ham aap ko dekhte the pahle

ab aap kī raah dekhte haiñ

hum aap ko dekhte the pahle

ab aap ki rah dekhte hain

vo ab kyā ḳhaak aa.e haa.e qismat meñ tarasnā thā

tujhe ai abr-e-rahmat aaj hī itnā barasnā thā

wo ab kya KHak aae hae qismat mein tarasna tha

tujhe ai abr-e-rahmat aaj hi itna barasna tha

vahī nazar meñ hai lekin nazar nahīñ aatā

samajh rahā huuñ samajh meñ magar nahīñ aatā

wahi nazar mein hai lekin nazar nahin aata

samajh raha hun samajh mein magar nahin aata

apnā ḳhat aap diyā un ko magar ye kah kar

ḳhat to pahchāniye ye ḳhat mujhe gumnām milā

apna KHat aap diya un ko magar ye kah kar

KHat to pahchaniye ye KHat mujhe gumnam mila

raqīb donoñ jahāñ meñ zalīl kyuuñ hotā

kisī ke biich meñ kam-baḳht agar nahīñ aatā

raqib donon jahan mein zalil kyun hota

kisi ke bich mein kam-baKHt agar nahin aata