kitne gulshan ki saje the mire iqrār ke naam

kitne ḳhanjar ki mirī ek nahīñ par chamke

kitne gulshan ki saje the mere iqrar ke nam

kitne KHanjar ki meri ek nahin par chamke

matā-e-jāñ haiñ mirī umr bhar kā hāsil haiñ

vo chand lamhe tire qurb meñ guzāre hue

mata-e-jaan hain meri umr bhar ka hasil hain

wo chand lamhe tere qurb mein guzare hue

mujhe ye zid hai kabhī chāñd ko asiir karūñ

so ab ke jhiil meñ ik dā.era banānā hai

mujhe ye zid hai kabhi chand ko asir karun

so ab ke jhil mein ek daera banana hai

vo ek tū ki tire ġham meñ ik jahāñ ro.e

vo ek maiñ ki mirā koī rone vaalā nahīñ

wo ek tu ki tere gham mein ek jahan roe

wo ek main ki mera koi rone wala nahin

yuuñ to mumkin nahīñ dushman mire sar par pahuñche

pahre-dāroñ meñ koī aañkh jhapak jaatā hai

yun to mumkin nahin dushman mere sar par pahunche

pahre-daron mein koi aankh jhapak jata hai