دیوانگی پر اشعار

خدارا اک نگاہ ناز ہی سے دیکھ لو ہم کو

گریباں پھاڑنے کو آج ہم تیار بیٹھے ہیں

چپ چپ مکان راستے گم سم نڈھال وقت

اس شہر کے لیے کوئی دیوانا چاہئے

ناصح کی نصیحت سے ہے ضد اور بھی دل کو

سنتا نہیں ہوشیار کی دیوانہ ہمارا

گزر گئے ہیں وہ لمحے بھی عشق میں اے دوست

ترے بغیر بھی جب خوش رہے ہیں دیوانے

گھورنے سے کیا تمہاری آنکھوں کے ہم ڈر گئے

وے اگر ہیں مست اے پیارے تو دیوانے ہیں ہم

تیرے شیدا بھی ہوئے عشق تماشا بھی ہوئے

تیرے دیوانے ترے شہر میں رسوا بھی ہوئے