Today's top 5 Urdu Shayari

had hai apnī taraf nahīñ maiñ bhī

aur un kī taraf ḳhudā.ī hai

had hai apni taraf nahin main bhi

aur un ki taraf KHudai hai

is zindagī meñ itnī farāġhat kise nasīb

itnā na yaad aa ki tujhe bhuul jaa.eñ ham

is zindagi mein itni faraghat kise nasib

itna na yaad aa ki tujhe bhul jaen hum

hayāt le ke chalo kā.enāt le ke chalo

chalo to saare zamāne ko saath le ke chalo

hayat le ke chalo kaenat le ke chalo

chalo to sare zamane ko sath le ke chalo

dil pāgal hai roz na.ī nādānī kartā hai

aag meñ aag milātā hai phir paanī kartā hai

dil pagal hai roz nai nadani karta hai

aag mein aag milata hai phir pani karta hai

dil kī bisāt kyā thī nigāh-e-jamāl meñ

ik ā.īna thā TuuT gayā dekh-bhāl meñ

dil ki bisat kya thi nigah-e-jamal mein

ek aaina tha TuT gaya dekh-bhaal mein