phir rahā huuñ abhī
uThā ke tū merī rāhoñ se rāstā le jā
main KHud hi apne taaqub mein phir raha hun abhi
uTha ke tu meri rahon se rasta le ja
