Sher on Motivational

aur bhī dukh haiñ zamāne meñ mohabbat ke sivā

rāhateñ aur bhī haiñ vasl kī rāhat ke sivā

aur bhi dukh hain zamane mein mohabbat ke siwa

rahaten aur bhi hain wasl ki rahat ke siwa

dil nā-umīd to nahīñ nākām hī to hai

lambī hai ġham kī shaam magar shaam hī to hai

dil na-umid to nahin nakaam hi to hai

lambi hai gham ki sham magar sham hi to hai

ḳhudī ko kar buland itnā ki har taqdīr se pahle

ḳhudā bande se ḳhud pūchhe batā terī razā kyā hai

KHudi ko kar buland itna ki har taqdir se pahle

KHuda bande se KHud puchhe bata teri raza kya hai

maiñ akelā hī chalā thā jānib-e-manzil magar

log saath aate ga.e aur kārvāñ bantā gayā

main akela hi chala tha jaanib-e-manzil magar

log sath aate gae aur karwan banta gaya

sitāroñ se aage jahāñ aur bhī haiñ

abhī ishq ke imtihāñ aur bhī haiñ

sitaron se aage jahan aur bhi hain

abhi ishq ke imtihan aur bhi hain

vo afsāna jise anjām tak laanā na ho mumkin

use ik ḳhūb-sūrat moḌ de kar chhoḌnā achchhā

wo afsana jise anjam tak lana na ho mumkin

use ek KHub-surat moD de kar chhoDna achchha

ham ko miTā sake ye zamāne meñ dam nahīñ

ham se zamāna ḳhud hai zamāne se ham nahīñ

hum ko miTa sake ye zamane mein dam nahin

hum se zamana KHud hai zamane se hum nahin

jahāñ rahegā vahīñ raushnī luTā.egā

kisī charāġh kā apnā makāñ nahīñ hotā

jahan rahega wahin raushni luTaega

kisi charagh ka apna makan nahin hota

dushmanī jam kar karo lekin ye gunjā.ish rahe

jab kabhī ham dost ho jaa.eñ to sharminda na hoñ

dushmani jam kar karo lekin ye gunjaish rahe

jab kabhi hum dost ho jaen to sharminda na hon

na ham-safar na kisī ham-nashīñ se niklegā

hamāre paañv kā kāñTā hamīñ se niklegā

na ham-safar na kisi ham-nashin se niklega

hamare panw ka kanTa hamin se niklega

kashtiyāñ sab kī kināre pe pahuñch jaatī haiñ

nāḳhudā jin kā nahīñ un kā ḳhudā hotā hai

kashtiyan sab ki kinare pe pahunch jati hain

naKHuda jin ka nahin un ka KHuda hota hai

dhuup meñ niklo ghaTāoñ meñ nahā kar dekho

zindagī kyā hai kitāboñ ko haTā kar dekho

dhup mein niklo ghaTaon mein naha kar dekho

zindagi kya hai kitabon ko haTa kar dekho

uTho ye manzar-e-shab-tāb dekhne ke liye

ki niiñd shart nahīñ ḳhvāb dekhne ke liye

uTho ye manzar-e-shab-tab dekhne ke liye

ki nind shart nahin KHwab dekhne ke liye

tū shāhīñ hai parvāz hai kaam terā

tire sāmne āsmāñ aur bhī haiñ

tu shahin hai parwaz hai kaam tera

tere samne aasman aur bhi hain

hazār barq gire laakh āñdhiyāñ uTTheñ

vo phuul khil ke raheñge jo khilne vaale haiñ

hazar barq gire lakh aandhiyan uTThen

wo phul khil ke rahenge jo khilne wale hain

mire junūñ kā natīja zarūr niklegā

isī siyāh samundar se nuur niklegā

mere junun ka natija zarur niklega

isi siyah samundar se nur niklega

kaise ākāsh meñ sūrāḳh nahīñ ho saktā

ek patthar to tabī.at se uchhālo yaaro

kaise aakash mein suraKH nahin ho sakta

ek patthar to tabiat se uchhaalo yaro

bachchoñ ke chhoTe hāthoñ ko chāñd sitāre chhūne do

chaar kitābeñ paḌh kar ye bhī ham jaise ho jā.eñge

bachchon ke chhoTe hathon ko chand sitare chhune do

chaar kitaben paDh kar ye bhi hum jaise ho jaenge

tire māthe pe ye āñchal bahut hī ḳhuub hai lekin

tū is āñchal se ik parcham banā letī to achchhā thā

tere mathe pe ye aanchal bahut hi KHub hai lekin

tu is aanchal se ek parcham bana leti to achchha tha

rañj se ḳhūgar huā insāñ to miT jaatā hai rañj

mushkileñ mujh par paḌīñ itnī ki āsāñ ho ga.iiñ

ranj se KHugar hua insan to miT jata hai ranj

mushkilen mujh par paDin itni ki aasan ho gain

jo tūfānoñ meñ palte jā rahe haiñ

vahī duniyā badalte jā rahe haiñ

jo tufanon mein palte ja rahe hain

wahi duniya badalte ja rahe hain

sarfaroshī kī tamannā ab hamāre dil meñ hai

dekhnā hai zor kitnā bāzu-e-qātil meñ hai

sarfaroshi ki tamanna ab hamare dil mein hai

dekhna hai zor kitna bazu-e-qatil mein hai

ghar se masjid hai bahut duur chalo yuuñ kar leñ

kisī rote hue bachche ko hañsāyā jaa.e

ghar se masjid hai bahut dur chalo yun kar len

kisi rote hue bachche ko hansaya jae

DhūñD ujḌe hue logoñ meñ vafā ke motī

ye ḳhazāne tujhe mumkin hai ḳharāboñ meñ mileñ

DhunD ujDe hue logon mein wafa ke moti

ye KHazane tujhe mumkin hai KHarabon mein milen

dushmanī laakh sahī ḳhatm na kiije rishta

dil mile yā na mile haath milāte rahiye

dushmani lakh sahi KHatm na kije rishta

dil mile ya na mile hath milate rahiye

baare duniyā meñ raho ġham-zada yā shaad raho

aisā kuchh kar ke chalo yaañ ki bahut yaad raho

bare duniya mein raho gham-zada ya shad raho

aisa kuchh kar ke chalo yan ki bahut yaad raho

koshish bhī kar umiid bhī rakh rāsta bhī chun

phir is ke ba.ad thoḌā muqaddar talāsh kar

koshish bhi kar umid bhi rakh rasta bhi chun

phir is ke baad thoDa muqaddar talash kar

nahīñ terā nasheman qasr-e-sultānī ke gumbad par

tū shāhīñ hai baserā kar pahāḌoñ kī chaTānoñ meñ

nahin tera nasheman qasr-e-sultani ke gumbad par

tu shahin hai basera kar pahaDon ki chaTanon mein

hayāt le ke chalo kā.enāt le ke chalo

chalo to saare zamāne ko saath le ke chalo

hayat le ke chalo kaenat le ke chalo

chalo to sare zamane ko sath le ke chalo

log kahte haiñ badaltā hai zamāna sab ko

mard vo haiñ jo zamāne ko badal dete haiñ

log kahte hain badalta hai zamana sab ko

mard wo hain jo zamane ko badal dete hain

ham parvarish-e-lauh-o-qalam karte raheñge

jo dil pe guzartī hai raqam karte raheñge

hum parwarish-e-lauh-o-qalam karte rahenge

jo dil pe guzarti hai raqam karte rahenge

shohrat kī bulandī bhī pal bhar kā tamāshā hai

jis Daal pe baiThe ho vo TuuT bhī saktī hai

shohrat ki bulandi bhi pal bhar ka tamasha hai

jis Dal pe baiThe ho wo TuT bhi sakti hai

apnā zamāna aap banāte haiñ ahl-e-dil

ham vo nahīñ ki jin ko zamāna banā gayā

apna zamana aap banate hain ahl-e-dil

hum wo nahin ki jin ko zamana bana gaya

ab havā.eñ hī kareñgī raushnī kā faisla

jis diye meñ jaan hogī vo diyā rah jā.egā

ab hawaen hi karengi raushni ka faisla

jis diye mein jaan hogi wo diya rah jaega

rāsta sochte rahne se kidhar bantā hai

sar meñ saudā ho to dīvār meñ dar bantā hai

rasta sochte rahne se kidhar banta hai

sar mein sauda ho to diwar mein dar banta hai

ġhulāmī meñ na kaam aatī haiñ shamshīreñ na tadbīreñ

jo ho zauq-e-yaqīñ paidā to kaT jaatī haiñ zanjīreñ

ghulami mein na kaam aati hain shamshiren na tadbiren

jo ho zauq-e-yaqin paida to kaT jati hain zanjiren

chalā jaatā huuñ hañstā kheltā mauj-e-havādis se

agar āsāniyāñ hoñ zindagī dushvār ho jaa.e

chala jata hun hansta khelta mauj-e-hawadis se

agar aasaniyan hon zindagi dushwar ho jae

dekh zindāñ se pare rañg-e-chaman josh-e-bahār

raqs karnā hai to phir paañv kī zanjīr na dekh

dekh zindan se pare rang-e-chaman josh-e-bahaar

raqs karna hai to phir panw ki zanjir na dekh

dushmanī kā safar ik qadam do qadam

tum bhī thak jāoge ham bhī thak jā.eñge

dushmani ka safar ek qadam do qadam

tum bhi thak jaoge hum bhi thak jaenge

sāhil ke sukūñ se kise inkār hai lekin

tūfān se laḌne meñ mazā aur hī kuchh hai

sahil ke sukun se kise inkar hai lekin

tufan se laDne mein maza aur hi kuchh hai

saat sandūqoñ meñ bhar kar dafn kar do nafrateñ

aaj insāñ ko mohabbat kī zarūrat hai bahut

sat sanduqon mein bhar kar dafn kar do nafraten

aaj insan ko mohabbat ki zarurat hai bahut

abhī se paañv ke chhāle na dekho

abhī yaaro safar kī ibtidā hai

abhi se panw ke chhaale na dekho

abhi yaro safar ki ibtida hai

ye kah ke dil ne mire hausle baḌhā.e haiñ

ġhamoñ kī dhuup ke aage ḳhushī ke saa.e haiñ

ye kah ke dil ne mere hausle baDhae hain

ghamon ki dhup ke aage KHushi ke sae hain

pyāso raho na dasht meñ bārish ke muntazir

maaro zamīñ pe paañv ki paanī nikal paḌe

pyaso raho na dasht mein barish ke muntazir

maro zamin pe panw ki pani nikal paDe

haar ho jaatī hai jab maan liyā jaatā hai

jiit tab hotī hai jab Thaan liyā jaatā hai

haar ho jati hai jab man liya jata hai

jit tab hoti hai jab Than liya jata hai

log jis haal meñ marne kī duā karte haiñ

maiñ ne us haal meñ jiine kī qasam khaa.ī hai

log jis haal mein marne ki dua karte hain

main ne us haal mein jine ki qasam khai hai

ittifāq apnī jagah ḳhush-qismatī apnī jagah

ḳhud banātā hai jahāñ meñ aadmī apnī jagah

ittifaq apni jagah KHush-qismati apni jagah

KHud banata hai jahan mein aadmi apni jagah

raat ko jiit to paatā nahīñ lekin ye charāġh

kam se kam raat kā nuqsān bahut kartā hai

raat ko jit to pata nahin lekin ye charagh

kam se kam raat ka nuqsan bahut karta hai

tiir khāne kī havas hai to jigar paidā kar

sarfaroshī kī tamannā hai to sar paidā kar

tir khane ki hawas hai to jigar paida kar

sarfaroshi ki tamanna hai to sar paida kar

har ek baat ko chup-chāp kyuuñ sunā jaa.e

kabhī to hausla kar ke nahīñ kahā jaa.e

har ek baat ko chup-chap kyun suna jae

kabhi to hausla kar ke nahin kaha jae