Sher on Fire

ubalte vaqt paanī sochtā hogā zarūr

agar bartan na hotā to batātā aag ko

ubalte waqt pani sochta hoga zarur

agar bartan na hota to batata aag ko

aql har baar dikhātī thī jale haath apne

dil ne har baar kahā aag parā.ī le le

aql har bar dikhati thi jale hath apne

dil ne har bar kaha aag parai le le

us se kahnā ki dhuāñ dekhne laa.eq hogā

aag pahne hue jā.uñgā maiñ paanī kī taraf

us se kahna ki dhuan dekhne laeq hoga

aag pahne hue jaunga main pani ki taraf

apne jalne kā hamesha se tamāshā.ī huuñ

aag ye kis ne lagā.ī mujhe ma.alūm nahīñ

apne jalne ka hamesha se tamashai hun

aag ye kis ne lagai mujhe malum nahin

auroñ kī aag kyā tujhe kundan banā.egī

apnī bhī aag meñ kabhī chup-chāp jal ke dekh

auron ki aag kya tujhe kundan banaegi

apni bhi aag mein kabhi chup-chap jal ke dekh

sard rātoñ kā taqāza thā badan jal jaa.e

phir vo ik aag jo siine se lagā.ī maiñ ne

sard raaton ka taqaza tha badan jal jae

phir wo ek aag jo sine se lagai main ne

mere hone se na honā hai mirā

aag jalne se dhuāñ ābād hai

mere hone se na hona hai mera

aag jalne se dhuan aabaad hai

kaunsā naam deñ aisī barsāt ko jis ke dāman meñ paanī bhī hai aag bhī

huuk uThtī rahī ruuh jaltī rahī dil pighaltā rahā ashk Dhalte rahe

kaunsa nam den aisi barsat ko jis ke daman mein pani bhi hai aag bhi

huk uThti rahi ruh jalti rahi dil pighalta raha ashk Dhalte rahe

sub.h-dam sehn-e-gulistāñ meñ sabā ke jhoñke

ātish-e-dard-e-mohabbat ko havā dete haiñ

subh-dam sehn-e-gulistan mein saba ke jhonke

aatish-e-dard-e-mohabbat ko hawa dete hain

kuchh yuuñ fanā huā huuñ mohabbat kī aag meñ

duniyā ko de chalā huuñ kahānī malāl kī

kuchh yun fana hua hun mohabbat ki aag mein

duniya ko de chala hun kahani malal ki

maiñ ghar basā ke samundar ke biich soyā thā

uThā to aag kī lapToñ meñ thā makān mirā

main ghar basa ke samundar ke bich soya tha

uTha to aag ki lapTon mein tha makan mera

chamak uThe mirī āñkhoñ meñ ashk kī sūrat

jo aag dil meñ hai raushan zabāñ se zāhir ho

chamak uThe meri aankhon mein ashk ki surat

jo aag dil mein hai raushan zaban se zahir ho

hamīñ bujhāte haiñ lau pahle sab charāġhoñ kī

phir in charāġhoñ ke hisse kā jalnā paḌtā hai

hamin bujhate hain lau pahle sab charaghon ki

phir in charaghon ke hisse ka jalna paDta hai