Today's top 5 Urdu Shayari

kamar bāñdhe hue chalne ko yaañ sab yaar baiThe haiñ

bahut aage ga.e baaqī jo haiñ tayyār baiThe haiñ

kamar bandhe hue chalne ko yan sab yar baiThe hain

bahut aage gae baqi jo hain tayyar baiThe hain

koī pāband-e-mohabbat hī batā saktā hai

ek dīvāne kā zanjīr se rishta kyā hai

koi paband-e-mohabbat hi bata sakta hai

ek diwane ka zanjir se rishta kya hai

mohabbat ke liye kuchh ḳhaas dil maḳhsūs hote haiñ

ye vo naġhma hai jo har saaz par gaayā nahīñ jaatā

mohabbat ke liye kuchh KHas dil maKHsus hote hain

ye wo naghma hai jo har saz par gaya nahin jata

kah rahā hai shor-e-dariyā se samundar kā sukūt

jis kā jitnā zarf hai utnā hī vo ḳhāmosh hai

kah raha hai shor-e-dariya se samundar ka sukut

jis ka jitna zarf hai utna hi wo KHamosh hai

mohabbat karne vaale dard meñ tanhā nahīñ hote

jo rūThoge kabhī mujh se to apnā dil dukhāoge

mohabbat karne wale dard mein tanha nahin hote

jo ruThoge kabhi mujh se to apna dil dukhaoge