راستہ پر اشعار

فیضؔ تھی راہ سر بسر منزل

ہم جہاں پہنچے کامیاب آئے

کاش وہ راستے میں مل جائے

مجھ کو منہ پھیر کر گزرنا ہے

یہاں کسی کو کوئی راستہ نہیں دیتا

مجھے گرا کے اگر تم سنبھل سکو تو چلو

کیوں چلتے چلتے رک گئے ویران راستو

تنہا ہوں آج میں ذرا گھر تک تو ساتھ دو

وہ کیا منزل جہاں سے راستے آگے نکل جائیں

سو اب پھر اک سفر کا سلسلہ کرنا پڑے گا

یوں تیری رہ گزر سے دیوانہ وار گزرے

کاندھے پہ اپنے رکھ کے اپنا مزار گزرے

سفر کا ایک نیا سلسلہ بنانا ہے

اب آسمان تلک راستہ بنانا ہے

ہم آپ کو دیکھتے تھے پہلے

اب آپ کی راہ دیکھتے ہیں

کٹی ہوئی ہے زمیں کوہ سے سمندر تک

ملا ہے گھاؤ یہ دریا کو راستہ دے کر

تو کبھی اس شہر سے ہو کر گزر

راستوں کے جال میں الجھا ہوں میں

پھر اسی قبر کے برابر سے

زندہ رہنے کا راستہ نکلا

یقیناً رہبر منزل کہیں پر راستا بھولا

وگرنہ قافلے کے قافلے گم ہو نہیں سکتے

کوئی رستہ کہیں جائے تو جانیں

بدلنے کے لیے رستے بہت ہیں

میں خود ہی اپنے تعاقب میں پھر رہا ہوں ابھی

اٹھا کے تو میری راہوں سے راستا لے جا

مسافر ترا ذکر کرتے رہے

مہکتا رہا راستہ دیر تک

جو رکاوٹ تھی ہماری راہ کی

راستہ نکلا اسی دیوار سے

عجب نہیں کہ یہ دریا نظر کا دھوکا ہو

عجب نہیں کہ کوئی راستہ نکل آئے

دلچسپ ہو گئی ترے چلنے سے رہ گزر

اٹھ اٹھ کے گرد راہ لپٹتی ہے راہ سے

جہاں تک پاؤں میرے جا سکے ہیں

وہیں تک راستہ ٹھہرا ہوا ہے

رستہ بھی ہمی لوگ تھے راہی بھی ہمیں تھے

اور اپنی مسافت کی گواہی بھی ہمیں تھے

وہ جس منڈیر پہ چھوڑ آیا اپنی آنکھیں میں

چراغ ہوتا تو لو بھول کر چلا جاتا

میں اس کی دھن میں نئے راستے پہ جا نکلی

دیار جاں سے مری روز جو گزرتا رہا

قدم بڑھا کہ ابھی دور ہے تری منزل

شکست آبلہ پائی ہے خار کی حد تک