dhyān meñ us ke fanā ho kar koī muñh dekh le

dil vo ā.īna nahīñ jo har koī muñh dekh le

dhyan mein us ke fana ho kar koi munh dekh le

dil wo aaina nahin jo har koi munh dekh le

ahvāl dekh kar mirī chashm-e-pur-āb kā

dariyā se aaj TuuT gayā dil habāb kā

ahwal dekh kar meri chashm-e-pur-ab ka

dariya se aaj TuT gaya dil habab ka

us ke ruḳhsār par kahāñ hai zulf

shola-e-husn kā dhuāñ hai zulf

us ke ruKHsar par kahan hai zulf

shola-e-husn ka dhuan hai zulf

chhup-chhup ke dekhte ho bahut us ko har kahīñ

hogā ġhazab jo paḌ ga.ī us kī nazar kahīñ

chhup-chhup ke dekhte ho bahut us ko har kahin

hoga ghazab jo paD gai us ki nazar kahin

kis tarah tujh se mulāqāt mayassar hove

ye duā-go tirā ne zor na zar rakhtā hai

kis tarah tujh se mulaqat mayassar howe

ye dua-go tera ne zor na zar rakhta hai