muskurāne kī kyā zarūrat hai

aap yuuñ bhī udaas lagte haiñ

muskurane ki kya zarurat hai

aap yun bhi udas lagte hain

lagtā hai kahīñ pyaar meñ thoḌī sī kamī thī

aur pyaar meñ thoḌī sī kamī kam nahīñ hotī

lagta hai kahin pyar mein thoDi si kami thi

aur pyar mein thoDi si kami kam nahin hoti

kuchh der us ne dekh liyā chāñd kī taraf

kuchh der aaj chāñd ko itrānā chāhiye

kuchh der us ne dekh liya chand ki taraf

kuchh der aaj chand ko itrana chahiye

musāfir tirā zikr karte rahe

mahaktā rahā rāsta der tak

musafir tera zikr karte rahe

mahakta raha rasta der tak

baḌī hī karbnāk thī vo pahlī raat hijr kī

dobāra dil meñ aisā dard aaj tak nahīñ huā

baDi hi karbnak thi wo pahli raat hijr ki

dobara dil mein aisa dard aaj tak nahin hua